ରିପୋଟର୍ସ ଟୁଡେ ବ୍ୟୁରୋ;- ସ୍କିନ୍ କ୍ୟାନ୍ସରରେ ପୀଡିତ ଅଷ୍ଟ୍ରେଲିଆ ଟିମର ପୂର୍ବତନ ଅଧିନାୟକ ମାଇକେଲ କ୍ଲାର୍କ । ୪୪ ବର୍ଷୀୟ କ୍ଳାର୍କ ସୋସିଆଲ ମିଡିଆରେ ନିଜର ସ୍ୱାସ୍ଥ୍ୟଗତ ସମସ୍ୟା ବିଷୟରେ ସୂଚନା ଦେଇଛନ୍ତି । ଏହାଛଡା ସେ ଲୋକଙ୍କୁ ନିୟମିତ ଭାବରେ ସ୍ୱାସ୍ଥ୍ୟ ପରୀକ୍ଷା ପାଇଁ ଅପିଲ ମଧ୍ୟ କରିଛନ୍ତି ।
କ୍ଳାର୍କ ନିଜର ଇନଷ୍ଟାଗ୍ରାମ ଆକାଉଣ୍ଟରେ ଲେଖିଛନ୍ତି ଯେ, ସ୍କିନ କ୍ୟାନସର ସତ । ବିଶେଷ କରି ଅଷ୍ଟ୍ରେଲିଆରେ । ଆଜି ମୋର ନାକରୁ ଆଉ ଏକ କ୍ୟାନ୍ସର ବାହାରିଛି । ଏହା ଏକ ଫ୍ରେଣ୍ଡଲି ରିମାଇଣ୍ଡର । ଆପଣ ନିଜର ତ୍ୱଚାର ଯାଞ୍ଚ କରିଥାନ୍ତୁ । ଚିକିତ୍ସାରୁ ଭଲ ହେଉଛି ।
ତେବେ ତା ପୂର୍ବରୁ ସଚେତନ ହେବା ଉଚିତ । ପ୍ରଥମଥର ୨୦୦୬ ରେ ତାଙ୍କୁ ସ୍କିନ କ୍ୟାନ୍ସର ହୋଇଥିଲା । ଏହାପରେ ୨୦୧୯ରେ ତିନି ନନ୍-ମେଲୋନୋମା ଲିଜନର ଚିହ୍ୱଟ ହୋଇଥିଲା । ସେତେବେଳେ କ୍ଲାର୍କ ଲୋକଙ୍କୁ ଅପିଲ କରିଥିଲେ ଖରାଠାରୁ ଦୂରେଇ ରୁହନ୍ତୁ ଏବଂ ଅଧିକ ସାବଧାନତା ଗ୍ରହଣ କରନ୍ତୁ ।
ଏହା ତ୍ୱଚାର ନିୟମିତ ଯାଞ୍ଚ କରିବାର ମଧ୍ୟ ଅପିଲ କରିଥିଲେ । ସ୍କିନ କ୍ୟାନ୍ସର ହେଉଛି ଅସଧାରଣ ଭାବରେ ବଢୁଥିବା ତ୍ୱଚାର କୋଷିକା ଅନିୟନ୍ତ୍ରିତ ଭାବରେ ବୃଦ୍ଧି ହେବ । ଏହାର ମୁଖ୍ୟ କାରଣ ହେଉଛି ସୂର୍ଯ୍ୟଙ୍କ ଅଲଟ୍ରା ଭାଉଲେଟ୍ କିଣିବେ । ସୂଚନାଯୋଗ୍ୟ, କ୍ଲାର୍କ ୨୦୦୩ ରୁ ୨୦୧୫ ପର୍ୟ୍ୟନ୍ତ ଅଷ୍ଟ୍ରେଲିଆ ପାଇଁ ୧୧୫ ଟେଷ୍ଟ (୮୬୪୩ ରନ୍), ୨୪୫ ଦିନିକିଆ (୭୯୮୧ ରନ୍) ଓ ୩୪ ଟି-୨୦ ଅନ୍ତର୍ଜାତୀୟ ମ୍ୟାଚ୍ (୪୮୮ ରନ୍) କରିଛନ୍ତି । ସେ ଟେଷ୍ଟ, ଦିନିକିଆ ଓ ଟି-୨୦ ତିନୋଟି ଫର୍ମାଟରେ ଅଷ୍ଟ୍ରେଲିଆର କ୍ୟାପଟେନ୍ ଥିଲେ ।