ଯୁବ ଓ ଛାତ୍ର ବିଜେଡି ଟିମ୍କୁ ନବୀନ ନିବାସ ଡାକରା। ଅସନ୍ତୋଷ ର ଝଡ ଭିତରେ ନବୀନ ନିବାସରେ ବସିଛି ବୈଠକ। ଉଭୟ ଯୁବ ଓ ଛାତ୍ର ଟିମ କୁ ନେଇ ନବୀନ ନିବାସ ରେ ବସିଛି ବୈଠକ । ନବୀନ ନିବାସରେ ଛାତ୍ର ସଭାପତି ଇପ୍ସିତା ସାହୁ ଓ ଯୁବ ସଭାପତି ଚିନ୍ମୟ ସାହୁ ।
ଯୁବ ଛାତ୍ର ସଭାପତି ଘୋଷଣା ପରେ ବିଜେଡିରେ ବିଦ୍ରୋହ । ଭୁବନେଶ୍ୱରରେ ମେଳି କଲେ ବିଜୁ ଛାତ୍ର ଜନତା ଦଳର ଅନେକ ଛାତ୍ର ନେତା। ନବନିଯୁକ୍ତ ଛାତ୍ର ସଭାନେତ୍ରୀଙ୍କ ବିରୁଦ୍ଧରେ ମେଳି ବାନ୍ଧିଛନ୍ତି ଦଳର ଏକାଧିକ ଛାତ୍ର ନେତା । ଛାତ୍ର ସଭାପତି ଚୟନରେ ଏକ ପାଖିଆ ନିଷ୍ପତ୍ତି ହୋଇଥିବା ଅଭିଯୋଗ । ପାଣ୍ଡିଆନଙ୍କ କୋଟେରୀ ଗ୍ରୁପକୁ ପ୍ରାଧାନ୍ୟ ମିଳୁଥିବା ଅଭିଯୋଗ ହେଉଥିବା ସୂଚନା ମିଳିଛି ।
ତାକୁ ବିରୋଧ କରି ଭୁବନେଶ୍ୱରରେ ମେଳି କରିଛନ୍ତି ବିଜେଡି ଛାତ୍ର ସଂଗଠନର ନେତୃବୃନ୍ଦ । ତେବେ ଏନେଇ ବିଜେଡି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ । ଉଲ୍ଲେଖଯୋଗ୍ୟ, ଗତ ମଙ୍ଗଳବାର (୨୬ ଅଗଷ୍ଟ, ୨୦୨୫) ଦିନ ବିଜୁ ଜନତା ଦଳ (ବିଜେଡି) ଏହାର ଯୁବ ଏବଂ ଛାତ୍ର ଶାଖାକୁ ସୁଦୃଢ଼ କରିବା ପାଇଁ ନୂତନ ନିଯୁକ୍ତି ଘୋଷଣା କରିଥିଲା।
ଇପ୍ସିତା ସାହୁଙ୍କୁ ବିଜୁ ଛାତ୍ର ଜନତା ଦଳ (ବିସିଜେଡି)ର ସଭାପତି ଭାବରେ ନିଯୁକ୍ତ କରାଯାଇଛି । ସେହିଭଳି ନୂତନ ବିସିଜେଡି ଦଳରେ ଦେବେଶ ଆଚାର୍ୟ୍ୟଙ୍କୁ ବରିଷ୍ଠ ସାଧାରଣ ସମ୍ପାଦକ (ଛାତ୍ର ବ୍ୟାପାର) ଏବଂ ଦେବୀ ରଞ୍ଜନ ତ୍ରିପାଠୀ, ଶୁଭାଶିଷ ଖୁଣ୍ଟିଆ ଏବଂ ସୌଭିକ୍ ବିଶ୍ୱାଳଙ୍କୁ ସାଧାରଣ ସମ୍ପାଦକ (ଛାତ୍ର ବ୍ୟାପାର) ଭାବରେ ନିଯୁକ୍ତ କରାଯାଇଛି ।