ନୂଆଦିଲ୍ଲୀ : ଦୀର୍ଘ ଦିନ ଧରି ଚାଲିଥିବା ରୁଷ-ୟୁକ୍ରେନ ଯୁଦ୍ଧରେ ଦୁଇ ଦିନ ବିରାମ ଲାଗିବ । ଗୁରୁବାର ରୁଷ ରାଷ୍ଟ୍ରପତି ବ୍ଲାଡମିର ପୁଟିନ କହିଛନ୍ତି ଜାନୁଆରୀ ୬ ଓ ୭ ତାରିଖ ଦୁଇ ଦିନ ଧରି ରୁଷ ସେନା ୟୁକ୍ରେନ ଉପରେ ଆକ୍ରମଣ କରିବ ନାହିଁ ବୋଲି ନିଷ୍ପତ୍ତି ନେଇଛି । ଅର୍ଥୋଡକ୍ସ କ୍ରିଷ୍ଟମାସ ପାଳନ ପାଇଁ ଯୁଦ୍ଧ ବନ୍ଦ ରହିଛି । ରୁଷର ୭୬ ବର୍ଷ ବୟସ୍କ ଖ୍ରୀଷ୍ଟ ଧର୍ମଗୁରୁ ପେଟ୍ରିଆକ କିରିଲଙ୍କ ଅପିଲ ପରେ ପୁଟିନ ଏହି ନିଷ୍ପତ୍ତି ନେଇଥିବା ଜଣାପଡିଛି । ରୁଷ ଓ ୟୁକ୍ରେନର ନାଗରିକ ମାନେ ଚଳିତ ବର୍ଷ ଏହି ଅର୍ଥୋଡକ୍ସ କିଷ୍ଟମାସ ଜାନୁଆରୀ ୬ ଓ ୭ ତାରିଖରେ ପାଳନ କରିବେ । ତେଣୁ ଲୋକଙ୍କ ଧାର୍ମିକ ଅନୁଷ୍ଠାନରେ କୌଣସି ବାଧା ସୃଷ୍ଟି ନ କରିବାକୁ ପୁଟିନଙ୍କୁ ଅନୁରୋଧ କରିଥିଲେ ପେଟ୍ରିଆକ କିରିଲ । ଏହାପରେ ଦୁଇ ଦିନିଆ ଅସ୍ତ୍ରବିରତି ଘୋଷଣା କରିଛନ୍ତି ରୁଷ ରାଷ୍ଟ୍ରପତି ।
ତେବେ ଅନେକ ଦେଶ ଏହାକୁ ପୁଟିନଙ୍କ ଚାଲ ବୋଲି ଅନୁମାନ କରୁଛି । ଏହି ଧାର୍ମିକ ନିଷ୍ପତ୍ତି ନେଇ ପୁଟିନ ଲୋକଙ୍କୁ କହିବାକୁ ଚାହୁଁଛନ୍ତ ସେ ଯୁଦ୍ଧ ପ୍ରିୟ ନୁହେଁ । ଦେଶ ଦେଶ ମଧ୍ୟରେ ଏକ ଶାନ୍ତିର ବାର୍ତ୍ତା ଦେବାକୁ ପ୍ରୟାସ କରୁଛନ୍ତି ପୁଟିନ । ରୁଷକୁ ବିରୋଧ କରୁଥିବା ଦେଶ ପାଇଁ ଏହି ନିଷ୍ପତ୍ତି ସାମୟିକ ସମୟ ପର୍ଯ୍ୟନ୍ତ ମୁହଁ ବନ୍ଦ କରିବ ବୋଲି କୁହାଯାଉଛି ।
