ଲାଇଭ୍ ଟିଭି ଶୋରେ ଆକ୍ରମଣ
ବିତର୍କ ପାଲଟିଲା ରଣକ୍ଷେତ୍ର
ନିଜ ପଦ ମର୍ଯ୍ୟାଦା ଭୁଲିଗଲେ ବିଧାୟକ
ରାଜନୈତିକ ପ୍ରତିଦ୍ୱନ୍ଦୀଙ୍କ ସହିତ ଲାଗିଲା ମାରପିଟ୍
ଅପ୍ରୀତିକର ପରିସ୍ଥିତିକୁ ଦେଖୁଥିଲେ ଲୋକ
ଖୋଲା ମଂଚରେ ଚାଲିଲା ରାଜନୀତିର ଘୃଣା ଖେଳ
ଖବର ଭିତରେ ନଜର୍ । ଟିକେ ଭଲ ଭାବେ ଦେଖନ୍ତୁ ଏ ଦୃଶ୍ୟ, ଏଠାରେ କୁସ୍ତୀ କି କିକ୍ ବକ୍ସିଂ ଖେଳ ହେଉ ନାହିଁ । ଖୋଲା ମଂଚରେ ଚାଲିଛି, ରାଜନୀତିର ଘୃଣା ଖେଳ । ଲାଇଭ୍ ଟିଭି ଶୋ ରଣକ୍ଷେତ୍ର ପାଲଟିଛି । ଖୋଲା ଖୋଲି ଲଢୁଛନ୍ତି , ବିଆରଏସ୍ ଜଣେ ବିଧାୟକ ଓ ତାଙ୍କ ବିଜେପି ପ୍ରତିଦ୍ୱନ୍ଦୀ । ବିତର୍କ ସ୍ଥଳରେ ପୁଲିସ ବି ଅଛି । ହଁ, ଆଉ ପୁଲିସ ଯଦି ନଥାନ୍ତା, ଘଟିଥାନ୍ତା ମହାଭାରତ । ଏକ ତେଲଗୁ ନ୍ୟୁଜ ଚ୍ୟାନେଲରେ ପ୍ରସ୍ତୁତ ହୋଇଥିଲା, ବିତର୍କ ପାଇଁ ଏହି ଖୋଲା ମଂଚ । ନଭେମ୍ବର ୩୦ ତାରିଖରେ ତେଲଙ୍ଗାନା ବିଧାନସଭା ଭୋଟ୍ ପାଇଁ, ଶୋରେ ଲୋକଙ୍କ ଭିଡ ଜମି ଥିଲା । ବିତର୍କରେ ମୁହାଁମୁହିଁ ହୋଇଥିଲେ, ହାଇଦ୍ରାବାଦ, କୁତବୁଲ୍ଲୁପୁର ବିଧାନସଭା କ୍ଷେତ୍ରରୁ ବିଆର୍ଏସ୍ର ବିଧାୟକ କେପି ବିବେକାନନ୍ଦ ଓ ବିଜେପି ପ୍ରାର୍ଥୀ କୁନା ଶ୍ରୀ ଶୈଳମ୍ ଗୌଡ । ଗୌଡଙ୍କ ପ୍ରଶ୍ନର ଉତର ଦେଇ ନ ପାରି ତାଙ୍କ ଉପରେ ଆକ୍ରମଣ କରିଥିଲେ କେପି ବିବେକାନନ୍ଦ । ବେକ ଷଣ୍ଢା ଧରି ଭୟଭୀତ କରାଇଥିଲେ । ଦୁଇ ରାଜନୈତିକ ପ୍ରତିଦ୍ୱନ୍ଦୀଙ୍କ ଏଭଳି ଆଚରଣ ଲାଇଭ ଶୋରେ ଦେଖୁଥିଲେ ଦର୍ଶକ । ତେଲେଙ୍ଗାନା ବିଜେପି ସଭାପତି ତଥା କେଂଦ୍ରମଂତ୍ରୀ ଜି .କିଶାନ ରେଡ୍ଡି ଅଭିଯୋଗ କରିଛନ୍ତି, କେ.ପି ବିବେକାନନ୍ଦ କୁନାଙ୍କ ଉପରେ ଆକ୍ରମଣ କରିଛନ୍ତି । ଏଭଳି ଘଟଣାରେ ପୁଲିସ ବିଆରଏସ୍ ବିଧାୟକଙ୍କ ବିରୋଧରେ ମାମଲା ମଧ୍ୟ ରୁଜ୍ଜୁ କରିଛି । ଲାଇଭ ଟିଭି ଶୋରେ ଏହା ଲୋକଙ୍କ ପାଇଁ କୌଣସି ନ୍ୟାୟିକ ଲଢାଇ ନୁହେଁ । ନିଜ ପ୍ରଶ୍ନ, ଉତର ଓ ପତିଆରା ପାଇଁ ଲଢେଇ । ଜନ ପ୍ରତିନିଧିଙ୍କ ଆଚରଣ କିନ୍ତୁ ଦେଖୁଛନ୍ତି ଲୋକ । ଏହାର ପ୍ରଭାବ କଣ ପଡିବ, ଭୋଟ୍ ଗଣତି ପରେ ହିଁ ଜଣା ପଡିବ ।