ବ୍ୟୁରୋ : ବଲାଙ୍ଗୀର ଜିଲ୍ଲାର ଜଣାଶୁଣା ସିନେମା ହଲ ହେଲା ସିଲ। ପୋଲିସ ଓ ତହସିଲଦାରଙ୍କ ତନାଘନା ତଦନ୍ତ ପରେ ସିନେମା ହଲକୁ ସିଲ୍ କରାଯାଇଛି। ବେଲପଡା ବ୍ଲକ ସ୍ଥିତ ଲଥାକେନ୍ଦ ଗାଁ ନିକଟରେ ଥିବା ଆଲିସାନ ସିନେମା ହଲ ସିଲ। ଆଜି ହଠାତ ପ୍ରସାଶନ ତରଫରୁ ଉକ୍ତ ହଲରେ ଚଢ଼ାଉ କରାଯାଇଥିଲା । ସେହି ସମୟରେ ଲାଇସେନ୍ସକୁ ନେଇ ତନାଘନା କରିଥିଲା ପ୍ରଶାସନ। ହଲ ଭିତରେ ବେଲପଡା ତହସିଲଦାର, ପୁଲିସ, ଅଗ୍ନିଶମ ବିଭାଗ, ବିଦ୍ୟୁତ ବିଭାଗ ମିଳିତ ଭାବେ ଯାଞ୍ଚ କରିଛନ୍ତି। ତେବେ ସିନେମା ହଲର ଲାଇସେନ୍ସ ଠିକ ଭାବେ ରିନୁଆଲ ଅର୍ଥାତ ନବୀକରଣ ହେଉନଥିବା ଜଣାପଡିଥିଲା। ସେଥିପାଇଁ ଆଲିସାନ ସିନେମା ହଲରେ ତାଲା ପକାଯାଇଛି । ପରେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଏହି ଯାଞ୍ଚ କରାଯାଇଥିବା ସୂଚନା ମିଳିଛି।
