ଦିଲ୍ଲୀ ପଟିଆଲା ହାଉସ କୋର୍ଟ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତହଉର ରାଣାର ରିମାଣ୍ଡ ଅବଧି ବୃଦ୍ଧି କରିଛନ୍ତି
ନୂଆଦିଲ୍ଲୀ-: ଦିଲ୍ଲୀ ପଟିଆଲା ହାଉସ କୋର୍ଟ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତହଉର ରାଣାର ରିମାଣ୍ଡ ଅବଧି ବୃଦ୍ଧି କରିଛନ୍ତି ଏବଂ ରାଣାର ପରବର୍ତ୍ତୀ କୋର୍ଟ ହାଜର ୯ ଜୁଲାଇରେ ହେବ ବୋଲି ଆଦେଶ ଦେଇଛନ୍ତି । ସୁରକ୍ଷା ଦୃଷ୍ଟିକୋଣରୁ ଶୁକ୍ରବାର ରାଣାକୁ ଭର୍ଚୁଆଲ ମୋଡ ମାଧ୍ୟମରେ କୋର୍ଟରେ ହାଜର କରାଯାଇଥିଲା । ରାଣାଙ୍କ ଓକିଲ ତାଙ୍କ ସ୍ବାସ୍ଥ୍ୟାବସ୍ଥା ନେଇ ଚିନ୍ତା ପ୍ରକାଶ କରିଥିଲେ । ଯୁକ୍ତିକୁ ବିଚାର କରି କୋର୍ଟ ତିହାର ଅଧିକାରୀଙ୍କୁ ଜୁନ ୯ ସୁଦ୍ଧା ଏହି ମାମଲାରେ ଏକ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ, ପାକିସ୍ତାନ ସେନାର ପୂର୍ବତନ ମେଡିକାଲ କର୍ପସ ଅଧିକାରୀ ରାଣାଙ୍କୁ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ବିଚାର ପାଇଁ ସମ୍ପ୍ରତି ଆମେରିକାରୁ ଭାରତକୁ ପ୍ରତ୍ୟର୍ପଣ କରାଯାଇଥିଲା । ୨୬/୧୧ ମୁମ୍ବାଇ ଆକ୍ରମଣରେ ୧୬୬ ଜଣ ଲୋକ ପ୍ରାଣ ହରାଇଥିଲେ ଏବଂ ଶହ ଶହ ଲୋକ ଆହତ ହୋଇଥିଲେ । ୯ ମେରେ କୋର୍ଟ ରାଣାଙ୍କୁ ୬ ଜୁନ ପର୍ଯ୍ୟନ୍ତ ନ୍ୟାୟିକ ହାଜତକୁ ପଠାଇ ଦେଇଥିଲେ । ଶୁକ୍ରବାର ପଟିଆଲା କୋର୍ଟରେ ଶୁଣାଣି ପରେ ରାଣାଙ୍କୁ ୯ ଜୁଲାଇ ପର୍ଯ୍ୟନ୍ତ ନ୍ୟାୟିକ ହାଜତକୁ ପଠାଇ ଦିଆଯାଇଛି ।