ଭୁବନେଶ୍ୱର: ଆଜି ସରିବ ଉଚ୍ଚ ମାଧ୍ୟମିକ ବିଦ୍ୟଳୟର ପ୍ରଥମ ପର୍ଯ୍ୟୟ ନାମଲେଖା ।ଚଳିତ ଶିକ୍ଷାବର୍ଷ ପାଇଁ ଉଦ୍ଦିଷ୍ଟ ଥିବା ୪ ଲକ୍ଷ ୭୨ ହଜାର ୨୭୯ ସିଟ୍ ମଧ୍ୟରୁ ୪ ଲକ୍ଷ ୧୨ ହଜାର ୩୬୮ ପିଲାଙ୍କୁ ପ୍ରଥମ ପର୍ଯ୍ୟାୟରେ ସିଟ୍ ଆବଣ୍ଟନ କରାଯାଇଥିବା ବେଳେ ବୁଧବାର ସୁଦ୍ଧା ୩ଲକ୍ଷ ୧୭ ହଜାର ଛାତ୍ରଛାତ୍ରୀ ନାମ ଲେଖାଇଛନ୍ତି । ୧୯ ତାରିଖ ପୂର୍ବାହ୍ଣ ସାଢେ ୧୧ଟାରେ ଦ୍ୱିତୀୟ ପର୍ଯ୍ୟାୟ ମେଧା ତାଲିକା ପ୍ରକାଶ ପାଇବ ।
୧୯ରୁ ୨୨ତାରିଖ ମଧ୍ୟରେ ଦ୍ୱିତୀୟ ପର୍ଯ୍ୟାୟ ନାମଲେଖା ଓ ଜୁଲାଇ ୨୭ତାରିଖରେ ସ୍ପଟ୍ ନାମଲେଖା ପାଇଁ ମେଧା ତାଲିକା ପ୍ରକାଶ ପାଇବ। ୩୧ ତାରିଖ ସୁଦ୍ଧା ସ୍ପଟ୍ ନାମଲେଖା ପ୍ରକ୍ରିୟା ଶେଷ ହେବାକୁ ଥିବାବେଳେ ଅଗଷ୍ଟ ୧ ତାରିଖରୁ ପିଲାଙ୍କ ପାଠପଢ଼଼ା ଆରମ୍ଭ କରିବାକୁ ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ନିର୍ଦ୍ଦେଶନାମା ଲକ୍ଷ୍ୟ ରଖିଛି।