ନୂଆଦିଲ୍ଲୀ: ୫ଟି ରାଜ୍ୟର ନିର୍ବାଚନ ଫଳାଫଳ ଆସିବା ସହିତ ବିଭିନ୍ନ ସ୍ଥାନରେ ବିଜେପିର ବଡ଼ ବିଜୟକୁ ନେଇ ଉତ୍ସବର ମାହୋଲ ନଜର ଆସିଛି | ଏଭଳି ପରିସ୍ଥିତିରେ କଂଗ୍ରେସ ସବୁ ସ୍ଥାନରୁ ନିରାଶାର ସମ୍ମୁଖୀନ ହେଉଛି। ତେବେ ଏହି ସମୟରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଟ୍ୱିଟ କରି ଜନସାଧାରଣଙ୍କୁ ଧନ୍ୟବାଦ ଜଣାଇବା ସହ ତାଙ୍କ ଦଳର ପରାଜୟକୁ ଗ୍ରହଣ କରିଛନ୍ତି।
କଂଗ୍ରେସ ନେତା ରାହୁଲ ଗାନ୍ଧୀ ଟ୍ୱିଟ କରି ଲେଖିଛନ୍ତି ଯେ, ଜନସାଧାରଣଙ୍କ ନିଷ୍ପତ୍ତିକୁ ନମ୍ରତାର ସହ ମୁଁ ଗ୍ରହଣ କରୁଛି । ଯେଉଁମାନେ ଜନାଦେଶ ଜିତିଛନ୍ତି ସେମାନଙ୍କୁ ଅଭିନନ୍ଦନ | ମୁଁ କଠିନ ପରିଶ୍ରମ ଏବଂ ନିଷ୍ଠାର ସହ କାର୍ଯ୍ୟ କରିଥିବା ସମସ୍ତ କଂଗ୍ରେସ କର୍ମୀଙ୍କୁ ଧନ୍ୟବାଦ ଜଣାଉଛି | ଆମେ ଏହି ପରାଜୟରୁ ଶିଖିବା ଏବଂ ଭାରତର ଲୋକଙ୍କ ହିତ ପାଇଁ କାର୍ଯ୍ୟ ଜାରି ରଖିବା ବୋଲି ସେ ନିଜ ଟ୍ୱିଟ ଯୋଗେ ଜଣାଇଛନ୍ତି |
Humbly accept the people’s verdict. Best wishes to those who have won the mandate.
My gratitude to all Congress workers and volunteers for their hard work and dedication.
We will learn from this and keep working for the interests of the people of India.
— Rahul Gandhi (@RahulGandhi) March 10, 2022
ସୂଚନାଯୋଗ୍ୟ ଯେ, ଏହି ନିର୍ବାଚନ ସମୟରେ ରାହୁଲ ଗାନ୍ଧୀ ୟୁପିରେ ପ୍ରଚାର ପାଇଁ ଅଧିକ ଦେଖା ଦେଇନଥିଲେ । ତାଙ୍କ ସ୍ଥାନରେ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀ ୟୁପିରେ ପ୍ରଚାର ପରିଚାଳନାକୁ ନିୟନ୍ତ୍ରଣ କରୁଥିଲେ। ଏହା ସତ୍ତ୍ୱେ ଦଳର ପ୍ରଦର୍ଶନରେ କୌଣସି ବିଶେଷ ପାର୍ଥକ୍ୟ ଦେଖାଦେଇ ନଥିଲା | ଯାହା ଫଳରେ ପାଞ୍ଚ ରାଜ୍ୟର ସାଧାରଣ ଜନତା କଂଗ୍ରେସକୁ ଆପଣାଇବା ଏବଂ ଶାସନ ଭାର ଦଳ ଉପରେ ଦେବା ପାଇଁ ଭରସା ଜୁଟାଇ ପାରି ନାହାନ୍ତି | ଯାହା ଫଳରେ କଂଗ୍ରେସ ୫ରାଜ୍ୟରେ ଅତ୍ୟନ୍ତ ନିରାଶ ଜନକ ପ୍ରଦର୍ଶନ କରିବା ସହ ବିଜେପିର ବିଜୟ ଅଭିଯାନକୁ ଆହୁରି ସହଜ ବନାଇ ଦେଇଥିଲା
