ଭୁବନେଶ୍ୱର– ଋଷ- ୟୁକ୍ରେନ ମଧ୍ୟରେ ଚାଲିଛି ଜୋରଦାର ଲଢେଇ । ଏହାରି ଭିତରେ ଅନେକ ଭାରତୀୟ ଛାତ୍ରଛାତ୍ରୀ ଫସିରହିଛନ୍ତି ।ତତ୍ ମଧ୍ୟରେ ୟୁକ୍ରେନରୁ ଆଉ ୪୮ ଓଡିଆ ଛାତ୍ରଛାତ୍ରୀ ଫେରିଛନ୍ତି । ଗତକାଲି ରାତିରେ ସମସ୍ତେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି । ପରିବାର ବର୍ଗକୁ ଦେଖି ଭାବବିହ୍ୱଳ ହୋଇପଡିଥିଲେ ଛାତ୍ରଛାତ୍ରୀ । କେନ୍ଦ୍ର ଏବଂ ଓଡ଼ିଶା ସରକାରଙ୍କ ସହାୟତାରେ ଯୁଦ୍ଧ ଭୂମିରୁ ଫେରିବା ପରେ ସେଠାକାର ଭୟଙ୍କର ଅନୁଭୂତ ବଖାଣିଥିଲେ ଛାତ୍ରଛାତ୍ରୀ । ଯୁଦ୍ଧ ସମୟରେ ବଙ୍କର ଭିତରେ ରହିବା, ସ୍ୱଳ୍ପ ଖାଦ୍ୟରେ ଦିନ ବିତେଇବା ଏବଂ ପାଦରେ ଚାଲିଚାଲି ଦୀର୍ଘ ରାସ୍ତା ଅତିକ୍ରମ କରି ଭାରତକୁ ଫେରିବା ଏକ ନୂଆ ଜୀବନ ବୋଲି କହିଛନ୍ତି ଛାତ୍ରଛାତ୍ରୀ । ଏହାସହ ଦିଲ୍ଲୀରେ ପହଞ୍ଚିବା ପରେ ରାଜ୍ୟ ସରକାର ଓଡ଼ିଶା ଭବନରେ ରହିବା ଖାଇବା ବ୍ୟବସ୍ଥା କରିବା ସହ ଭୁବନେଶ୍ୱର ପହଞ୍ଚିବା ପର୍ୟ୍ୟନ୍ତ ସମସ୍ତ ଖର୍ଚ୍ଚ ବହନ କରିଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଛାତ୍ରଛାତ୍ରୀ ।
