ଶିକ୍ଷକମାନଙ୍କୁ ଶ୍ରେଣୀଗୃହ ପରିଚାଳନାରେ ସହାୟତା କରିବା ଏବଂ ଛୋଟ ପିଲାମାନଙ୍କର ବିଭିନ୍ନ ଆବଶ୍ୟକତାକୁ ସମର୍ଥନ କରିବା ପାଇଁ ନିଯୁକ୍ତି ହେବେ ଶିଶୁ ସେବିକା । ପିଲାମାନଙ୍କୁ ସ୍ୱାଗତ କରିବା, ପରିଷ୍କାର ପରିଚ୍ଛନ୍ନତା ପାଳନ କରିବା ଏବଂ ଦୈନନ୍ଦିନ ସ୍କୁଲ କାର୍ୟ୍ୟକଳାପ ମଧ୍ୟରେ ସୁଗମ ପରିବର୍ତ୍ତନରେ ସାହାଯ୍ୟ କରିବା ପାଇଁ ଶିକ୍ଷକମାନଙ୍କୁ ସାହାଯ୍ୟ କରିବେ । ବିରକ୍ତ ପିଲାମାନଙ୍କୁ ଧୀରେ ଧୀରେ କଥା କହି କିମ୍ବା ନୀରବରେ ସେମାନଙ୍କ ସହିତ ରହି ଶାନ୍ତ କରିବେ । ଆବଶ୍ୟକ ହେଲେ ପିଲାକୁ ପୁସ୍ତକ, ଖେଳଣା ଏବଂ ଚାର୍ଟ ଭଳି ସାମଗ୍ରୀ ଦେବେ । ପିଲାକୁ ବାହାରକୁ ଯିବାକୁ, ଶୌଚାଳୟକୁ ଯିବାକୁ କିମ୍ବା ଟିକିଏ ବିରତି ନେବାକୁ ପଡ଼ିଲେ ତାଙ୍କ ସହିତ ଚଲା ବୁଲା କରିବେ । ଯଦି ପିଲାଟି ବିରକ୍ତ, ଅସୁସ୍ଥ କିମ୍ବା ଭିନ୍ନ ଆଚରଣ କରୁଛି, ତେବେ ଶିକ୍ଷକଙ୍କୁ ଜଣାଇବେ । ସୁସ୍ଥ ଏବଂ ଶିଶୁ-ଅନୁକୂଳ ଶ୍ରେଣୀଗୃହ ସେଟଅପ୍ କୁ ପ୍ରୋତ୍ସାହିତ କରିବା ପାଇଁ ଶ୍ରେଣୀଗୃହ ଏବଂ ଶିକ୍ଷଣ ସାମଗ୍ରୀର ପରିଷ୍କାର ପରିଚ୍ଛନ୍ନତା ରଖିବେ । ଦୁଇ ସଂଖ୍ୟାରୁ ଅଧିକ ଶିଶୁ ସେବିକାଙ୍କୁ ନିୟୋଜିତ କରିବା ପାଇଁ ସ୍କୁଲ ପରିଚାଳନା କମିଟି (SMC) ସମ୍ପୃକ୍ତ ଜିଲ୍ଲା ଶିକ୍ଷା ଅଧିକାରୀଙ୍କ ମାଧ୍ୟମରେ ଜିଲ୍ଲା କଲେକ୍ଟରଙ୍କ ନିର୍ଦ୍ଦିଷ୍ଟ ଅନୁମୋଦନ ନେବେ । ଶିଶୁ ସେବିକାଙ୍କ ନିଯୁକ୍ତି ସ୍କୁଲ ସ୍ତରରେ ସ୍କୁଲ ପରିଚାଳନା କମିଟି (SMC) ଦ୍ୱାରା କରାଯିବ । SMC ବୈଠକରେ ଅତି କମରେ ୨/୩ ସଦସ୍ୟଙ୍କ ଉପସ୍ଥିତିରେ ସମ୍ପୃକ୍ତ ବ୍ଲକ ଶିକ୍ଷା ଅଧିକାରୀ (BEO) କିମ୍ବା ତାଙ୍କ ପ୍ରତିନିଧିଙ୍କୁ ନେଇ ଏକ ପ୍ରସ୍ତାବ ପାସ୍ କରିବାକୁ ପଡିବ । ଶିଶୁ ସେବିକା ପାଇଁ ମହିଳା ଙ୍କ ବୟସ ୧୮ ବର୍ଷରୁ ଅଧିକ ଏବଂ ୪୫ ବର୍ଷରୁ କମ୍ ହୋଇଥିବ । ସ୍କୁଲ ଅବସ୍ଥିତ ଥିବା ବାସସ୍ଥାନ / ୱାର୍ଡର ବାସିନ୍ଦା ହୋଇଥିବା ଆବଶ୍ୟକ । ଯେହେତୁ ଶିଶୁ ସେବିକାଙ୍କୁ ଛୋଟ ପିଲାମାନଙ୍କ ସହିତ ବ୍ୟବହାର କରିବାକୁ ପଡ଼େ, ତେଣୁ ତାଙ୍କୁ ଓଡ଼ିଆ, ସ୍ଥାନୀୟ ଏବଂ ଆଞ୍ଚଳିକ ଭାଷା କହିବା ବାଧ୍ୟତାମୂଳକ । ନିଯୁକ୍ତି ପାଇଁ ପ୍ରାଥମିକତା ହେଉଛି ଅନୁସୂଚିତ ଜନଜାତି ସମ୍ପ୍ରଦାୟର ନିଃସହାୟ ମହିଳା ବା ଅନ୍ୟ ସମ୍ପ୍ରଦାୟର ନିଃସହାୟ ମହିଳା ଜ୍ଝଗରିବ ଅବିବାହିତ ମହିଳା,ଗରିବ ଛାଡପତ୍ରପ୍ରାପ୍ତ କିମ୍ବା ପରିତ୍ୟକ୍ତ ମହିଳା ହୋଇଥିଲେ ମିଳିବ ପ୍ରାଥମିକତା ।୬୦ ବର୍ଷ ବୟସରେ ପହଞ୍ଚିଥିଲେ ଶିଶୁ ସେବିକା ରହିବ ନାହିଁ । ଦୀର୍ଘକାଳୀନ ସଂକ୍ରାମକ ରୋଗରେ ପୀଡିତ କିମ୍ବା ଅଚଳ ହୋଇଯାଉଥିବା ବ୍ୟକ୍ତି ଶିଶୁ ସେବିକା ଭାବରେ କାର୍ୟ୍ୟ ଜାରି ରଖିବେ ନାହିଁ । ଏସଏମସି ସଭାପତି/ସଦସ୍ୟ/ସ୍ଥାନୀୟ ସାଂସଦ/ବିଧାୟକ, ଜିଲ୍ଲା ପରିଷଦ ସଦସ୍ୟ/ସମିତି ସଦସ୍ୟ/ସରପଞ୍ଚଙ୍କ ପରିବାରର ସଦସ୍ୟ କିମ୍ବା ନିକଟ ସମ୍ପର୍କୀୟ ଶିଶୁ ସେବିକା ଭାବରେ ନିଯୁକ୍ତି ପାଇଁ ଅଯୋଗ୍ୟ ହେବେ । ଜଣେ ସରକାରୀ କର୍ମଚାରୀଙ୍କ ପରିବାରର ସଦସ୍ୟ କିମ୍ବା ନିକଟ ସମ୍ପର୍କୀୟଙ୍କୁ ଶିଶୁ ସେବିକା ଭାବରେ ନିଯୁକ୍ତି ପାଇଁ ଅଯୋଗ୍ୟ କରାଯିବ । ସେବିକାମାନଙ୍କୁ ସରକାରଙ୍କ ଦ୍ୱାରା ଉପଲବ୍ଧ ଅନୁଦାନରୁ ପ୍ରତି ମାସରେ ଝଗଉ ଦ୍ୱାରା ସ୍କୁଲ କାର୍ୟ୍ୟ ଦିବସରେ ଓଡ଼ିଶା ସରକାର ଦ୍ୱାରା ସମୟ ସମୟରେ ସ୍ଥିର କରାଯାଇଥିବା ହାର ୩୦୦୦ ଟଙ୍କା କିମ୍ବା ସମ୍ମାନ ପ୍ରଦାନ କରାଯିବ ।
