ନାବାଳିକାଙ୍କୁ ଅପହରଣ, ସୂଚନା ଦେଲେ ମିଳିବ ଲକ୍ଷେ ଟଙ୍କା । ଜାରି ହେଲା ୩ ଅପହରଣକାରୀଙ୍କ ଫଟୋ । ନାବାଳିକାକୁ ଠାବ ଲାଗି ଜନସାଧାରଣଙ୍କ ସହାୟତା ଲୋଡୁଛି କମିସନରେଟ ପୁଲିସ। ଅପହୃତା ନାବାଳିକା ସମେତ ୩ ଅପହରଣକାରୀଙ୍କ ବିଷୟରେ ତଥ୍ୟ ପ୍ରଦାନ କଲେ ୧ ଲକ୍ଷ ଟଙ୍କା ପୁରସ୍କାର ଦେବ କମିସନରେଟ ପୁଲିସ। ନୟାଗଡ଼ ଅଞ୍ଚଳର ଶ୍ରୀଧର ବେହେରା ତାଙ୍କ ପରିବାର ସହ ଚନ୍ଦ୍ରଶେଖରପୁର ଅଞ୍ଚଳରେ ରହୁଥିଲେ। ୨୦୨୪ ମସିହାରେ ତାଙ୍କ ନାବାଳିକା ଝିଅକୁ ୩ ଜଣ ଅପହରଣ କରି ନେଇଛନ୍ତି। ସେବେ ଠାରୁ ନାବାଳିକାଙ୍କ କୌଣସି ସନ୍ଧାନ ମିଳୁନି। ଏଥିରେ ଜମ୍ବୁ ଦଳାଇ ଓ ତାଙ୍କ ପତ୍ନୀ ମିନା ଦଳାଇ ଓ ପୁଅ ରଞ୍ଜିତ ଦଳାଇଙ୍କ ସମ୍ପୃକ୍ତି ରହିଥିବା ତଦନ୍ତରୁ ଜଣାପଡ଼ିଛି। ରଞ୍ଜିତ ସମ୍ପୃକ୍ତ ନାବାଳିକାକୁ ପ୍ରେମଜାଲରେ ଫସାଇ ଫେରାର୍ ହୋଇଯାଇଥିବା ତଦନ୍ତରୁ ଜଣାପଡ଼ିଛି । ଏଥିସହ ସୂଚନାଦାତାଙ୍କ ପରିଚୟ ସମ୍ପୂର୍ଣ୍ଣ ଗୋପନୀୟ ରଖାଯିବ । ସୂଚନା ଦେବା ଲାଗି ସହାୟତା ନମ୍ବର ୯୩୪୮୬୬୨୮୯୦କିମ୍ବା ୮୨୪୯୦୧୩୦୬୧ କଲ୍ କରି କିମ୍ବା ହ୍ୱାଟ୍ସଆପ୍ ମାଧ୍ୟମରେ ସୂଚନା ଦେବାକୁ ପୁଲିସ ନିବେଦନ କରିଛି ।
