ସୁମି : ଆଜିକୁ ପ୍ରାୟ ୧୩ ଦିନ ପୂରିଲା ଋଷ-ୟୁକ୍ରେନ ଯୁଦ୍ଧ । ବହୁକ୍ଷତି ସହି ପରିଶେଷରେ ମୁଣ୍ଡ ନୁଆଁଇଲା ୟୁକ୍ରେନ । ବିଶ୍ୱର ମହାଶକ୍ତିଶାଳୀ ରାଷ୍ଟ୍ର ଋଷର ସେନା ଆଗରେ ଆଉ ତିଷ୍ଠିବାର ଆଶା ନ ଥିବା ଜାଣି ୟୁକ୍ରେନ ରାଷ୍ଟ୍ରପତି ଜେଲେନସ୍କି ବୁଝାମଣା କରିବାକୁ ପ୍ରସ୍ତୁତ ଅଛନ୍ତି । ନାଟୋର ସଦସ୍ୟ ହେବାକୁ ଆଉ ୟୁକ୍ରେନ ଚାହୁଁ ନଥିବା କହିଛି । ଡୋନେସ୍କ ଓ ଲୋହାନସ୍କକୁ ଯୁଦ୍ଧ ପୂର୍ବରୁ ଋଷ ସ୍ୱତନ୍ତ୍ର ରାଷ୍ଟ୍ର ମାନ୍ୟତା ଦେଇଥିଲା । ଯାହାକୁ ମାନ୍ୟତା ଦେବାକୁ ପ୍ରସ୍ତୁତ ନ ଥିଲା ୟୁକ୍ରେନ । କିନ୍ତୁ ବର୍ତ୍ତମାନ ୟୁକ୍ରେନ ସେ ଦୁଇଟି ଅଞ୍ଚଳକୁ ସ୍ୱତନ୍ତ୍ର ରାଷ୍ଟ୍ରର ମାନ୍ୟତା ଦେବାକୁ ପ୍ରସ୍ତୁତ ହୋଇଛି ।
ତୃତୀୟ ପର୍ଯ୍ୟାୟ ଆଲୋଚନାରେ ଋଷ ରଖିଥିଲା ୪ଟି ସର୍ତ, ଯାହାକୁ ମାନି ନେଇଛି ୟୁକ୍ରେନ । ଏହା ଛଡା ଆସନ୍ତା କାଲି ତୁର୍କିରେ ଏହି ଦୁଇ ଦେଶ ମଧ୍ୟରେ ହେବାକୁ ଯାଉଛି ଚତୁର୍ଥ ପର୍ଯ୍ୟାୟ ଆଲୋଚନା । ପ୍ରଥମ ଥର ଏହି ଦୁଇ ଦେଶର ବୈଦେଶିକ ମନ୍ତ୍ରୀସ୍ତରୀୟ କଥାବାର୍ତ୍ତା ହେବାକୁ ସହମତି ହୋଇଛି । ଏହା ସହ ଋଷର ସର୍ତକୁ ୟୁକ୍ରେନ ମାନିଯିବାରୁ ଯୁଦ୍ଧ ବନ୍ଦ ହେବାର ସମ୍ଭାବନା ରହିଛି ।