ରାଇରଙ୍ଗପୁର (ସତ୍ୟନାରାୟଣ ପାଲ) :ମୟୁରଭଞ୍ଜ ଜିଲ୍ଲାର ଗୋରୁମହିସାଣି ଥାନା ଅନ୍ତର୍ଗତ ଟୋଲକଏମଇ ସ୍କୁଲ ନିକଟରେ ଏକ ଭୁତନାଥ ନାମକ ଯାତ୍ରୀବାହୀ ବସ ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି। ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସଟି। ଅଳ୍ପକେ ବର୍ତିଲେ କୋଡିଏ ରୁ ଅଧିକ ଯାତ୍ରୀ।ସୂଚନା ଅନୁଯାୟୀ, ଭୁତନାଥ ଯାତ୍ରୀବାହୀ ବସଟି ମୟୁରଭଞ୍ଜ ଜିଲ୍ଲାର ଜାମଦା ରୁ ଗୋରୁମହିସାଣି ଯାଉଥିବା ସମୟରେ ଗୋରୁମହିସାଣି ଥାନା ଅନ୍ତର୍ଗତ ଟୋଲକଏମଇ ସ୍କୁଲ ନିକଟରେ ବସଟିର ଯାନ୍ତ୍ରିକ ତୁଟି ପାଇଁ ଡ୍ରାଇଭର ନିୟନ୍ତ୍ରଣ ହରାଇଥିଲା ବୋଲି ସୂଚନା ମିଳିଛି। ଯାହାଫଳରେ ବସ ରାସ୍ତା କଡକୁ ଓଲଟି ପଡ଼ିଥିଲା।ଘଟଣା ସ୍ଥଳରେ ଉପସ୍ଥିତ ଥିବା ସ୍ଥାନୀୟ ଲୋକେ ଦୁର୍ଘଟଣା ଗ୍ରସ୍ତ ଯାତ୍ରୀବାହୀ ବସ ରୁ ଯାତ୍ରୀମାନଙ୍କୁ ଉଦ୍ଧାର କରିଥିଲେ।ତେବେ ଏହି ଦୁର୍ଘଟଣାରେ ଦଶ ଜଣ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ ଦୁଇ ଜଣ ଯାତ୍ରୀ ଗୁରୁତର ହୋଇଥିବା ଜଣାପଡିଛି।ଦୁଇ ଜଣ ଗୁରୁତର ଯାତ୍ରୀଙ୍କୁ ରାଇରଙ୍ଗପୁର ଡାକ୍ତରଖାନାକୁ ପଠାଯାଇଥିବା ସୂଚନା ମିଳିଛି।ଘଟଣା ସ୍ଥଳରେ ଗୋରୁମହିସାଣି ପୋଲିସ ତଦନ୍ତ ଜାରି ରଖିଛି।