ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ଷ୍ଟାର ବ୍ୟାଟସମ୍ୟାନ୍ ଫାପ୍ ଡୁପ୍ଲେସି ହେଲେ ରୟାଲ ଚ୍ୟାଲେଞ୍ଜ ବାଙ୍ଗାଲୋର (ଆରସିବି)ର ନୂଆ କ୍ୟାପ୍ଟେନ । ପୂର୍ବରୁ ଏହି ଦଳର ନେତୃତ୍ୱ ନେଇଥିଲେ ବିରାଟ କୋହଲି । ବର୍ତ୍ତମାନ ବିରାଟ ଦଳର ନେତୃତ୍ୱ ଛାଡିବା ପରେ ଫାପ୍ ଡୁପ୍ଲେସିକୁ ଏହି ଦାୟିତ୍ୱ ଦିଆଯାଇଛି । ତେବେ ଫାପ୍ଙ୍କ ନିଯୁକ୍ତି ନେଇ ବିରାଟ ପ୍ରତିକ୍ରିୟା ମଧ୍ୟ ରଖିଛନ୍ତି । ବିରାଟ କହିଛନ୍ତି , ସେମାନଙ୍କ ଟିମ୍ ଅତିଶୀଘ୍ର ଏକ ନୂଆ ଯାତ୍ରା ଆରମ୍ଭ କରୁଛନ୍ତି । ଏଥିପାଇଁ ତାଙ୍କ ଟିମ୍ ବେସ୍ ଆନନ୍ଦ ଉତ୍ସାହିତ ଥିବା ବେଳେ ଫାପ୍ ତାଙ୍କ ଦଳର ଅଧିନାୟକ ହୋଇଥିବାରୁ ସେ ନିଜେ ମଧ୍ୟ ବେଶ ଆନନ୍ଦିତ ଅଛନ୍ତି ।
ଏଥି ସହିତ ସେ ଆହୁରି ମଧ୍ୟ କହିଛନ୍ତି, ଏଥର ତାଙ୍କ ଟିମ୍ ନୂଆ ଶକ୍ତି ଓ ଉତ୍ସାହର ସହିତ ଖେଳିବ ଏବଂ ଆଇପିଏଲ୍ରେ ଭଲ ପ୍ରଦର୍ଶନ କରି ରେକଡ ସୃଷ୍ଟି କରିବ । ସେ ଫାପ୍ଙ୍କୁ ଦୀର୍ଘ ଦିନ ହେବ ଜାଣିଛନ୍ତି ଏବଂ ଫାପ୍ ଜଣେ ଭଲ ଅଧିନାୟକ ହେବେ ବୋଲି ବିରାଟ ମତ ଦେଇଛନ୍ତି । ସେମାନେ ଉଭୟ ଅଲଗା ଦଳରେ ଖେଳୁଥିଲେ ମଧ୍ୟ ଫାପ୍ଙ୍କୁ ଅନେକ ଦିନ ହେବ ଜାଣିଛନ୍ତି । ଏବେ ଦୁହେଁ ଗୋଟିଏ ଦଳରେ ଖେଳିବେ ଏହାକୁ ନେଇ ବିରାଟ ବେଶ ଉତ୍ସାହିତ ଅଛନ୍ତି । ଏଥର ଆପିଏଲରେ ଫାପ୍ ଙ୍କ ସହ ତାଙ୍କ ପାର୍ଟନରସିପ୍ ଦର୍ଶକଙ୍କୁ ବେଶ୍ ପସନ୍ଦ ଆସିବ ବୋଲି ବିରାଟ ଆଶା କରିଛନ୍ତି । ଅନ୍ୟପକ୍ଷେ ଆରସିବି ଦଳର ଅନ୍ୟତମ ଖେଳାଳି ଗ୍ଲେନ୍ ମ୍ୟାକ୍ସେଓଲ୍ ମଧ୍ୟ ଭଲ ଫର୍ମରେ ରହିଛନ୍ତି ।
ତେବେ ଚଳିତଥରର ଆଇପିଏଲ୍ ସିଜିନ୍ ଅଧିକ ରୋମାଞ୍ଚକର ହେବ ବୋଲି ଆଶା ରହିଥିବା ବିରାଟ କହିଛନ୍ତି । ରନ୍ ମେସିନ୍ ବିରାଟ ଏହି ଆଇପିଏଲ୍ ରେ ଫାପ୍ ଙ୍କ ସହ ଖେଳି ଆରସିବିକୁ କେତେ ଜିତାଉଛନ୍ତି ତାହା ଦେଖିବାକୁ ଦର୍ଶକଙ୍କ ମଧ୍ୟରେ ଆଗ୍ରହ ପ୍ରକାଶ ପାଇଛି । ଆଇପିଏଲରେ ଆରସିବ ଦଳର କେବଳ ଫାପ୍ ଓ ବିରାଟ ନୁହନ୍ତି ଅନ୍ୟ ସଦସ୍ୟମାନେ ମଧ୍ୟ ଭଲ ପ୍ରଦର୍ଶନ କରି ଟ୍ରଫି ହାତେଇବେ ବୋଲି ଆରସିବି ଫ୍ୟାନ୍ସ ଆଶା ରଖିଛନ୍ତି ।