ବ୍ୟୁରୋ : ଗର୍ଭସ୍ଥ ଶିଶୁ କ୍ଷତିପୂରଣ ପାଇବ । ମା’ର ଗର୍ଭରେ ଥାଇ କ୍ଷତିପୂରଣ ଦାବି କରିପାରିବ । ଏକଥା ଜାଣି ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ । ଏନେଇ ପଞ୍ଜାବ ଓ ହରିୟାଣା ହାଇକୋର୍ଟ ବଡ ନିଷ୍ପତ୍ତି ନେଇଛନ୍ତି । ଗର୍ଭରେ ବଢୁଥିବା ଶିଶୁ ମଧ୍ୟ ଦୁର୍ଘଟଣାର କ୍ଷତିପୂରଣ ପାଇଁ ଦାବି କରିପାରିବ । ସଡକ ଦୁର୍ଘଟଣାରେ ପ୍ରାଣହାନି ହୋଇଥିବା ଜଣେ ବ୍ୟକ୍ତିଙ୍କ ପରିବାରକୁ ନ୍ୟାୟ ପ୍ରଦାନ କରିବା ପାଇଁ ପଞ୍ଜାବ ଏବଂ ହରିୟାଣା ହାଇକୋର୍ଟ ୯ ଲକ୍ଷ ୨୯ ହଜାର ଟଙ୍କାର ଅତିରିକ୍ତ କ୍ଷତିପୂରଣ ନିର୍ଦ୍ଦେଶ ଦେଇଛନ୍ତି । ଏହି ନିଷ୍ପତ୍ତିର ସବୁଠାରୁ ବିଶେଷ କଥା ହେଉଛି ଯେ କୋର୍ଟ ଗର୍ଭରେ ବଢୁଥିବା ପିଲାକୁ ମଧ୍ୟ କ୍ଷତିପୂରଣ ପାଇବାର ଅଧିକାର ଦେଇଛନ୍ତି । କୋର୍ଟ କହିଛନ୍ତି, “ଯଦିଓ ସେହି ସମୟରେ ଶିଶୁଟି ମା’ଗର୍ଭରେ ଥିଲା, ତଥାପି ସେ କ୍ଷତିପୂରଣ ପାଇବାକୁ ହକଦାର ହେବ।”
ଏହି କଥାଟି ଆଚମ୍ବିତ କରିବା ଭଳି ହୋଇଥିଲେ ମଧ୍ୟ ତାହା ବାସ୍ତବ । ଏବଂ ଏହା ଆଇନ ପରିସରରେ ପହଞ୍ôଚଛି । ଏହାକୁ ସ୍ୱୀକୃତି ମିଳିଛି ।
ଏହି ମାମଲାର ରାୟ ରାକେଶ କୁମାର ନାମକ ଜଣେ ବ୍ୟକ୍ତିଙ୍କ ସପକ୍ଷରେ ଯାଇଛି । ଯିଏ ତାଙ୍କ ବାଇକ୍ ରେ ଯାଉଥିବା ବେଳେ ଗୋଟିଏ ଦ୍ରୁତଗାମୀ ଟ୍ରାକ୍ଟର ତାଙ୍କୁ ଧକ୍କା ଦେଇଥିଲା । ଟ୍ରାକ୍ଟର ଧକ୍କା ଦେବା ଯୋଗୁଁ ତାଙ୍କର ଘଟଣାସ୍ଥଳେ ମୃତ୍ୟୁ ହୋଇଥିଲା । ଦୁର୍ଘଟଣା ସମୟରେ ରାକେଶ କୁମାରଙ୍କ ସ୍ତ୍ରୀ ଗର୍ଭବତୀ ଥିଲେ । ପ୍ରାୟ ଦୁଇ ମାସ ପରେ, ନଭେମ୍ବର ୨୦୧୫ରେ ତାଙ୍କର ପୁଅ ଜନ୍ମ ହୋଇଥିଲା ଓ
ରାକେଶ କୁମାରଙ୍କ ପରିବାର ୨୦୧୬ ମସିହାରେ ମୋଟର ଯାନ ଆଇନ ଅନୁଯାୟୀ, କ୍ଷତିପୂରଣ ପାଇବା ପାଇଁ ଏକ ମାମଲା ଦାୟର କରିଥିଲେ ଓ କିନ୍ତୁ ଟ୍ରିବ୍ୟୁନାଲ୍ ସେମାନଙ୍କୁ କମ୍ କ୍ଷତିପୂରଣ ଦେଇଥିଲେ, ଯେଉଁଥିରେ ତାଙ୍କ ପରିବାର ସନ୍ତୁଷ୍ଟ ହୋଇ ନଥିଲେ ଓ ତେଣୁ, ସେ ହାଇକୋର୍ଟରେ ଆବେଦନ କରିଥିଲେ ଓ
