କେନ୍ଦ୍ରାପଡ଼ା: ପୋଡ଼ିଯିବା କାରଣରୁ ପଟ୍ଟାମୁଣ୍ଡାଇ ଛାତ୍ରୀଙ୍କ ମୃତ୍ୟୁ । ପ୍ରେସ୍ କନଫରେନ୍ସରେ ଏନେଇ ସୂଚନା ଦେଇଛନ୍ତି କେନ୍ଦ୍ରାପଡ଼ା ଏସ୍ପି । ପୋଷ୍ଟମର୍ଟମ ରିପୋର୍ଟରୁ ଏହା ସ୍ପଷ୍ଟ ହୋଇଛି ବୋଲି କହିଛନ୍ତି ଏସ୍ପି । ଘଟଣାଦିନ ସାଢ଼େ ୮ ପର୍ଯ୍ୟନ୍ତ ଫୋନ୍ରେ କଥା ହୋଇଥିଲେ ମୃତକ । ସାଢ଼େ ୮ରୁ ୧୧ଟା ଭିତରେ ପୋଡ଼ି ହୋଇ ମୃତ୍ୟୁବରଣ କରିଥିଲେ ଛାତ୍ରୀ । ଛାତ୍ରୀ ଜଣକ ଆତ୍ମହତ୍ୟା କରିବା ସମୟରେ ବାପା ଘରେ ନଥିଲେ। ସକାଳ ୮ଟା ୩୦ରୁ ୧୧ଟା ମଧ୍ୟରେ ଛାତ୍ରୀଜଣଙ୍କ ଆତ୍ମହତ୍ୟା କରିଛନ୍ତି । ସକାଳ ୭ଟା ୩୦ରେ ଛାତ୍ରୀଙ୍କ ବାପା ଘରୁ ବାହାରକୁ ଯାଇଥିଲେ, ଦିନ ୧୧ଟା ୩୦ ରେ ଘରକୁ ଫେରିଥିଲେ ଅନର କିଲିଂ ବୋଲି କୌଣସି ପ୍ରମାଣ ମିଳି ନାହିଁ । ବର୍ତ୍ତମାନ ସୁଦ୍ଧା କେବଳ ଜଣେ ଅଭିଯୁକ୍ତ ତଦନ୍ତ ତାଲିକାରେ ଅଛନ୍ତି । ସେ ହେଉଛନ୍ତି ପୁରୁଷ ବନ୍ଧୁ ପ୍ରମୋଦ ବେହେରା ବୋଲି କହିଛନ୍ତି ଏସ୍ପି ସିଦ୍ଧାର୍ଥ କଟାରିଆ । ଚଳିତ ଅଗଷ୍ଟ ୬ ତାରିଖ ବୁଧବାର ପୂର୍ବାହ୍ନରେ ପଟ୍ଟାମୁଣ୍ଡାଇ ଅଞ୍ଚଳର ଜଣେ କଲେଜ ପଢୁଆ ଛାତ୍ରୀ ନିଆଁରେ ପୋଡ଼ି ହୋଇ ମୃତ୍ୟୁବରଣ କରିଥିବା ଖବର ଲୋକ ଲୋଚନକୁ ଆସିଥିଲା । ରାଜ୍ୟରେ ବାଲେଶ୍ୱର, ପୁରୀର ବଳଙ୍ଗା ପରେ ଏହା ତୃତୀୟ ଘଟଣା ହୋଇଥିବା କାରଣରୁ ପୋଲିସ ମହା ନିର୍ଦ୍ଦେଶକ ଏହି ଘଟଣାର ତଦନ୍ତ ଭାର ନିଜେ ଏସପି କରିବା ପାଇଁ ନିର୍ଦ୍ଦେଶ ଦେବା ପରେ କେନ୍ଦ୍ରାପଡା ଏସପି ସିଦ୍ଧାର୍ଥ କଟାରିଆ ମୃତକଙ୍କ ଘରେ ଅପରାହ୍ନରେ ପହଞ୍ଚି ସାଇଣ୍ଟିଫିକ ଟିମ ସାହାଯ୍ୟରେ ତଦନ୍ତ ଆରମ୍ଭ କରିଥିଲେ ।
