ଅପରେସନ ସିନ୍ଦୁର ଲୋଗ ଡିଜାଇନ କରିଥିଲେ ଲେଫ୍ଟନାଣ୍ଟ କର୍ଣ୍ଣେଲ ହର୍ଷ ଗୁପ୍ତା ଏବଂ ହାବିଲଦାର ସୁରିନ୍ଦର ସିଂହ …

ଭାରତୀୟ ସେନାର ‘ଅପରେସନ୍ ସିନ୍ଦୂର’ କେବଳ ସାମରିକ ଦୃଷ୍ଟିକୋଣରୁ ନୁହେଁ ବରଂ ଭାବପ୍ରବଣ ସ୍ତରରେ ମଧ୍ୟ ଦେଶବାସୀଙ୍କ ହୃଦୟକୁ ଦୋହଲାଇ ଦେଇଛି। ପହଲଗାମ ଆତଙ୍କବାଦୀ ଆକ୍ରମଣ ପରେ କରାଯାଇଥିବା ଏହି ଅପରେସନ କେବଳ ଆତଙ୍କବାଦର ଏକ ନିର୍ଣ୍ଣାୟକ ଜବାବ ନଥିଲା ବରଂ ଆକ୍ରମଣରେ ନିଜ ଜୀବନସାଥୀଙ୍କୁ ହରାଇଥିବା ମହିଳାମାନଙ୍କ ଯନ୍ତ୍ରଣାର ମଧ୍ୟ ସ୍ୱର ଦେଇଥିଲା।

ଭାରତୀୟ ସେନା ନିଜର ବୀରତ୍ୱ ଏବଂ ସାହସ ଦେଖାଇ ମେ ୬ ରାତିରେ ପାକିସ୍ତାନରେ ପ୍ରବେଶ କରି ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରିଥିଲା। ଏହା ପରେ ସେନା ଅପରେସନ ସିନ୍ଦୂରର ଏକ ଲୋଗୋ ଜାରି କରିଥିଲା। ସେବେଠାରୁ, ଅପରେସନ ସିନ୍ଦୁରର ଏହି ଲୋଗୋ ବହୁତ ଲୋକପ୍ରିୟ ହୋଇଛି। ଭାରତୀୟ ସଶସ୍ତ୍ର ବାହିନୀର ‘ଅପରେସନ୍ ସିନ୍ଦୂର’ର ସରଳ ଏବଂ ପ୍ରତୀକାତ୍ମକ ଲୋଗୋ ଦୁଇଜଣ ଯବାନଙ୍କ ଦ୍ୱାରା ଡିଜାଇନ୍ କରାଯାଇଥିଲା।

ଅପରେସନ ସିନ୍ଦୁର ପୋଷ୍ଟରେ ଲେଖାଥିବା ସିନ୍ଦୁର ପ୍ରଥମ “ଙ” ଏକ ଛୋଟ ପାତ୍ରକୁ ପ୍ରତିନିଧିତ୍ୱ କରେଜ୍ଝ ଯାହା ବିବାହିତ ହିନ୍ଦୁ ମହିଳାମାନଙ୍କର ସୌଭାଗ୍ୟର ପ୍ରତୀକ। ଦ୍ୱିତୀୟ “ଙ” ସିନ୍ଦୁର ଛିଟା ଦ୍ୱାରା ଘେରି ରହିଛି। ଏହା ଆତଙ୍କର ସେହି ନିର୍ମମ ଆକ୍ରମଣରେ ମହିଳାମାନଙ୍କୁ ସହ୍ୟ କରିବାକୁ ପଡିଥିବା ଲୁହ ଏବଂ ଯନ୍ତ୍ରଣାର ପ୍ରତୀକ। ଏହି ସମ୍ବେଦନଶୀଳ ଏବଂ ପ୍ରଭାବଶାଳୀ ପ୍ରତୀକକୁ ଦୁଇ ସେନା ଅଧିକାରୀ – ଲେଫ୍ଟନାଣ୍ଟ କର୍ଣ୍ଣେଲ ହର୍ଷ ଗୁପ୍ତା ଏବଂ ହାବିଲଦାର ସୁରିନ୍ଦର ସିଂହ ମିଳିତ ଭାବରେ ଡିଜାଇନ୍ କରିଥିଲେ। ବାସ୍ତବରେ ଭାରତୀୟ ସେନାର ଅପରେସନ ସିନ୍ଦୂରକୁ ନେଇ ଉତ୍ସର୍ଗୀକୃତ ପତ୍ରିକା ‘ବାତଚିତ୍’ର ସଦ୍ୟତମ ସଂସ୍କରଣରେ ଉଭୟଙ୍କ ଫଟୋ ମଧ୍ୟ ସ୍ଥାନ ପାଇଛି ।

‘ଅପରେସନ୍ ସିନ୍ଦୂର’ କେବଳ ଏକ ସାମରିକ କାର୍ଯ୍ୟାନୁଷ୍ଠାନ ନୁହେଁ ବରଂ ସେମାନଙ୍କ ପ୍ରିୟଜନଙ୍କୁ ହରାଇଥିବା ସହିଦ ପରିବାର ପ୍ରତି ଏକ ଶ୍ରଦ୍ଧାଞ୍ଜଳି। ଏହା ଆତଙ୍କବାଦ ବିରୁଦ୍ଧରେ ‘ଶୂନ୍ୟ ସହନଶୀଳତା’ ନୀତି ଗ୍ରହଣ କରିବାର ଭାରତର ସଂକଳ୍ପକୁ ପ୍ରତିନିଧିତ୍ୱ କରେ। ଏହାର ପ୍ରତୀକ ନାରୀ ଶକ୍ତି, ତ୍ୟାଗ ଏବଂ ପ୍ରତିସଂଘର୍ଷର ସଙ୍ଗମ ପାଲଟିଛି।