ବ୍ୟୁରୋ ରିପୋର୍ଟ: ନିଜର ମନ ଖୋଲା ଜବାବ ଓ କାମକୁ ନେଇ ସବୁବେଳେ ଚର୍ଚ୍ଚାରେ ରହୁଥିବା ପୂଜା ଭଟ୍ଟ ଏବେ ପୁଣିଥରେ ଦେଇଥିବା ବୟାନକୁ ନେଇ ଏବେ ଚର୍ଚ୍ଚା ହେଉଛି । ନିଜ ସମ୍ପର୍କକୁ ନେଇ ସୁବବେଳେ ବାପା ଝିଅ ଟ୍ରୋଲ ମଧ୍ୟ ହୋଇଥାନ୍ତି । ଅନେକ ସମୟରେ ପୂଜା ଏବଂ ମହେଶ ଭଟ୍ଟ ନିଜ ସମ୍ପର୍କକୁ ନେଇ ବୟାନ ଦେବା ଏକ ପ୍ରକାର ତୁମ୍ବି ତୋଫାନ ହୋଇଥାଏ । ତେବେ କିଛି ଦିନ ତଳେ ନିଜ ଝିଅ ପୂଜା ଭଟ୍ଟଙ୍କୁ ନେଇ ମହେଶ ଭଟ୍ଟଙ୍କୁ ନେଇ ଏକ ବିବାଦୀୟ ବୟାନ ଦେଇଥିଲେ ଯେ ଯଦି ପୂଜା ତାଙ୍କ ଝିଅ ନହୋଇଥାନ୍ତେ ତେବେ ସେ ତାଙ୍କୁ ବିବାହ କରିଥାନ୍ତେ । ଯାହାକୁ ନେଇ ଖୁବ ଚର୍ଚ୍ଚା ହୋଇଥିଲା । ତେବେ ଏବେ ସେହିଭଳି ପୂଜାଙ୍କ ବୟାନକୁ ନେଇ ପ୍ରଶ୍ନବାଚୀ ଉଠୁଛି । ବିଗ୍ ବସ୍ ଙଞଞ ସିଜନ୍ ୨ ରେ ପ୍ରତିଯୋଗୀ ଭାବରେ ଶେଷ ଥର ପାଇଁ ଦେଖାଯାଇଥିବା ଅଭିନେତ୍ରୀ ପୂଜା ଭଟ୍ଟ ନିକଟରେ ସିଦ୍ଧାର୍ଥ କନ୍ନନଙ୍କ ସହ ହୋଇଥିବା ଏକ ସାକ୍ଷାତକାରରେ ୧୯୯୦ ରେ ମାଗାଜିନ କଭରକୁ ଦିଆଯାଇଥିବା ଅବାଞ୍ଛିତ ଆଟେନସନ୍ ବିଷୟରେ ଦୀର୍ଘ ସମୟ ଆଲୋଚନା କରିଛନ୍ତି । ଯେଉଁଠାରେ ସେ ତାଙ୍କ ପିତା ମହେଶ ଭଟ୍ଟଙ୍କୁ ଲିପ କିସ୍ ଦେଉଥିବାର ଦେଖାଯାଇଥିଲା ଯାହା କି ସେ ସମୟରେ ଖୁବ ଚର୍ଚ୍ଚା ସାଉଁଟିଥିଲା ଜ୍ଝଏହି ପ୍ରସଙ୍ଗରେ ବିସ୍ତୃତ ଭାବରେ ବମ୍ବେ ବେଗମ୍ସ ଷ୍ଟାର ପ୍ରଶ୍ନ କରିଥିଲା ଯେ ଯଦି କ୍ୟାପଚର ମୁହୂର୍ତ୍ତଟି ସମ୍ପୂର୍ଣ୍ଣ ନିରର୍ଥକ ତେବେ ସେ ଫଟୋ ସୁଟ୍ ପାଇଁ କେବେ ଅନୁତାପ କରୁଛନ୍ତି କି ବୋଲି ପଚରାଯିବାରୁ ପୂଜା ଭଟ୍ଟ ଶୀଘ୍ର ଉତ୍ତର ଦେଇଥଲେ, “ନା, କାରଣ ମୁଁ ଏହାକୁ ଅତି ସହଜ ଭାବେ ଗ୍ରହଣ କରେ । ଏବଂ ମୁଁ ଭାବୁଛି ତାହା ଅତି ଦୁର୍ଭାଗ୍ୟଜନକ କାରଣ ବାପା ଝିଅଙ୍କ ପବିତ୍ର ସଂମ୍ପର୍କ ଉପରେ ସମସ୍ତେ ପ୍ରଶ୍ନବାଚୀ ସୃଷ୍ଟି କରିଥିଲେ । , ଏକ ଏଭଳି ଫ୍ରିଜ୍ ମୁହୂର୍ତ୍ତକୁ ଯେ କୌଣସି ପ୍ରକାରେ ଉପସ୍ଥାପିତ ଏବଂ ଭୁଲ ଭାବରେ ଉପସ୍ଥାପିତ କରାଯାଇପାରେ ତାହା ଅତି ଦୁଃଖର କଥା। ତେବେ ସେ କହିଛନ୍ତି ଯେ ମୁଁ ଛୋଟ ସମୟରେ ଯେଉଁଭଳି ବାପା ମାଙ୍କ ପାଖରେ ପିଲା ହୋଇ ରହିଥିଲି ସର୍ବଦା ସେହିଭଳି ହିଁ ରହିବି । ତେଣୁ ମୁଁ ତାହା କରି ଭୁଲ କରିନି ଏବଂ ପଶ୍ଚାତାପ ମଧ୍ୟ କରିନି ।
