ନୁଆଦିଲ୍ଲୀ: କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ଯେଉଁ ମାତ୍ରାରେ ବଢ଼ିବାରେ ଲାଗିଛି ତାକୁ ତାଳ ଦେଇ ଆରୋଗ୍ୟଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଛି । ଭାରତରେ ମୋଟ କୋଭିଡ -୧୯ ଆରୋଗ୍ୟଙ୍କ ସଂଖ୍ୟା ୨୪,୬୭,୭୫୮ କୁ ବୃଦ୍ଧି ପାଇଛି । କରୋନାଭାଇରସ ଆରୋଗ୍ୟଙ୍କ ହାର ୭୬% କୁ ବୃଦ୍ଧି ପାଇଛି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ବୁଧବାର ସୁଚନା ଦିଆଯାଇଛି । ତେବେ ୨୪ ଘଣ୍ଟା ମଧ୍ୟରେ ୬୩,୧୭୩ ଆରୋଗ୍ୟଙ୍କ ସହ ମୋଟ ଆରୋଗ୍ୟଙ୍କ ସଂଖ୍ୟା ୨୪,୬୭,୭୫୮ ରେ ପହଞ୍ଚିଛି ।
ଆରୋଗ୍ୟଙ୍କ ମାମଲା ହାର ଏବଂ ସକ୍ରିୟ ମାମଲାର ହାର, ଉଭୟର ହାର ଦ୍ରୁତ ଗତିରେ ବୃଦ୍ଧି ହେଉଛି ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି । ସକ୍ରିୟ ମାମଲା ଅପେକ୍ଷା ଠାରୁ ଆରୋଗ୍ୟଙ୍କ ମାମଲା ୧୭,୬୦,୪୮୯ ଅଧିକ ରହିଛି । ଏଥିସହିତ କୋଭିଡ -୧୯ ଆକ୍ରାନ୍ତଙ୍କ ମଧ୍ୟରେ ଭାରତର ପୁନରୁଦ୍ଧାର ହାର ଆଜି ୭୬.୩୦ ପ୍ରତିଶତକୁ ବୃଦ୍ଧି ପାଇଛି। ବର୍ତ୍ତମାନ କରୋନାଭାଇରସ ରେ ମୋଟ ୭,୦୭,୨୬୭ ସକ୍ରିୟ ମାମଲା ରହିଛି । ଲଗାତର ପରୀକ୍ଷଣ ଏବଂ ଦକ୍ଷ କ୍ଲିନିକାଲ୍ ପରିଚାଳନା ମାଧ୍ୟମରେ କେନ୍ଦ୍ର ଏବଂ ରାଜ୍ୟ ତଥା ସରକାରଙ୍କ ସମନ୍ୱିତ ପ୍ରୟାସରେ ରୋଗୀଙ୍କର ମୃତ୍ୟୁହାର ହାର କ୍ରମାଗତ ଭାବରେ କମୁଥିବା ପ୍ରକାଶ ପାଇଛି ।
ଭାରତର କରୋନାଭାଇରସ୍ ମାମଲା ମୋଟ ୩୨.୩୪ ଲକ୍ଷକୁ ବୃଦ୍ଧି ପାଇଛି । ଏଥିସହିତ ଆହୁରି ୬୭,୧୫୧ ମାମଲା ଗୋଟିଏ ଦିନରେ ଚିହ୍ନଟ ହୋଇଛନ୍ତି । ଏହାସହ ୨୪ ଘଣ୍ଟା ମଧ୍ୟରେ ୧,୦୫୯ ଜଣଙ୍କର ମୃତ୍ୟୁ ଘଟିବାସହ ମୃତ୍ୟୁସଂଖ୍ୟା ୫୯,୪୪୯ କୁ ବୃଦ୍ଧି ପାଇଛି ।
