New Delhi: ଏଆଇଏଡିଏମକେ (AIADMK) ଦଳର ‘ଦୁଇ ପତ୍ର’ ନିର୍ବାଚନୀ ଚିହ୍ନ ସହ ଜଡିତ ମନି ଲଣ୍ଡରିଂ ମାମଲାରେ ମହାଠକ Sukesh Chandrasekharଙ୍କୁ ବଡ଼ ଆଶ୍ୱସ୍ତି ମିଳିଛି। ମଙ୍ଗଳବାର Delhiର ଏକ କୋର୍ଟ ତାଙ୍କୁ ଏହି ବହୁଚର୍ଚ୍ଚିତ ମାମଲାରେ ଜାମିନ ପ୍ରଦାନ କରିଛନ୍ତି।
ତେବେ ଜାମିନ ମିଳିଥିଲେ ମଧ୍ୟ ସୁକେଶ ତୁରନ୍ତ ଜେଲରୁ ମୁକୁଳି ପାରିବେ ନାହିଁ। ତାଙ୍କ ନାମରେ ଅନ୍ୟ କେତେକ ଅପରାଧିକ ମାମଲା ବିଚାରାଧୀନ ରହିଥିବାରୁ ସେ ଏବେ ମଧ୍ୟ ଜେଲରେ ରହିବେ। ଏହି ମାମଲା ୨୦୧୭ ମସିହାର। ଅଭିଯୋଗ ଅନୁଯାୟୀ, T. T. V. Dhinakaran ଓ V. K. Sasikalaଙ୍କ ଗୋଷ୍ଠୀ ପାଇଁ ଦଳର ‘ଦୁଇ ପତ୍ର’ ନିର୍ବାଚନୀ ଚିହ୍ନ ହାସଲ କରିବାକୁ ସୁକେଶ ମଧ୍ୟସ୍ଥି ଭାବରେ କାମ କରିଥିଲେ।
ଏହି ସମୟରେ Election Commission of Indiaର ଅଧିକାରୀଙ୍କୁ ଲାଞ୍ଚ ଦେବା ପାଇଁ ବଡ଼ ଯୋଜନା ହୋଇଥିବା ଅଭିଯୋଗ ରହିଛି। ତଦନ୍ତ ସମୟରେ ପ୍ରାୟ ୧.୩ କୋଟି ଟଙ୍କା ନଗଦ ଜବତ କରାଯାଇଥିଲା। ଯଦିଓ ଏହି ନିର୍ଦ୍ଦିଷ୍ଟ ମନି ଲଣ୍ଡରିଂ ମାମଲାରେ ତାଙ୍କୁ ଜାମିନ ମିଳିଛି, ତଥାପି ଅନ୍ୟ ଗୁରୁତର ମାମଲା ତାଙ୍କ ପାଇଁ ବଡ଼ ବାଧା ହୋଇ ରହିଛି। ୨୦୦ କୋଟି ଟଙ୍କାର ବଟି ଆଦାୟ ଓ ଅନ୍ୟାନ୍ୟ ଠକେଇ ମାମଲାରେ ସେ ଜଡିତ ଥିବା ଅଭିଯୋଗ ରହିଛି। ଏହା ସହିତ Aditi Singh ସମେତ ଅନେକ ପ୍ରଭାବଶାଳୀ ବ୍ୟକ୍ତିଙ୍କୁ ଠକିଥିବା ଅଭିଯୋଗରେ ସୁକେଶ ବର୍ତ୍ତମାନ ଜେଲରେ ବନ୍ଦୀ ଅଛନ୍ତି।