ଭୁବନେଶ୍ଵର: ଜନସାଧାରଣଙ୍କୁ ତ୍ୱରିତ ନ୍ୟାୟ ପ୍ରଦାନ ନିମନ୍ତେ ୧୧ଟି ଅତିରିକ୍ତ ଜିଲା ଜଜ କୋର୍ଟ ପ୍ରତିଷ୍ଠା ପାଇଁ ରାଜ୍ୟ ଆଇନ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି। ଏଥିମଧ୍ୟରୁ ୩ଟି ଏଡିଜେ (ଭିଜିଲାନ୍ସ) କୋର୍ଟ। ବାଙ୍କୀ (କଟକ), ରଣପୁର (ନୟାଗଡ), ବାଣପୁର (ଖୋର୍ଦ୍ଧା), ବାସୁଦେବପୁର (ଭଦ୍ରକ), ପିପିଲି (ପୁରୀ), ତାଳଚେର (ଅନୁଗୁଳ), ରାଜଗାଙ୍ଗପୁର (ସୁନ୍ଦରଗଡ) ଓ ଜି. ଉଦୟଗିରି (କନ୍ଧମାଳ)ରେ ହେବ ADJ କୋର୍ଟ । ସେହିପରି ୩ଟି ନୂଆ ଭିଜିଲାନ୍ସ କୋର୍ଟ ପାଇଁ ବି ପ୍ରକାଶ ପାଇଛି ବିଜ୍ଞପ୍ତି । କେନ୍ଦ୍ରାପଡ଼ା, ନୟାଗଡ଼, ପୁରୀରେ ପ୍ରତିଷ୍ଠା ହେବ ଭିଜିଲାନ୍ସ କୋର୍ଟ । ଅଧିକାରୀମାନେ କହିଛନ୍ତି ଯେ ଓଡ଼ିଶା ହାଇକୋର୍ଟ ସହିତ ପରାମର୍ଶ କରି ଏହି ନିଷ୍ପତ୍ତି ନିଆଯାଇଛି। ଏହି କୋର୍ଟଗୁଡ଼ିକ ଓଡ଼ିଶା ହାଇକୋର୍ଟର ଅନୁମୋଦନ ସହିତ ଓଡ଼ିଶା ସିଭିଲ୍ କୋର୍ଟ ଆଇନ ୧୯୮୪ ଅନୁଯାୟୀ ମଧ୍ୟ ପ୍ରତିଷ୍ଠିତ ହେବ।
