ପଟ୍ଟାମୁଣ୍ଡାଇ: ପଟ୍ଟାମୁଣ୍ଡାଇ କାଠିଆପଡ଼ା ଅଞ୍ଚଳର ଛାତ୍ରୀ ଆତ୍ମାହୁତି ମାମଲା। ଧରାପଡ଼ିଲା ବ୍ଲାକମେଲର ପୁରୁଷ ବନ୍ଧୁ। ଯୁବତୀଙ୍କ ବୟଫ୍ରେଣ୍ଡ୍କୁ ପୁଲିସ ଅଟକ ରଖିଛି। ଅଭିଯୁକ୍ତ ଯୁବକ ଜଣଙ୍କ ହେଲେ ବିଲିକଣା ପଞ୍ଚାୟତ ତେରୋଇ ଗାଁର ପ୍ରମୋଦ ବେହେରା। ପ୍ରମୋଦକୁ ଚେନ୍ନାଇରୁ ଧରିଲା ପୋଲିସ । ଆତ୍ମଦାହ ଘଟଣାର ରହସ୍ୟ ଭେଦିବାକୁ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ସେପଟେ କାଠିଆପଡା ଯାଇଛି ଫୋରେନସିକ ଓ FMT ଟିମ୍ । ଏସ୍ପିଙ୍କ ଉପସ୍ଥିତିରେ ଟିମ୍ ଘଟଣାସ୍ଥଳକୁ ଯାଇ ତଦନ୍ତ ଜାରି ରଖିଛି ।
ଅନ୍ୟପଟେ ମୃତ ଯୁବତୀଙ୍କ ପ୍ରେମିକ ପ୍ରମୋଦକୁ ଗିରଫ ପରେ ପ୍ରତିକ୍ରିୟା ରଖିଛନ୍ତି ଯୁବକଙ୍କ ବାପା ଓ ମା’ । ଉଭୟଙ୍କ ପ୍ରେମ ସମ୍ପର୍କ ନେଇ କୌଣସି କଥା ଜାଣିନଥିବା କହିଛନ୍ତି ବାପା ଓ ମା’ । ସେହିପରି ଝିଅର ପରିବାର ଲୋକ ଏଥିପାଇଁ ଦାୟୀ, ଜାଣି ଶୁଣି ଆମ ପୁଅକୁ ଫସାଯାଇଥିବା କହିଛନ୍ତି ମୃତ ଯୁବତୀଙ୍କ ପୁରୁଷ ବନ୍ଧୁଙ୍କ ମାଆ । ଅନ୍ୟପଟେ ପ୍ରମୋଦଙ୍କ ମା’ ପୁଅର ଭଲ ପାଇବାକୁ ସ୍ୱୀକାର କରିଛନ୍ତି । ସେମାନଙ୍କର ବାହାଘର ହୋଇଥାନ୍ତା । ହେଲେ ଆମେ ଗରିବ ବୋଲି ଝିଅର ବାପା ବିରୋଧ କରିବା ସହିତ ବାପା ବାରମ୍ବାର ଝିଅକୁ ମାଡ଼ ମାରୁଥିଲେ । ବାପାମାଆ ଝିଅକୁ ମାରିଛନ୍ତି, ବନ୍ଧା ଅବସ୍ଥାରେ ଝିଅର ମୃତଦେହ ମିଳିଛି ।୨୦ ଲକ୍ଷ ଟଙ୍କା ପାଇଁ ତାଙ୍କ ବାପା ଝିଅକୁ ମାରିଛନ୍ତି । ମୋ ପୁଅ ନିର୍ଦ୍ଦୋଷ, ୩ ମାସ ହେଲା ଚେନ୍ନାଇରେ ଥିଲା । ନ୍ୟାୟ ନ ମିଳିଲେ ଆତ୍ମହତ୍ୟା କରିବି କହିଛନ୍ତି ଅଭିଯୁକ୍ତଙ୍କ ମା’ । ଏହି ପୂରା ଘଟଣାର ତଦନ୍ତ ନିଜେ ଏସପି ତଦାରଖ କରୁଥିବାରୁ ଖୁବ୍ ଶୀଘ୍ର ମୃତ୍ୟୁ ରହସ୍ୟ ଉପରୁ ପରଦା ହଟିବା ସମ୍ଭାବନା ରହିଛି।