ତେବେ ହାଇକୋର୍ଟରେ ଶୁଣାଣି ସମୟରେ, ଜଷ୍ଟିସ୍ ସୁଭିର ସେହଗଲ ବୁଝିଥିଲେ ଯେ ଟ୍ରିବ୍ୟୁନାଲ୍ ଅନେକ ଗୁରୁତ୍ବପୂର୍ଣ ଦିଗକୁ ଅଣଦେଖା କରିଛନ୍ତି । ଯେପରି-ମୃତକଙ୍କ ପରିବାରକୁ ସମ୍ପତି ଅର୍ଥାତ୍ ବାଇକ୍ କ୍ଷତି ଏବଂ ସାଥୀରେ ଥିବା ବ୍ୟକ୍ତିଙ୍କ କ୍ଷତି ପାଇଁ କୌଣସି କ୍ଷତିପୂରଣ ଦିଆଯାଇ ନଥିଲା ଓ ମୃତ ବ୍ୟକ୍ତିଙ୍କ ମାସିକ ଆୟ କେବଳ ୬ ହଜାର ଟଙ୍କା ବୋଲି ବିବେଚନା କରାଯାଉଥିଲା ବେଳେ ପ୍ରକୃତରେ ଏହା ୭,୨୦୦ ଟଙ୍କା ହେବା ଉଚିତ ଥିଲା । ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି, ଗର୍ଭସ୍ଥ ଶିଶୁକୁ କୌଣସି କ୍ଷତିପୂରଣ ଦିଆଯାଇ ନଥିଲା ।
ହେଲେ ସୁପ୍ରିମକୋର୍ଟଙ୍କ ନିଷ୍ପତ୍ତି (Magma General Insurance Co. Ltd. Vs. Nanu Ram, 2018) କୁ ଉଦ୍ଧୃତ କରି କୋର୍ଟ କହିଛନ୍ତି, “କ୍ଷୟକ୍ଷତିର ଅଧିକାର କେବଳ ଜନ୍ମଗ୍ରହଣ କରିଥିବା ଲୋକଙ୍କ ପାଇଁ ସୀମିତ ନୁହେଁ ଓ ଯଦି ଜଣେ ଗର୍ଭସ୍ଥ ଶିଶୁ ତାଙ୍କ ପିତାମାତାଙ୍କ ମୃତ୍ୟୁ ଦ୍ବାରା ପ୍ରଭାବିତ ହୁଏ, ତେବେ ତାଙ୍କୁ ମଧ୍ୟ ଏହି ଅଧିକାର ମିଳିବା ଉଚିତ”।
ହାଇକୋର୍ଟ ଟ୍ରିବ୍ୟୁନାଲର ନିଷ୍ପତ୍ତିକୁ ସଂଶୋଧନ କରି ପୀଡିତାଙ୍କ ପରିବାରକୁ ୯ ଲକ୍ଷ ୨୯ ହଜାର ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି । ଏହା ବ୍ୟତୀତ, ଏହି ରାଶି ଦାବି ତାରିଖରୁ ୭.୫ ପ୍ରତିଶତ ସୁଧ ସହିତ ଦିଆଯିବ । ତେବେ ଏହା ପ୍ରଥମ ଥର ଯେ ଏକ ଗର୍ଭସ୍ଥ ଶିଶୁକୁ ଦୁର୍ଘଟଣା ଦାବି ପାଇଁ ହକଦାର ବୋଲି ବିବେଚନା କରାଯାଇଛି । କାରଣ ଏଭଳି କୌଣସି ଘଟଣା ଜନ୍ମ ହେବାକୁ ଥିବା ପିଲାର ଭବିଷ୍ୟତ ସହ ଜଡ଼ିତ । ଭବିଷ୍ୟତରେ ଏପରି ମାମଲାରେ ପ୍ରଭାବିତ ପରିବାର ଗୁଡ଼ିକୁ ଉଚିତ ନ୍ୟାୟ ମିଳିବାର ସମ୍ଭାବନା ବଢ଼ାଇବ । ଏହା ସହିତ ମୋଟର ଯାନ ଆଇନ ଅନୁଯାୟୀ କ୍ଷତିପୂରଣର ପରିସର ଆହୁରି ବୃଦ୍ଧି ପାଇଛି ଓ
ତଥାପି, ଦୁର୍ଘଟଣା ଦାବି ପାଇଁ ଆବେଦନ କରିବା ସମୟରେ, ଆପଣଙ୍କୁ ଆପଣଙ୍କର ଆଇନଗତ ଅଧିକାର ବିଷୟରେ ସମ୍ପୂର୍ଣ୍ଣ ସଚେତନ ରହିବା ଆବଶ୍ୟକ । ଯଦି ତୁମେ ଟ୍ରିବ୍ୟୁନାଲରୁ ନ୍ୟାୟ ନପାଇବ, ତେବେ ନିଶ୍ଚିତ ଭାବରେ ହାଇକୋର୍ଟର ଦ୍ବାରସ୍ଥ ହୋଇ ପାରିବେ।
