କେନ୍ଦ୍ରାପଡ଼ା: କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା କାଠିଆପଡ଼ା ଯୁବତୀ ମୃତ୍ୟୁ ଘଟଣା । ଘଟଣାର ୪ ଦିନ ପରେ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାରେ ଏତଲା କଲେ ମୃତକଙ୍କ ବାପା ଓ ଭାଇ । ଏତଲାରେ କାହାକୁ ଅଭିଯୁକ୍ତ ଦର୍ଶାଇଛନ୍ତି ସେନେଇ ସ୍ପଷ୍ଟ ହୋଇନି । ଘଟଣାରେ ନିଜେ ଏସ୍ପି ତଦନ୍ତ କରୁଥିଲା ବେଳେ ଯୁବତୀଙ୍କ ମୃତ୍ୟୁ ନେଇ ସସ୍ପେନ୍ସ ଜାରି ରହିଛି । ତେବେ ଯୁବତୀ ଜଳିଗଲେ ନା ତାଙ୍କୁ କିଏ ଜାଳି ଦେଲା ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ଅନ୍ୟପଟେ ଉକ୍ତ ଘଟଣାରେ କେନ୍ଦ୍ରାପଡ଼ା SP ଅଫିସ୍ରେ ପହଞ୍ଚିଛନ୍ତି କେନ୍ଦ୍ରାଞ୍ଚଳ ଆଇଜି ପ୍ରବୀଣ କୁମାର । ଜଳିଗଲେ ନା ଜାଳି ଦିଆଗଲା ତାହା ଜାଣିବାକୁ ଚାଲିଛି ଛାନଭିନ୍ । ତେବେ ମୃତା ଛାତ୍ରୀଙ୍କ ପଡୋଶୀଙ୍କ ଘରେ ଲାଗିଥିବା ସିସିଟିଭି କ୍ୟାମେରାକୁ ନେଇ ସୃଷ୍ଟି ହୋଇଛି ସସ୍ପେନ୍ସ । ପୋଲିସ ବାରମ୍ବାର ସେହି ସିସି କ୍ୟାମେରାକୁ ଯାଞ୍ଚ କରୁଛି । ସିସି କ୍ୟାମେରା ସାମ୍ନାକୁ ଆସିବା ପରେ ସାଧାରଣରେ ନାନା ପ୍ରଶ୍ନ ମୁଣ୍ଡ ଟେକିଛି । ଅନ୍ୟପଟେ ମୃତ ଛାତ୍ରୀଙ୍କ ପୁରୁଷବନ୍ଧୁଙ୍କ ପରିବାର ଲୋକଙ୍କ କହିବା ଅନୁସାରେ, ଛାତ୍ରୀକୁ ପରିବାର ଲୋକେ ମାନସିକ ତଥା ଶାରୀରିକ ନିର୍ଯାତନା ଦିଅନ୍ତି । ନିଜ ପରିବାର ଲୋକଙ୍କ ଠାରୁ ମାଡ ଗାଳି ଖାଇବା ପରେ ଛାତ୍ରୀ ଜଣକ ଏ କଥା ପୁରୁଷ ବନ୍ଧୁଙ୍କ ପରିବାରକୁ ଫୋନ୍ ଯୋଗେ କହିଛନ୍ତି ବୋଲି କହିଛନ୍ତି ଗିରଫ ଯୁବକଙ୍କ ପରିବାର ଲୋକ ।