ଗଞ୍ଜାମ/ ରଜନୀକାନ୍ତ ପାତ୍ର : ବିଦ୍ୟାଳୟରେ ଚାଲିଛି କଙ୍ଗାରୁ କୋର୍ଟ । ଶିକ୍ଷାପାଇଁ ସରକାର ବିଭିନ୍ନ ଯୋଜନା କରୁଥିବା ବେଳେ ଯୋଜନା ଦୂରରେ ଥାଉ ଦିନ ଦ୍ଵିପ୍ରହରରେ ସ୍କୁଲରେ ଝୁଲୁଛି ତାଲା । ଆଉ ଏହାକୁ ନେଇ କେହି ଅଭିଯୋଗ କଲେ ତାଙ୍କ ଉପରେ ଚାପ ପଡୁଛି ଏହାସହ ଉକ୍ତ ବ୍ୟକ୍ତିଙ୍କୁ ଧମକ ମଧ୍ୟ ଦିଆଯାଉଛି । ଏଭଳି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ ଗଣ୍ଡଳା ପଞ୍ଚାୟତର ପଳାସି ଗ୍ରାମ ସ୍କୁଲରେ ।
ସୂଚନା ଅନୁସାରେ, ଗତ ୧୦ଦିନ ତଳେ ବିଦ୍ୟାଳୟରେ ଅପରାହ୍ନ ୩ଟା ସମୟରେ ତାଲା ଝୁଲୁଥିବା ଭିଡିଓ ଜଣେ ୱେବ ସାମ୍ବାଦିକ ସୋସିଆଲ ମିଡିଆରେ ଛାଡିଥିଲେ । ପରବର୍ତ୍ତୀ ସମୟରେ ସେହି ବ୍ୟକ୍ତିଙ୍କୁ ସ୍କୁଲର ଶିକ୍ଷକ ଓ ଶିକ୍ଷୟିତ୍ରୀ ଗାଁ ଲୋକଙ୍କ ଦ୍ଵାରା ବଳପୂର୍ବକ ଡକାଇ ସ୍କୁଲ୍ ଭିତରେ ଅଭିଯୋଗ ଭିତ୍ତିହୀନ କୁହାଇବା ସହ ଭୂଲ୍ ମାଗିବା ପାଇଁ ବାଧ୍ୟ କରିଥିବାର ଭିଡିଓ ଉତ୍ତୋଳନ କରି ସୋସିଆଲ ମିଡ଼ିଆରେ ଛାଡ଼ିଥିଲେ । ସେପଟେ ଏହି ଘଟଣାର ତଦନ୍ତ ଚାଲିଛି ସମୟ ଆସିଲେ ଉପଯୁକ୍ତ କାର୍ୟ୍ୟାନୁଷ୍ଠାନ ନିଆଯିବ ବୋଲି ବିଇଓ କହିଛନ୍ତି । ଏ ନେଇ ୱେବ ସାମ୍ବାଦିକ ହିଂଜିଳି ଥାନା ଦ୍ୱରାସ୍ତ ହୋଇଛନ୍ତି