ମୁମ୍ବାଇ: ସାମନ୍ଥା ରୁଥ୍ ପ୍ରଭୁ ଦୀର୍ଘ ଦିନ ଧରି ଚର୍ଚ୍ଚାରେ ଅଛନ୍ତି। ତାହା ପୁଣି ଚଳଚ୍ଚିତ୍ର ନିର୍ମାତା ରାଜ ନିଦିମୋରୁଙ୍କ ସହ ସମ୍ପର୍କ ପାଇଁ । ଉଭୟଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। କିନ୍ତୁ ସେମାନେ କେବେ ସେମାନଙ୍କ ସମ୍ପର୍କକୁ ନିଶ୍ଚିତ କରି ନାହାନ୍ତି। ହେଲେ ନିକଟରେ ଏଭଳି ଏକ ଫଟୋ ସେୟାର କରିଛନ୍ତି । ଯାହାକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ଶୁଣିବାକୁ ମିଳୁଛି ଯେ, ଅଭିନେତ୍ରୀ ସାମନ୍ଥା ରୁଥ୍ ପ୍ରଭୁ ତାଙ୍କ ଜୀବନର ଏକ ନୂତନ ପର୍ଯ୍ୟାୟରେ ପ୍ରବେଶ କରିଛନ୍ତି । ତାଙ୍କ ଦ୍ୱିତୀୟ ବିବାହକୁ ନେଇ ଏବେ ଚର୍ଚ୍ଚା ଚାଲିଛି । ରିପୋର୍ଟ ଅନୁସାରେ ସାମନ୍ଥା ଦି ଫ୍ୟାମିଲି ମ୍ୟାନ୍ ନିର୍ଦ୍ଦେଶକ ରାଜ ନିଦିମୋରୁଙ୍କୁ ସିକ୍ରେଟ୍ ବିବାହ କରିଛନ୍ତି । ତଥାପି, ଏହି ଦମ୍ପତି ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ସେମାନଙ୍କ ବିବାହକୁ ନିଶ୍ଚିତ କରିନାହାଁନ୍ତି ।
ରିପୋର୍ଟ ଅନୁସାରେ, ସାମନ୍ଥା ଏବଂ ରାଜ ଆଜି ସକାଳେ ହିଁ ବିବାହ କରିଛନ୍ତି। ଏହି ବିବାହ ଇଶା ଯୋଗ କେନ୍ଦ୍ରର ଲିଙ୍ଗ ଭୈରବୀ ମନ୍ଦିରରେ ହୋଇଥିଲା। ବିବାହରେ ତିରିଶ ଜଣ ଅତିଥି ଯୋଗ ଦେଇଥିଲେ। ସାମନ୍ଥା ଏକ ଲାଲ ଶାଢ଼ି ପିନ୍ଧିଥିଲେ। ମିଳିଥିବା ସୂଚନା ଅନୁସାରେ, ରବିବାର ରାତିରୁ ସେମାନଙ୍କ ବିବାହ ବିଷୟରେ ଖବର ପ୍ରସାରିତ ହେଉଛି । ଏହା ରାଜ ଏବଂ ସାମନ୍ଥା ଉଭୟଙ୍କ ପାଇଁ ଦ୍ୱିତୀୟ ବିବାହ। ରାଜଙ୍କ ପୂର୍ବତନ ପତ୍ନୀ ଶ୍ୟାମଳୀ ଦେ ମଧ୍ୟ ଇନଷ୍ଟାଗ୍ରାମରେ ଏକ ଷ୍ଟୋରୀ ପୋଷ୍ଟ କରିଥିଲେ । ଯେଉଁଥିରେ ଲେଖାଥିଲା, “ଡିପ୍ରେସ୍ଡ ଲୋକମାନେ ଡିପ୍ରେସ୍ଡ କଲାପରି କାମ କରନ୍ତି।”
ଏହି ପୋଷ୍ଟ ପରେ, ସାମନ୍ଥା ଏବଂ ରାଜଙ୍କ ବିବାହ ଖବର ଅଧିକ ଚର୍ଚ୍ଚା ହେଉଛି । ରାଜ ଏବଂ ଶ୍ୟାମଳୀ ୨୦୨୨ ମସିହାରେ ଛାଡପତ୍ର ନେଇଥିଲେ। ସାମନ୍ଥା ରୁଥ୍ ପ୍ରଭୁଙ୍କ ପ୍ରଥମ ବିବାହ ନାଗା ଚୈତନ୍ୟଙ୍କ ସହ ହୋଇଥିଲା। ୨୦୨୧ ମସିହାରେ ଏହି ଦୁହେଁ ମଧ୍ୟ ଛାଡପତ୍ର ନେଇଥିଲେ । ସେବେଠାରୁ, ଉଭୟେ ସେମାନଙ୍କ ଜୀବନରେ ଆଗକୁ ବଢ଼ିଛନ୍ତି। ନାଗା ଚୈତନ୍ୟ ମଧ୍ୟ ପୁନଃବିବାହ କରିଛନ୍ତି। ସେ ଅଭିନେତ୍ରୀ ସୋଭିତା ଧୂଲିପାଳଙ୍କୁ ବିବାହ କରିଛନ୍ତି। ସେମାନଙ୍କର ବିବାହ ଧୁମଧାମରେ ହୋଇଥିଲା । ୱାର୍କଫ୍ରଣ୍ଟ କଥା କହିବାକୁ ଗଲେ, ନାଗା ଚୈତନ୍ୟଙ୍କ ଠାରୁ ଅଲଗା ହେବା ପରେ, ସାମନ୍ଥା ଏବଂ ରାଜ ୱେବ୍ ସିରିଜ୍ “ଦି ଫ୍ୟାମିଲି ମ୍ୟାନ୍ ୨” ରେ ଏକାଠି କାମ କରିଥିଲେ।