ନୂଆଦିଲ୍ଲୀ: ଘୋଷଣା ହେଲା ନୋବେଲ ଶାନ୍ତି ପୁରସ୍କାର । ଭେନେଜୁଏଲାର ମାରିଆ କୋରିନାଙ୍କୁ ନୋବେଲ ଶାନ୍ତି ପୁରସ୍କାର । ଭେନେଜୁଏଲାରେ ଗଣତନ୍ତ୍ର ପ୍ରତିଷ୍ଠାରେ ଗୁରୁତ୍ବପୂର୍ଣ୍ଣ ଭୂମିକା ପାଇଁ ନୋବେଲ୍ । ଏକଛତ୍ରବାଦରୁ ଦେଶରେ ଗଣତନ୍ତ୍ର ପ୍ରତିଷ୍ଠା ପାଇଁ ମାରିଆଙ୍କୁ ନୋବେଲ୍ । ସେପଟେ ଆମେରିକା ରାଷ୍ଟ୍ରପତି ଟ୍ରମ୍ପ୍ଙ୍କୁ ଲାଗିଛି ଶକ୍ତ ଝଟ୍କା । ଟ୍ରମ୍ପଙ୍କୁ ମିଳିଲାନି ନୋବେଲ ।
ନୋବେଲ ପୁରସ୍କାର ୱେବସାଇଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଶାସକ ଦଳର ବର୍ଦ୍ଧିତ ଚାପ ବିରୁଦ୍ଧରେ ମାରିଆ କୋରିନା ମାଚାଡୋ ଭେନେଜୁଏଲାରେ ଗଣତନ୍ତ୍ର ପାଇଁ ସଂଘର୍ଷର ନେତୃତ୍ୱ ନେଇଛନ୍ତି। ୧୯୯୨ରେ, ସେ କାରାକାସରେ ବାସହୀନ ପିଲାମାନଙ୍କ କଲ୍ୟାଣ ପାଇଁ କାମ କରୁଥିବା ଆଟେନିଆ ଫାଉଣ୍ଡେସନ ପ୍ରତିଷ୍ଠା କରିଥିଲେ। ମାରିଆ କୋରିନା ଜଣେ ଭେନେଜୁଏଲାର ଇଞ୍ଜିନିୟର, ସାମାଜିକ କର୍ମୀ ଏବଂ ବିଶିଷ୍ଟ ରାଜନେତା। ସେ ଇଞ୍ଜିନିୟରିଂ ଏବଂ ଫାଇନାନ୍ସ ପାଠପଢ଼ା କରିଥିଲେ ଏବଂ ବ୍ୟବସାୟରେ ତାଙ୍କର କ୍ୟାରିଅର ଆରମ୍ଭ କରିଥିଲେ, କିନ୍ତୁ ଶୀଘ୍ର ତାଙ୍କ ଦେଶର ଲୋକଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ସମାଜ ସେବା ଏବଂ ରାଜନୀତିକୁ ବାଛିଥିଲେ।
ମାରିଆ କୋରିନା ମାଚାଡୋ ୧୯୯୨ ଆଟେନିଆ ଫାଉଣ୍ଡେଶନ ପ୍ରତିଷ୍ଠା କରିଥିଲେ। ଏହି ସଂଗଠନ କାରାକାସରେ ବାସହୀନ ଏବଂ ଅଭାବୀ ପିଲାମାନଙ୍କ ଶିକ୍ଷା ଏବଂ କଲ୍ୟାଣ ପାଇଁ କାମ କରେ। ଏହି ଫାଉଣ୍ଡେଶନ ମାଧ୍ୟମରେ, ମାଚାଡୋ ସାମାଜିକ ସଂସ୍କାର କ୍ଷେତ୍ରରେ ନିଜର ଛାପ ସୃଷ୍ଟି କରିଛନ୍ତି।