ରାଇରଙ୍ଗପୁର(ସତ୍ୟନାରାୟଣ ପଲ୍) : ଓଡ଼ିଶାର ପ୍ରତ୍ୟେକଟି ମହିଳାଙ୍କୁ ସ୍ୱାବଲମ୍ବୀ ଏବଂ ସଶକ୍ତ କରିବା ଉଦ୍ଦେଶ୍ୟରେ ଓଡିଶା ସରକାରଙ୍କ ଦ୍ୱାରା ଆରମ୍ଭ ହୋଇଥିବା ଘରେ ଘରେ ଆଦୃତ ଓ ଲୋକପ୍ରିୟ ସୁଭଦ୍ରା ଯୋଜନା ଆଜି ଭୁବନେଶ୍ୱର ଜନତା ମୈଦାନ ଠାରେ ଆୟୋଜିତ ରାଜ୍ୟ ସ୍ତରୀୟ ଉତ୍ସବ ରେ ମାନ୍ୟବର ପ୍ରଧାନମନ୍ତ୍ରୀଙ୍କ କରକମଳରେ ଲୋକାର୍ପିତ ହୋଇଛି । ଯୋଗ୍ୟ ହିତାଧିକାରୀଙ୍କ ବ୍ୟାଙ୍କ ଖାତାକୁ ଯୋଜନାର ପ୍ରଥମ କିସ୍ତି ସହାୟତା ରାଶି ଯାଇଛି। ଏହି ପରିପ୍ରେକ୍ଷୀରେ ଆଜି ରାଇରଙ୍ଗପୁର ପୌରପାଳିକାର କାର୍ଯ୍ୟ ନିର୍ବାହୀ ଅଧିକାରୀଙ୍କ ତତ୍ତ୍ଵlବଧାନରେ ରାଇରଙ୍ଗପୁର ଟାଉନ ହଲ ଠାରେ ପୂର୍ବାହ୍ନ ୧୧ ଘଟିକା ସମୟ ରେ ସୁଭଦ୍ରା ଯୋଜନା ଲୋକାର୍ପଣ ଉତ୍ସବ ସମ୍ଭନ୍ଧୀୟ ଏକ ବର୍ଣ୍ଣାଢ୍ୟ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମ ରେ ନିମନ୍ତ୍ରିତ ଅତିଥି ଭାବେ ରାଇରଙ୍ଗପୁରର ମାନ୍ୟବର ବିଧାୟକ ଶ୍ରୀଯୁକ୍ତ ଜଲେନ ନାଏକ, ରାଇରଙ୍ଗପୁର ପୌରପାଳିକାର ଉପାଧ୍ୟକ୍ଷl ଶ୍ରୀମତୀ ମମିତା ଚୌଧୁରୀ ପ୍ରମୁଖ ଯୋଗ ଦେବା ସହିତ ବିଭିନ୍ନ ୱାର୍ଡ ପରିଷଦ ମାନେ ଉପସ୍ଥିତ ଥିଲେ। ପ୍ରାରମ୍ଭରେ ରାଇରଙ୍ଗପୁର ପୌରପାଳିକା ର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ରମେଶ ଚନ୍ଦ୍ର ନାୟକ ସ୍ୱାଗତ ଭାଷଣ ପ୍ରଦାନ କରିଥିଲେ । ମହିଳା ମାନଙ୍କୁ ସଶକ୍ତ ଓ ସ୍ୱାବଲମ୍ବୀ କରିବା ପାଇଁ ଉଦିଷ୍ଟ ଏହି ଯୋଜନା ସମ୍ଭନ୍ଧୀୟ ସମସ୍ତ ବିଷୟରେ ପୁଙ୍ଖାନୁପୁଙ୍ଖ ଉପସ୍ଥାପନ କରିବା ସହ ଏହି ଯୋଜନା ର ମୂଳ ଲକ୍ଷ୍ୟ ଓ ଉପାଦେୟତା ବିଷୟରେ ଆଲୋକପାତ କରିଥିଲେ। ସେହିପରି ମଂଚାସୀନ ଅନ୍ୟ ଅତିଥି ମାନେ ମଧ୍ୟ ଏହି ଲୋକପ୍ରିୟ ଜନହିତକର ଯୋଜନା ସମ୍ଭନ୍ଧରେ ନିଜ ନିଜର ସୁଚିନ୍ତିତ ମତାମତ ରଖିଥିଲେ। ଏହି ଅବସରରେ ଏହି ଯୋଜନା ର କିଛି ହିତାଧିକାରୀ ସରକାରଙ୍କ ଦ୍ୱାରା ଏହି ଯୋଜନା ଘୋଷଣା ହେବାପର ଠାରୁ ତାଙ୍କ ବ୍ୟାଙ୍କ ଖାତାକୁ ଏକ ଟଙ୍କା ଆସିବା ପର୍ଯ୍ୟନ୍ତ ସମ୍ପୂର୍ଣ୍ଣ ପ୍ରକ୍ରିୟାରେ ନିଜ ନିଜର ଅନୁଭୂତି ବଖାଣିବା ସହିତ ପର୍ଯାୟ କ୍ରମେ ପାଇବାକୁ ଥିବା ଉକ୍ତ ୫୦ ହଜାର ଅର୍ଥ ରାଶିର ସଠିକ ବିନିଯୋଗ ନେଇ ଭବିଷ୍ୟତର ପ୍ଲାନିଂ ସମ୍ବନ୍ଧରେ ନିଜନିଜ ମତ ପ୍ରକାଶ କରିଥିଲେ। ଏହି ଅବସରରେ ଅତିଥି ଙ୍କ ଦ୍ୱାରା “ସ୍ୱଚ୍ଛତା ହିଁ ସେବା-୨୦୨୪”ଅଭିଯାନ ର ଶୁଭାରମ୍ଭ କରାଯାଇଥିଲା । ଆଜିଠାରୁ ଆଗାମୀ ୧୫ ଦିନ ପର୍ଯ୍ୟନ୍ତ ଏହି “ସ୍ୱଚ୍ଛତା ହିଁ ସେବା -୨୦୨୪” ଅଭିଯାନ ଚାଲିବ। ଅନୁଷ୍ଠିତ କାର୍ଯ୍ୟକ୍ରମ ରେ ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ ବିଭିନ୍ନ ୱାର୍ଡର ସ୍ଵୟଂ ସହାୟକ ଗୋଷ୍ଠୀର ସଦସ୍ୟା, ମିଶନ ଶକ୍ତିର ସଦସ୍ୟା, କମ୍ୟୁନିଟି ସପୋର୍ଟ ଷ୍ଟାଫ, ଆଶା କର୍ମୀ ଓ ଅନ୍ୟାନ୍ୟ ମହିଳା ହିତାଧିକାରୀ ମାନଙ୍କ ସମେତ ବିଭିନ୍ନ ଗଣମାଧ୍ୟମର ପ୍ରତିନିଧି ମାନେ ଉପସ୍ଥିତ ଥିଲେ । କାଯ୍ୟକ୍ରମକୁ ପୌରପାଳିକାର ବିଭିନ୍ନ ଅଧିକାରୀ ଓ କର୍ମଚାରୀ ମାନେ ସୁଚାରୁ ରୂପେ ପରିଚାଳନା କରିଥିଲେ।
