ମଣିପୁର: ମଣିପୁରରେ ୨ ମହିଳାଙ୍କ ସହ ହୋଇଥିବା ବର୍ବରତାର ଭିଡିଓ ଯାହା ସାରା ଦେଶରେ ହଇଚଇ ସୃଷ୍ଟି କରିଥିଲା । ସେହି ଘଟଣାରେ ପୁଲିସ ଅଭିଯୁକ୍ତଙ୍ଗୁ ଗିରଫ କରିଥିଲା । ତେବେ କୋର୍ଟ ଏହି ଚାରି ଅଭିଯୁକ୍ତଙ୍କୁ ୧୧ ଦିନ ପାଇଁ ପୋଲିସ ହେପାଜତକୁ ପଠାଇଛନ୍ତି। ମଣିପୁର ପୋଲିସ ଶୁକ୍ରବାର (ଜୁଲାଇ ୨୧) ଏହି ସୂଚନା ଦେଇଛି।
ମଣିପୁରରେ ଦୁଇ ଆଦିବାସୀ ମହିଳାଙ୍କୁ ଉଲଗ୍ନ କରି ଚଲାଇ ଚଲାଇ ନିଆଯାଇଥିବାର ଭିଡିଓ ପରେ ସାରା ଦେଶରେ କ୍ରୋଧ ଦେଖାଦେଇଛି। ପ୍ରଧାନମନ୍ତ୍ରୀଙ୍କ ଠାରୁ ସୁପ୍ରିମକୋର୍ଟ ପର୍ୟ୍ୟନ୍ତ ଅସନ୍ତୋଷ ପ୍ରକାଶ କରିଛନ୍ତି। ଏହା ସହିତ ଏହି ମାମଲାର କଠୋର ମୁକାବିଲା ପାଇଁ ନିଶ୍ଚିତତା ଦିଆଯାଇଛି। ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ଗିରଫ ହୋଇଥିବା ଚାରିଜଣଙ୍କ ମଧ୍ୟରୁ ମୁଖ୍ୟ ଆରୋପୀ ମଧ୍ୟ ଅଛନ୍ତି ବୋଲି ପୋଲିସ କହିଛି। ଗାଁରେ ଏହି ଘଟଣାରେ ସମ୍ପୃକ୍ତ ଜନତାଙ୍କ ଥିଲେ ଏବଂ ପୀଡିତାଙ୍କ ମଧ୍ୟରୁ ଜଣେ ମହିଳାଙ୍କୁ ଟାଣି ନେଇଥିବା ଭିଡିଓରେ ଦେଖିବାକୁ ମିଳିଥିଲା। ପୋଲିସର ସୂଚନାନୁସାରେ, ଅଭିଯୁକ୍ତଙ୍କୁ ଥୋବାଲ ଜିଲ୍ଲାରୁ ଗିରଫ କରାଯାଇଥିଲା ତାଙ୍କ ନାମ ହୁରେମ ହେରାଦାସ ସିଂ ବୋଲି ଜଣାପଡିଛି। ଗିରଫ ହୋଇଥିବା ଅନ୍ୟ ତିନିଜଣଙ୍କ ବିବରଣୀ ଏପର୍ୟ୍ୟନ୍ତ ଉପଲବ୍ଧ ନାହିଁ। ଭିଡିଓର ସୁ-ମୋଟୁ କଗ୍ନିଜେସନକୁ ନେଇ ପୋଲିସ କହିଛି ଯେ ଥୋବାଲ ଜିଲ୍ଲାର ନୋଙ୍ଗପୋକ ସେକମାଇ ପୋଲିସ ଷ୍ଟେସନରେ ଅଜଣା ସଶସ୍ତ୍ର ଦୁଷ୍କର୍ମକାରୀଙ୍କ ବିରୋଧରେ ଅପହରଣ, ଗ୍ୟାଙ୍ଗରେପ ଏବଂ ହତ୍ୟା ମାମଲା ରୁଜୁ ହୋଇଛି ଏବଂ ଦୋଷୀମାନଙ୍କୁ ଶୀଘ୍ର ଗିରଫ କରିବା ପାଇଁ ସମସ୍ତ ଉଦ୍ୟମ ଚାଲିଛି।