୫ଟି ରାଜ୍ୟର ନିର୍ବାଚନ ଫଳାଫଳ ଅନୁଯାୟୀ ପଞ୍ଜାବରେ କଂଗ୍ରେସ ଦଳ ୧୧୭ ସିଟରୁ ୧୮ଟି ସିଟ ହାତେଇ ଥିବା ସମୟରେ ଉତ୍ତରାଖଣ୍ଡରେ ଦଳ ମୋଟ ୭୦ ସିଟରୁ ୧୯ଟି ସିଟରେ ନିଜର ଦବଦବା ଜାହିର କରିଛି | ସେହିଭଳି ଗୋଆରେ ୪୦ ସିଟରୁ ୧୧ଟି ସିଟ, ମଣିପୁରରେ ୪ଟି ସିଟ ଏବଂ ଉତ୍ତରପ୍ରଦେଶରେ ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ ସହିତ ମାତ୍ର ୨ଟି ସିଟକୁ ଦାଖଲ କରିପାରିଛି |
5 राज्यों में जीतने वाले सभी राजनीतिक दलों व व्यक्तियों को बहुत शुभकामनाएँ।
प्रजातंत्र में जनता का निर्णय सर्वोपरी है, यही हमारे लोकतंत्र की मज़बूती भी है।
जनता के विवेक, फैसले व निर्णय पर कभी भी सवाल नहीं उठाया जा सकता। ऐसा हमारा मानना है।
हमारा बयान-: pic.twitter.com/b4VhIkqwL6
— Randeep Singh Surjewala (@rssurjewala) March 10, 2022
ଏଥି ସହ ଦଳର ସାଧାରଣ ସମ୍ପାଦକ ରଣଦୀପ ସିଂ ସୁରଜେୱାଲା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଗଣତନ୍ତ୍ରରେ ଲୋକଙ୍କ ନିଷ୍ପତ୍ତି ସବୁଠାରୁ ଗୁରୁତ୍ୱପୂର୍ଣ୍ଣ ଏବଂ ଏହା ମଧ୍ୟ ଆମର ଗଣତନ୍ତ୍ରର ଶକ୍ତି। ପାଞ୍ଚଟି ରାଜ୍ୟର ନିର୍ବାଚନ ଫଳାଫଳ କଂଗ୍ରେସ ଦଳର ଆଶା ବିରୁଦ୍ଧରେ ହୋଇଛି। ଆମେ ଉତ୍ତରାଖଣ୍ଡ, ଗୋଆ ଏବଂ ପଞ୍ଜାବରେ ଭଲ ଫଳାଫଳ ଆଶା କରୁଥିଲୁ କିନ୍ତୁ, ଆମେ ଗ୍ରହଣ କରୁଛୁ ଯେ ଲୋକଙ୍କ ଆଶୀର୍ବାଦ ପାଇବାରେ ଆମେ ବିଫଳ ହୋଇଛୁ |
ସେ ଆହୁରି ମଧ୍ୟ କହିଛନ୍ତି, ‘ପଞ୍ଜାବରେ ଶ୍ରୀ ଚରଣଜିତ୍ ସିଂ ଚନ୍ନି ଜୀଙ୍କ ଭାବରେ ଆମେ ଏକ ନମ୍ର, ସ୍ୱଚ୍ଛ ଏବଂ ଭିତ୍ତିହୀନ ନୂତନ ନେତୃତ୍ୱ ଦେବାକୁ ଚେଷ୍ଟା କରିଥିଲୁ, କିନ୍ତୁ ଅମରିନ୍ଦର ସରକାରଙ୍କ ସାଢ଼େ ଚାରି ବର୍ଷର ଶାସନକୁ ଦୂର କରିପାରିଲୁ ନାହିଁ। ଲୋକମାନେ ପରିବର୍ତ୍ତନ ପାଇଁ ଭୋଟ୍ ଦେଇଥିଲେ। ଆମେ ଲୋକଙ୍କ ଆଦେଶ ଗ୍ରହଣ କରିବା ସହ ପଞ୍ଜାବରେ ବିଜୟ ପାଇଁ ଆମ୍ ଆଦମୀ ପାର୍ଟିକୁ ଅଭିନନ୍ଦନ ଜଣାଉଛୁ।