ବ୍ୟୁରୋ : ଘଟଣାଟି ଜାଣିଲେ ଆପଣ ମାନେ ବି ଆଶ୍ଚର୍ଯ୍ୟ ହୋଇଯିବେ, ୬ ବର୍ଷର ନାବାଳିକାକୁ ବଳାତ୍କାରରୁ ରକ୍ଷା କରିଥିଲେ ମାଙ୍କଡ । କିଛି ଅସାମାଜିକ ବ୍ୟକ୍ତି ଦୁଷ୍କର୍ମ ଉଦ୍ୟମ କରୁଥିବାବେଳେ ମାଙ୍କଡ ମାନେ ଠିକ ସମୟରେ ପହଞ୍ଚି ନାବାଳିକା ଟିକୁ ରକ୍ଷା କରିଥିଲେ ।
ଖବର ଅନୁଯାୟୀ, ଘଟଣାଟି ହେଉଛି ଉତ୍ତରପ୍ରଦେଶର ବାଗପାଟରେ ଜଣେ ୬ ବର୍ଷର ୟୁକେଜି ନାବାଳିକାକୁ ବଳାତ୍କାର କରିବା ପାଇଁ ଉଦ୍ୟମ କରିଥିଲେ ହଠାତ ମାଙ୍କଡ ମାନେ ଆସିଯିବାରୁ ପିଲା ଟିକୁ ଛାଡି ସେମାନେ ସ୍ଥାନରୁ ପଳାଇଯାଇଥିଲେ । ଝିଅଟି ତାର ଅଭିଭାବକଙ୍କୁ ଏସବୁ ଜଣାଇଥିଲା ।
ସୂଚନା ଯୋଗ୍ୟ ଯେ, ସେପ୍ଟେମ୍ବର ୨୦ ତାରିଖରେ ଡଉଲା ଗାଁରେ ଏହି ଘଟଣା ଘଟିଥିଲା। ଅଭିଯୁକ୍ତଙ୍କୁ POCSO ଆକ୍ଟର ସମ୍ପୃକ୍ତ ବିଭାଗ ଅଧୀନରେ ଅଭିଯୋଗ କରାଯାଇଥିବାବେଳେ ଘଟଣାର ତଦନ୍ତ ଚାଲିଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ଅଭିଯୁକ୍ତ ଜଣକ ତାଙ୍କୁ ଏକ ନିର୍ଜନ ଘରକୁ ନେଇ ବଳାତ୍କାର କରିବାକୁ ଚେଷ୍ଟା କରିଥିଲା। ହଠାତ୍ ମାଙ୍କଡମାନେ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କ ଉପରେ ଆକ୍ରୋଶ ପ୍ରଦର୍ଶନ କରିଥିଲେ। ଭୟଭୀତ ହୋଇ ବ୍ୟକ୍ତିଟି ସେହି ସ୍ଥାନରୁ ଝିଅଟି କୁ ଛାଡି ଦୌଡ଼ି ପଳାଇଥିଲେ ।