୫ ମିଲିୟନ୍ ଡଲାରର ମାଲିକାଣୀ ଶିଳ୍ପା ଶେଟ୍ଟୀଙ୍କ ଭଉଣୀ ଶମିତା ଶେଟ୍ଟୀ

(ମୁମ୍ବାଇ) : ଶିଳ୍ପା ଶେଟ୍ଟୀଙ୍କ ପରି ତାଙ୍କ ଭଉଣୀ ଶମିତା ଶେଟ୍ଟୀ ମଧ୍ୟ ଏବେ ଲଗାତାର ଚର୍ଚ୍ଚାରେ ଅଛନ୍ତି। ଏହାପୂର୍ବରୁ ଶମିତା ଶେଟ୍ଟୀ ତାଙ୍କ ଭିଣୋଇ ରାଜ କୁନ୍ଦ୍ରାଙ୍କୁ ସମର୍ଥନ କରି ଚର୍ଚ୍ଚାର ବିଷୟ ପାଲଟିଥିଲେ। କିନ୍ତୁ ଘରେ ଚାଲିଥିବା ଅସୁବିଧା ମଧ୍ୟରେ ସେ ଚଳିତ ବର୍ଷ ବିଗ୍ ବସ୍ OTT ର ଅଂଶ ହେବାକୁ ନିଷ୍ପତ୍ତି ନେବାବେଳେ ସେ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ। ଆହରି ମଧ୍ୟରେ ସମସ୍ତଙ୍କ ମନରେ ସମାନ ପ୍ରଶ୍ନ ଉଠିଛି ଯେ ଚଳଚ୍ଚିତ୍ରଠାରୁ ଦୂରରେ ରହିବା ସତ୍ତ୍ବେ ଶିଳ୍ପା ଶେଟ୍ଟୀଙ୍କ ଭଉଣୀର ରୋଜଗାରର ସୋର୍ସ କ’ଣ ? ଶିଳ୍ପା ଶେଟ୍ଟୀ ଜଣେ ଅଭିନେତ୍ରୀ ହେବା ସହିତ ଜଣେ ବ୍ୟବସାୟିକ ମହିଳା ଏବଂ ତାଙ୍କର ରୋଜଗାର କୋଟି କୋଟି ଟଙ୍କା ।

ଖବର ଅନୁଯାୟୀ, ଶମିତା ଶେଟ୍ଟୀ ଜଣେ ଅଭିନେତ୍ରୀ ଏବଂ ଇଣ୍ଟେରିୟର ଡିଜାଇନର୍ ମଧ୍ୟ । ଏହା ସହିତ, ସେ ଅନେକ ବ୍ରାଣ୍ଡ୍ ଏଣ୍ଡୋର୍ସମେଣ୍ଟ ସହିତ ଜଡିତ । ଶମିତା ଶେଟ୍ଟୀ ଯଦିଓ ପରଦାରୁ ଦୂରରେ ଥାଇପାରନ୍ତି କିନ୍ତୁ ସେ ଏହି କାର୍ଯ୍ୟରୁ ଲକ୍ଷ ଲକ୍ଷ ଟଙ୍କା ରୋଜଗାର କରନ୍ତି । ବଡ ଭଉଣୀ ଶିଳ୍ପା ଶେଟ୍ଟୀଙ୍କ ପରି ତାଙ୍କର ନିଟ୍ ମୂଲ୍ୟ ମଧ୍ୟ ୧ ରୁ ୫ ମିଲିୟନ୍ ଡଲାର୍ ବୋଲି କୁହାଯାଉଛି।