ମୋଦିଙ୍କୁ ପ୍ରଶଂସା କରିଛନ୍ତି ରୁଷ ରାଷ୍ଟ୍ରପତି ପୁଟିନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜୋରଦାର ପ୍ରଶଂସା କରିଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ । ମେକ ଇନ୍ ଇଣ୍ଡିଆ କାର୍ଯ୍ୟକ୍ରମକୁ ପ୍ରେତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ମୋଦି ଭଲ କାମ କରୁଛନ୍ତି ।

ଭ୍ଲାଡିଭୋଷ୍ଟୋକରେ ଅଷ୍ଟମ ଇଷ୍ଟର୍ଣ୍ଣ ଇକୋନୋମିକ୍ ଫୋରମ୍ (EEF) ରେ ଜଣେ ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ପୁଟିନ କହିଛନ୍ତ ପୂର୍ବରୁ ଆମ ଦେଶରେ କାର ତିଆରି ହେଉନଥିଲା କିନ୍ତୁ ବର୍ତ୍ତମାନ ଆମେ ଏହା ତିଆରି କରିବାକୁ ସକ୍ଷମ ଅଟୁ । ଏହା ସତ୍ୟ ଯେ ଆମ କାର ଗୁଡିକ  ଅଡି ଏବଂ ମର୍ସିଡିଜ୍ ତୁଳନାରେ ଦେଖିବାକୁ ଏତେ  ସୁଦୃଶ୍ୟ ନୁହନ୍ତି  କିନ୍ତୁ ଏହା ଏକ ମାପକାଠି ନୁହେଁ ।  ଆମେ ଆମର ସ୍ଵଦେଶ ନିର୍ମିତ  ଯାନ ବ୍ୟବହାର କରିବା ଉଚିତ୍ । ଏହି ବିଷୟରେ ଆମେ ଆମର ସହଯୋଗୀ ଦେଶ ଭାରତକୁ ଅନୁସରଣ କରିବା ଉଚିତ୍ । ସେମାନେ ନିଜେ ଦେଶରେ ଗାଡି ତିଆରି କରୁଛନ୍ତି ଏବଂ ବ୍ୟବହାର କରୁଛନ୍ତି ।  ସରକାରୀ ସ୍ଥରରେ କେଉଁ ଶ୍ରେଣୀର ଅଧିକାରୀ କେଉଁ କାର୍ ଚଲାଇ ପାରିବେ । ନିଜସ୍ବ ନିର୍ମିତ କାର ବ୍ୟବହାର କରିବାପାଇଁ ଆମେ ପ୍ରୋତ୍ସାହିତ କରିବା ଉଚିତ । ଏହି ବାବଦରେ ମୋଦିଙ୍କ ନୀତି ଅତି ଉତ୍ତମ ଅଟେ ।