ଉତ୍ତରପ୍ରଦେଶ : ଉତ୍ତରପ୍ରଦେଶର ଲଖମିପୁର ଖିରୀର ଏକ ଡାକ୍ତରଖାନାରେ ଘଟିଛି ଏକ ଅଜବ ଘଟଣା । ଗୋଡ ଅପରେସନ ପାଇଁ ଜଣେ ବ୍ୟକ୍ତି ଡାକ୍ତରଖାନାରେ ଭର୍ତ୍ତି ହୋଇଥିଲେ । କିନ୍ତୁ ଡାକ୍ତର ତାଙ୍କର ପେଟର ଅପରେସନ କରିଦେଇଛନ୍ତି । ଏହି ଘଟଣାଟି ଏବେ ସୋସିଆଲ ମିଡଆରେ ଭାଇରାଲ ହେଉଛି । ଭାଇରାଲ ହେବାପରେ ଏବେ ସିଏମଓ ପକ୍ଷରୁ ଡାକ୍ତରଖାନାଟିକୁ ସିଲ କରିଦିଆଯାଇଛି ।
ହସପିଟାଲ ମ୍ୟାନେଜମେଣ୍ଟ ପକ୍ଷରୁ ଏହାକୁ ମିଥ୍ୟା ଅଭିଯୋଗ ବୋଲି କହାଯାଇଛି ।ହସପିଟାଲ ପକ୍ଷରୁ କୁହାଯାଇଛି ଯେ ବ୍ୟକ୍ତିଙ୍କ ସଠିକ ଅପରେସନ ହୋଇଥିଲା । ଚିକିତ୍ସାପରେ ଅର୍ଥ ମାଗିବା ପରେ ବ୍ୟାଙ୍କରୁ ପଇସା ଉଠାଇ ଦେବେ ବୋଲି କହିଥଲେ ।ଏହାପରେ ହସପିଟାଲ ଭିତରକୁ କିଛିଲୋକ ପଶିଆସି ଗଣ୍ଡଗୋଳ କରିବା ପରେ ଏହି ମିଛ ଖବରକୁ ଭାଇରାଲ କରୁଛନ୍ତି ।
ସିଏମଓ ଡା. ସନ୍ତୋଷ ଗୁପ୍ତା କହିଛନ୍ତି, ସୋସିଆଲ ମିଡିଆରୁ ଏହି ବିଷୟରେ ସୂଚନା ମିଳିଥିଲା । ଯାଞ୍ଚ ପାଇଁ ଅଧିକାରୀମାନେ ସେହି ହସପିଟାଲକୁ ଯାଇଥିଲେ । ଆଉ ଘଟଣା ଜଣାପଡିବା ପରେ ହସପିଟାଲକୁ ସିଲ୍ କରାଯାଇଛି । ଅଧିକ ଯାଞ୍ଚ କରିବା ସହ ନିଷ୍କର୍ସ ମିଳିବା ପରେ ଉଚିତ କାର୍ୟ୍ୟାନୁଷ୍ଠାନ ନିଆଯିବ ।