ନୂଆଦିଲ୍ଲୀ: ଆସନ୍ତା ନଭେମ୍ବର ୮ ତାରିଖରୁ ଖେଳାଯିବ ଟି୨୦ ସିରିଜ। ଏଥିରେ ମୁହାଁମୁହିଁ ହେବେ ଭାରତ ଏବଂ ସାଉଥ ଆଫ୍ରିକା । ଏହା ପ୍ରଥମ ମାଚରେ ଡରବନରେ ଖେଳାଯିବାକୁ ଥିବା ବେଳେ ସାଉଥ ଆଫ୍ରିକାରେ ପହଞ୍ଚିଛି ଭାରତୀୟ ଟିମ । ଏନେଇ ବିସିସିଆଇ ଖେଳାଳିଙ୍କ ଏକ ଭିଡିଓ ସେୟାର କରିଛି । ଯେଉଁଥିରେ ଏୟାରପୋର୍ଟରେ ଖେଳାଳିଙ୍କ ସାଧାରଣ ଜ୍ଞାନ ପରୀକ୍ଷା କରାଯାଉଛି । ଖେଳାଳି ପରସ୍ପର ମଧ୍ୟରେ ପ୍ରଶ୍ନ ପଚାରି ଉତ୍ତର ଦେଉଛନ୍ତି । ବିସିସିଆଇ ଏକ୍ସରେ ଏକ ଭିଡିଓ ସେୟାର କରିଛି । ଏଥିରେ ଖେଳାଳିମାନେ ମଜାମସ୍ତି କରୁଛନ୍ତି । ଅଭିଷେକ ବର୍ମା, ତିଳକ ବର୍ମାଙ୍କ ସମେତ ଅନ୍ୟ ଖେଳାଳିଙ୍କ ଜେନେରାଲ ଟେଷ୍ଟ କରାଯାଉଛି । ସାଉଥ ଆଫ୍ରିକା ସହିତ ଜଡିତ ପ୍ରଶ୍ନ ପଚରାଯାଇଛି । ଅର୍ଶଦୀପଙ୍କୁ ମଧ୍ୟ ପ୍ରଶ୍ନ ପଚରାଯାଉଛି । ଭିଡିଓରେ ଅଧିନାୟକ ସୂର୍ଯ୍ୟକୁମାର ଯାଦବ ମଧ୍ୟ ମସ୍ତି କରୁଥିବାର ନଜର ଆସିଛନ୍ତି । ସାଉଥ ଆଫ୍ରିକା ଟୁର ପାଇଁ ବରିଷ୍ଠ ଖେଳାଳିଙ୍କ ସହିତ ଯୁବ ଖେଳାଳିଙ୍କୁ ମଧ୍ୟ ସୁଯୋଗ ମିଳିଛି । ଟିମରେ ଅଭିଷେକ ଶର୍ମା, ତିଳକ ବର୍ମା, ରିଙ୍କୁ ସିଂ, ରମନଦୀପ ସଂ, ଅକ୍ଷର ପଟେଲଙ୍କୁ ସ୍ଥାନ ମିଳିଛି । ସେହିପରି ହାର୍ଦ୍ଦିକ, ଜିତେଶ କୁମାର, ସଂଜୁ ସାମସନଙ୍କୁ ମଧ୍ୟ ସୁଯୋଗ ମିଳିଛି ।