ଅଭିଯୋଗକାରୀ ଅନିଲ କୁମାର ସ୍ୱାଇଁଙ୍କ ଲିଖିତ ରିପୋର୍ଟ ଆଧାରରେ, ଉପରୋକ୍ତ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଥିଲା। ଏହି ମାମଲାରେ ସମ୍ପୃକ୍ତ ଅଭିଯୁକ୍ତ ଦୀପୁ ଓରଫ ନାନିଆ ଓରଫ ତ୍ରିଲୋଚନ ସାମନ୍ତରାୟ ଏବଂ ମାଲୋ ଓରଫ ଚିରଞ୍ଜିବ ସେଠୀଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ସୂଚନାଯୋଗ୍ୟ ଯେ, ଗତ ତା ୨୯.୦୫.୨୦୨୫ ଦିନ ପ୍ରାୟ ୨.୧୫ ସମୟରେ, ନିମ୍ନୋକ୍ତ ଅଭିଯୁକ୍ତ ଦିପୁ ଓରଫ ତ୍ରିଲୋଚନ ସାମନ୍ତରାୟ, ସୁଯୋଗ ଦେଖି ଅଭିଯୋଗକାରୀଙ୍କ ଘରୁ ତାଙ୍କର ଏକ ଏକ ହୋଣ୍ଡା ଆକ୍ଟିଭା ସ୍କୁଟି ଚୋରି କରି ନେଇଯାଇଥିଲେ। ତଦନ୍ତ ସମୟରେ ସିସିଟିଭି ଫୁଟେଜରୁ ଅଭିଯୁକ୍ତ ଦିପୁର ସମ୍ପୃକ୍ତି ଜଣାପଡ଼ିଲା ଏବଂ ସେ ଏକ ମାଷ୍ଟର ଚାବି ବ୍ୟବହାର କରି ସ୍କୁଟିଟିକୁ ଚୋରୀ କରିଥିଲେ । ଏକ ପୋଲିସ ଟୀମ କେନ୍ଦ୍ରାପଡ଼ାର ରାଜନଗର ଯାଇ ଆଇଆଇସି ରାଜନଗରଙ୍କ ସହାୟତାରେ ଅଭିଯୁକ୍ତକୁ ଗିରଫ କରିଥିଲା। ପଚରାଉଚରା ପରେ, ଅଭିଯୁକ୍ତ ଦିପୁ ଅପରାଧ ସ୍ୱୀକାର କରିଥିଲା ଏବଂ ସେ ଭୁବନେଶ୍ୱରରେ ଅନେକ ମୋଟରସାଇକେଲ ଚୋରି କରି ତା’ର ସହଯୋଗୀ ମାଲୋ ଓରଫ ଚିରଞ୍ଜିବ ସେଠୀଙ୍କୁ ବିକ୍ରି କରିଥିବା ପ୍ରକାଶ କରିଥିଲା ।
ଏହି ସୂଚନା ପରେ, ଆଉ ଏକ ଚଢାଉ କରାଯାଇଥିଲା ଏବଂ ଅଭିଯୁକ୍ତ ମାଲୋ ଓରଫ ଚିରଞ୍ଜିବ ସେଠୀଙ୍କୁ ଗିରଫ କରାଯାଇଥିଲା। ପଚରାଉଚରା ରୁ ସେ ମଧ୍ୟ ତାଙ୍କର ସମ୍ପୃକ୍ତି ସ୍ଵୀକାର କରିଥିଲେ । ଉଭୟ ଅଭିଯୁକ୍ତଙ୍କ ମିଳିତ ପ୍ରକାଶ ଆଧାରରେ, ସେମାନଙ୍କ ଘରୁ ଏବଂ ଏକ ସେବା କେନ୍ଦ୍ର ସମେତ ବିଭିନ୍ନ ସ୍ଥାନରୁ ମୋଟ ପାଞ୍ଚଟି ଚୋରି ଦୁଇଚକିଆ ଯାନ ଉଦ୍ଧାର କରାଯାଇଥିଲା।
ଯାଞ୍ଚ ସମୟରେ ଅଭିଯୁକ୍ତ ତ୍ରିଲୋଚନ ସାମନ୍ତରାୟ ପୂର୍ବରୁ ଚୌଦ୍ୱାର, ଚନ୍ଦ୍ରଶେଖରପୁର, ରାଜନଗର, ଚାନ୍ଦବାଲି, ପଟ୍ଟାମୁଣ୍ଡାଇ ଏବଂ ମଞ୍ଚେଶ୍ୱର ଥାନା ମାନଙ୍କରେ, ୧୨ଟି ଅପରାଧିକ ମାମଲାରେ ଜଡିତ ଅଛନ୍ତି। ସେହିପରି ଅଭିଯୁକ୍ତ ଚିରଞ୍ଜିବ ସେଠୀ ପୂର୍ବରୁ ମଞ୍ଚେଶ୍ୱର ଏବଂ ଚନ୍ଦ୍ରଶେଖରପୁର ଥାନା ରେ ୩ଟି ମାମଲାରେ ଜଡିତ ଅଛନ୍ତି।