ଲୋକସଭା ବାଚସ୍ପତି ଓମ୍ ବିର୍ଲା, ଭାରତବର୍ଷ ର ପାର୍ଲିଆମେଣ୍ଟ ରେ ଠାକୁରଙ୍କ ରଥଚକ ରହିବାକୁ ସହମତି ଦେଇଥିବା ରୁ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି ଶ୍ରୀଜଗନ୍ନାଥ ଧର୍ମ ସଂସ୍କୃତି ସୁରକ୍ଷା ସଂଗଠନ ଓଡ଼ିଶା ର ରାଜ୍ୟ ସଭାପତି ବଦ୍ରି ମିଶ୍ର। ପୁରୀ ଗସ୍ତରେ ସିକିମ୍ ମୁଖ୍ୟମନ୍ତ୍ରୀ ପ୍ରେମ୍ ସିଂ ତମାଙ୍ଗ ଆସି ଶ୍ରୀମନ୍ଦିର ଭିତର ବେଢାରେ ଫୋଟୋ ଉତୋଳନ କରିଛନ୍ତି। ଉକ୍ତ ଫୋଟୋ ଟି ସେ ତାଙ୍କ ସୋସିଆଲ ମିଡ଼ିଆ ଫେସବୁକ ଆକାଉଣ୍ଟ ରେ ପୋଷ୍ଟ କରିଛନ୍ତି। ସେ ଉକ୍ତ ପୋଷ୍ଟ ରେ ଲେଖିଛନ୍ତି ଯେ, ପୁରୀର ପବିତ୍ର ଜଗନ୍ନାଥ ମନ୍ଦିର ପରିଦର୍ଶନ କରି ମୁଁ ପ୍ରକୃତରେ ଧନ୍ୟ ଅନୁଭବ କଲି, ଯାହା ଶାନ୍ତି ଭକ୍ତି ଏବଂ ଆଧ୍ୟାତ୍ମିକ ଶକ୍ତିର ବିକିରଣ କରୁଥିବା ଏକ ଦିବ୍ୟ ଆବାସ। ଏହି ଅଭିଜ୍ଞତା ବିନମ୍ର ଏବଂ ଉତ୍ସାହଜନକ ଥିଲା, ଯାହା ମୋ ହୃଦୟକୁ ଅପାର କୃତଜ୍ଞତା ଏବଂ ଶ୍ରଦ୍ଧାରେ ପୂର୍ଣ୍ଣ କରିଥିଲା।
ଏହି ପବିତ୍ର ଅବସରରେ, ମୁଁ ସିକ୍କିମବାସୀଙ୍କ ପକ୍ଷରୁ ପ୍ରାର୍ଥନା କରିଥିଲି ଏବଂ ଆମର ପ୍ରିୟ ରାଜ୍ୟରେ ଚିରସ୍ଥାୟୀ ଶାନ୍ତି, ସମୃଦ୍ଧି ଏବଂ ମଙ୍ଗଳ ପାଇଁ ପ୍ରଭୁ ଜଗନ୍ନାଥଙ୍କ ଦିବ୍ୟ ଆଶୀର୍ବାଦ କାମନା କରିଥିଲି। ତେବେ ଉକ୍ତ ଫୋଟୋ ଶ୍ରୀମନ୍ଦିର ଭିତର ବେଢାରେ ଥିବା ପାର୍ଶ୍ଵ ଦେବଦେବୀ ଙ୍କ ମନ୍ଦିର ବୁଲୁଥିବା ବେଳର ଫୋଟୋ ବୋଲି ଜଣାପଡୁଛି। ତେବେ ସିକିମ୍ ମୁଖ୍ୟମନ୍ତ୍ରୀଙ୍କ ଦର୍ଶନ ସମୟରେ ପୁରୀ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା, ଏସପି ପ୍ରତୀକ ସିଂଙ୍କ ସହିତ ଅନ୍ୟାନ୍ୟ ବରିଷ୍ଠ ଅଧିକାରୀ ପ୍ରମୁଖ ଉପସ୍ଥିତ ଥିଲେ କିନ୍ତୁ ବରିଷ୍ଠ ପ୍ରଶାସନିକ ଅଧିକାରୀ ମାନେ ଉପସ୍ଥିତ ଥିବା ସମୟରେ କିଭଳି ଶ୍ରୀ ମନ୍ଦିର ଭିତର ବେଢାରେ ଫୋଟୋ ଉତୋଳନ ହେଲା ତାହା ଭକ୍ତଙ୍କ ମହଲରେ ଚର୍ଚ୍ଚା ର ବିଷୟ ପାଲଟିଛି।
