ଯୁଦ୍ଧ ବନ୍ଦ କରିବାକୁ ଋଷର ବିକଳ୍ପ ; ‘ଅସ୍ତ୍ର ଛାଡ ଆମେ ସୁରକ୍ଷା ଦେବୁ!’

ଓଡେଶା : ଋଷ–ୟୁକ୍ରେନ ଯୁଦ୍ଧକୁ ୨୬ ଦିନ ହୋଇଗଲାଣି । ତଥାପି କୌଣସି ସିଦ୍ଧାନ୍ତରେ ପହଞ୍ଚି ପାରିନି ଏହି ଯୁଦ୍ଦ । ଯୁଦ୍ଧର ପ୍ରକୋପ କମିବା ବଦଳେ ତୀବ୍ରତର ହେବାରେ ଲାଗିଛି । ସେନା ସମେତ ହଜାର ହଜାର ସାଧାରଣ ଲୋକଙ୍କ ଜୀବନ ନେଲାଣି ଏହି ଦୁଇ ଦେଶର ଯୁଦ୍ଧ । ପ୍ରଥମେ ୟୁକ୍ରେନ ରାଜଧାନୀ କିଭକୁ ଅକ୍ତିଆର କରିବା ପାଇଁ ଋଷ ଭୀଷଣ ଆକ୍ରମଣ କଲା । ଏହାପରେ ଖାରକିଭ, ଓଡେଶା ସମେତ ଅନେକ ସହରକୁ ଅକ୍ତିଆର କରିବାକୁ ପ୍ରୟାସ କରିଚାଲିଛି ଋଷ୍ । କିନ୍ତୁ ଏତେ କିଛି ହେଲା ପରେ ବି ହାର ମାନି ନାହିଁ ୟୁକ୍ରେନ । ଋଷର ଆକ୍ରମଣକୁ ପ୍ରତି ଆକ୍ରମଣ ଦେଇଚାଲିଛି ୟୁକ୍ରେନ ।

ଏବେ ୟୁକ୍ରେନର ମାରିଆପୋଲରେ ଚାଲିଛି ଭିଷଣ ଯୁଦ୍ଧ । ଋଷ ୟୁକ୍ରେନକୁ ଯୁଦ୍ଧ ବନ୍ଦ କରିବାକୁ ଦେଇଛି ବିକଳ୍ପ । ଆଉ କହିଛି, ୟୁକ୍ରେନ ମାରିଆପୋଲକୁ ଖାଲି କରଦେଉ ଆମେ ଯୁଦ୍ଧ ବନ୍ଦ କରିଦେବୁ । କିନ୍ତୁ ୟୁକ୍ରେନ ସୈନ୍ୟ ଆତ୍ମସମର୍ପଣ କରିବାକୁ ମନା କରିଦେଇଛନ୍ତି । ଅନ୍ୟପଟେ ଋଷ ଚେତାବନୀ ଦେଇଛି ଯେ, ମାରିଆପୋଲରେ ଭୟାନକ ମାନବିକତାକୁ ଧ୍ୱଂସ କରାଯାଉଛି । ଋଷର ଏପରି ଚେତାବନୀ ପରେ ବି ୟୁକ୍ରେନ ସ୍ପଷ୍ଟ କରି ଦେଇଛି ଯେ, ୟୁକ୍ରେନ କେବେବି ଅସ୍ତ୍ର ପ୍ରତ୍ୟାହାର କରିବ ନାହିଁ । କି ଆତ୍ମସମର୍ପଣ କରିବେ ନାହିଁ । ଭାଙ୍ଗି ଯିବ ପଛେ ନଇଁବ ନାହିଁ ବୋଲି ଦୃଢ ସଂକଳ୍ପ କରିସାରିଛି ୟୁକ୍ରେନ ।

ଏହା ପୂର୍ବରୁ ଋଷର କର୍ଣ୍ଣଲ ଜେନେରାଲ କହିଥିଲେ ଯେ, ବଡ଼ ମାନବୀୟ ବିପଦ ସାମ୍ନାରେ ଅଛି ଏମିତିରେ ଯେଉଁମାନେ ଅସ୍ତ୍ର ଛାଡିବେ ସେମାନଙ୍କୁ ମାରିଆପୋଲରୁ ସୁରକ୍ଷିତ ବାହାର କରାଯିବ । ସୂଚନା ଅନୁସାରେ ବର୍ତ୍ତମାନ ସୁଧା ପାଖାପାଖି ୪ଲକ୍ଷ ଲୋକ ସହରରେ ଫସି ରହିଛନ୍ତି ୮୦ ପ୍ରତିଶତ କୋଠା ଧ୍ୱଂସ ହୋଇଯାଇଛି ।

ଏହାରି ଭିତରେ ୟୁକ୍ରେନ ରାଷ୍ଟ୍ରପତି ଜେଲେନସ୍କି କହିଛନ୍ତି ଯେ, ଦେଶରେ ହେଉଥିବା ଏପରି ଆତଙ୍କକୁ ଆଗାମୀ ଦଶନ୍ଧି ଧରି ମନେ ରଖାଯିବ । ଆଉ ଇତିହାସ ପୃଷ୍ଠାରେ ଲିପିବଦ୍ଧ ହୋଇ ରହିଯିବ । ମାରିଆପୋଲରେ ଏପର୍ଯ୍ୟନ୍ତ ପ୍ରାୟ ୮୦ କୋଠା ବିଷ୍ଫୋରଣରେ ଧ୍ୱଂସ ହୋଇ ସାରିଲାଣି ।

ମାରିଆପୋଲକୁ ଋଷ କାହିଁକି ଅକ୍ତିଆର କରିବାକୁ ଚାହୁଁଛି?

ୟୁକ୍ରେନରେ ଥିବା ସବୁ ସହର ମାନଙ୍କଠୁ ମାରିଆପୋଲ ସହର ଗୁରୁତ୍ୱପୂର୍ଣ୍ଣ ଭୁମିକା ଗ୍ରହଣ କରିଥାଏ । ମାରିଆପୋଲ ସହର ଦକ୍ଷିଣ ଏବଂ ପୂର୍ବ ୟୁକ୍ରେନକୁ ସଂଯୋଗ କରୁଥିବା ସେତୁ ଭାବେ କାର‌୍ୟ୍ୟ କରିଥାଏ । ଯଦି ଏହା ପୁଟିନଙ୍କ ସୈନ୍ୟ ଏହାକୁ କବଜା କରିଦିଅନ୍ତି ତେବେ ତାଙ୍କୁ ବଡ଼ ସଫଳତା ମିଳିଯିବ ।