ପୁରୀ: ୧୬ ଦିନ ବଞ୍ଚିବା ପରେ ପୁଣି ଆଖି ବୁଜିଲେ ପୋଲସରାର ପି. ଲକ୍ଷ୍ମୀ । ପୁରୀ ମେଡିକାଲରେ ଶେଷ ନିଶ୍ୱାସ ତ୍ୟାଗ କଲେ ୮୬ ବର୍ଷୀୟା ପି. ଲକ୍ଷ୍ମୀ । ଗତ ସେପ୍ଟେମ୍ବର ୧୫ ତାରିଖରେ ସ୍ୱର୍ଗଦ୍ୱାର ଆସି ଜୀବନ ଫେରି ପାଇଥିଲେ । ସ୍ୱର୍ଗଦ୍ୱାରରେ ଏମିତି ଘଟଣା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ସେହିଦିନଠାରୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ରହିଥିଲେ ପି. ଲକ୍ଷ୍ମୀ ।
ପୋଲସରା ଥାନା ଅଧୀନସ୍ଥ ଗ୍ରାମରେ ରହୁଥିବା ପି. ଲକ୍ଷ୍ମୀ ଗତ ୧୫ ସେପ୍ଟେମ୍ବରରେ ସେ ହଠାତ ଅଚେତ ହୋଇ ପୋଲସରା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ। ସେଠାରୁ ପୁରୀ ମେଡିକାଲରେ ସ୍ଥାନାନ୍ତର ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କିନ୍ତୁ ଶ୍ମଶାନରେ ହିଁ ହଠାତ୍ ତାଙ୍କ ଜୀବନ ଫେରି ଆସିଥିଲା। ଏହି ଅସାଧାରଣ ଘଟଣା ଦେଖି କେବଳ ତାଙ୍କ ପରିବାରଜନ ନୁହେଁ ପୂରା ପୁରୀ ତାଜୁବ ହୋଇଯାଇଥିଲା। ସେହି ଦିନରୁ ଲକ୍ଷ୍ମୀଙ୍କୁ ଆଇସିୟୁରେ ରଖାଯାଇଥିଲା। କିନ୍ତୁ ୧୬ ଦିନ ଧରି ସେ ଚିକିତ୍ସାଧୀନ ରହିବା ପରେ ବୁଦବାର ତାଙ୍କର ଦେହାନ୍ତ ହୋଇଛି।