ଅପରେସନ୍‌ ଗଜରେ ଧରାପଡ଼ିଲା ନିଶା କାରବାର ରାକେଟ୍‌

ପଦ୍ମପୁର: ଅପରେସନ୍‌ ଗଜରେ ଧରାପଡ଼ିଲା ନିଶା କାରବାର ରାକେଟ୍‌ । ଚାଲାଣ ବେଳେ ୮ ନିଶା ମାଫି‌ଆଙ୍କୁ ଧରିଲା ପଦ୍ମପୁର ପୋଲିସ । ୧ ହଜାରରୁ ଅଧିକ ବୋତଲ କୋରେକ୍ସ ଜବତ କଲା ପୋଲିସ । ସେହିପରି ୧୦ ହଜାରରୁ ଅଧିକ ନିଶା ଟାବଲେଟ୍‌ ଓ ଇଞ୍ଜେକସନ୍‌ ମଧ୍ୟ ଜବତ ହୋଇଛି । ଗିରଫ ବ୍ୟକ୍ତିଙ୍କ ନିକଟରୁ ୩ କାର୍‌ ଓ ୨ ବାଇକ୍‌ ଜବତ କରିଛି ପୋଲିସ ।

ତେବେ ‘ଅପରେସନ୍ ଗରୁଡ’ ର ସଫଳତା ପରେ ପୋଲିସ ପକ୍ଷରୁ ଆରମ୍ଭ ହୋଇଛି ଅପରେସନ୍ ଗଜ । ଗଞ୍ଜେଇ ଚୋରାଚାଲାଣର ମୂଳତ୍ପାଟନ ପାଇଁ ‘ଅପରେସନ ଗଜ’ ଆରମ୍ଭ ହୋଇଛି । ଏହି ଅଭିଯାନରେ ବେପାରୀଠାରୁ ଗ୍ରାହକ ପର୍ଯ୍ୟନ୍ତ ସମସ୍ତଙ୍କୁ ଧରିବ ପୋଲିସ । ଅପରାଧ ଏବଂ ଅପରାଧୀଙ୍କ ଉପରେ ରୋକ ଲଗାଇବାକୁ ଏହି ଅଭିଯାନକୁ ଆହୁରି ଜୋରଦାର କରାଯିବ ।