ଚିତ୍ରକୁ ଅନୁପଯୁକ୍ତ ଢ଼ଙ୍ଗରେ ଦେଖିବା ପାଇଁ ଗଣମାଧ୍ୟମକୁ ଆହ୍ୱାନ କରି ପୂଜା ଭଟ୍ଟ ଆହୁରି କହିଛନ୍ତି, “ତେଣୁ ଏହା ଏକ ମୁହୂର୍ତ୍ତ ଥିଲା ଯାହା ସମ୍ପୂର୍ଣ୍ଣ ଭୁଲ ଥିଲା ଯାହା କଏଦ ହୋଇଥିଲା। ଏବଂ ସେ ବାବଦରେ ମୁଁ କାହାକୁ ସ୍ପଷ୍ଟ କରିବାକୁ ଉଚିତ ମନେ କରିନି କାରଣ ଲୋକଙ୍ଗୁ ଯାହା ପଢ଼ିବାର ଅଛି ପଢ଼ିବେ ଏବଂ ଯାହା ଭାବିବାର ଅଛି ଭାବିବେ । ଯେଉଁମାନେ ବାପା ଝିଅଙ୍କ ସମ୍ପର୍କକୁ ଏଭଳି କୁତ୍ସିତ କରିପାରନ୍ତି ସେଭଳି ଲୋକେ କିଛି ବି କରିପାରନ୍ତି । ସେହି ଲୋକମାନେ କଥା କୁହନ୍ତି ପାରିବାରିକ ମୂଲ୍ୟବୋଧ ବାବଦରେ ଯାହାକି ପରିହାସର କଥା ।
ବିଗ୍ ବସ୍ ହାଉସରେ ଥିବାବେଳେ ପୂଜା ଭଟ୍ଟଙ୍କୁ ତାଙ୍କ ପିତା ମହେଶ ଭଟ୍ଟଙ୍କୁ ଭେଟିଥିଲେ ଏବଂ ଅନେକ ଅଜଣା କଥା କଠିନ ସମୟରେ ପୂଜା କିପରି ତାଙ୍କ ପରିବାରରେ ରୁଟି ରୋଜଗାରକାରୀ ହୋଇଥିଲେ ସେ ବିଷୟରେ ମଧ୍ୟ ସେ ଖୋଲିଥିଲେ। ସେ ପ୍ରକାଶ କରିଛନ୍ତି ଯେ ତାଙ୍କ ସଂଘର୍ଷପୂର୍ଣ୍ଣ ପର୍ୟ୍ୟାୟରେ ପୂଜା ପାଦ ଆଗକୁ ଯାଇ ପରିବାରର ମେରୁଦଣ୍ଡ ହୋଇଥିଲେ। ସେ ଏକ ମଡେଲିଂ କ୍ୟାରିୟର କରିବାକୁ ପଦକ୍ଷେପ ନେଇଥିଲେ ଏବଂ ଅନେକ ବିଜ୍ଞାପନ ପାଇଁ ଅଡିସନ୍ କରିଥିଲେ ଜ୍ଝ ମଡେଲିଂ ଦୁନିଆରେ ତାଙ୍କର ପ୍ରୟାସ ଏବଂ ସଫଳତା ସେହି କଠିନ ଦିନରେ ଘର ଚଳାଇବାରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲା ଜ୍ଝବିଗ୍ ବସ୍ ଙଞଞ ୨ ର ଅନ୍ୟ ଏକ ଏପିସୋଡରେ ପୂଜା ଭଟ୍ଟ ତାଙ୍କ ପୂର୍ବ ସ୍ୱାମୀଙ୍କ ସହ ତାଙ୍କର ବଣ୍ଡିଂ ବିଷୟରେ ଆଲୋଚନା କରିଥିଲେ । ୨୦୦୩ ରୁ ୨୦୧୪ ପର୍ୟ୍ୟନ୍ତ ସେମାନଙ୍କ ବୈବାହିକ ଜୀବନ ଅତିବାହିତ କରିଥିଲେ।
