ପଟ୍ଟାମୁଣ୍ଡାଇ: ଗିରଫ ହେଲେ ପୁରୁଷ ବନ୍ଧୁ ପ୍ରମୋଦ ବେହେରା । ପଟ୍ଟାମୁଣ୍ଡାଇ ଯୁବତୀ ମୃତ୍ୟୁ ଘଟଣାରେ ପୁରୁଷ ବନ୍ଧୁ ପ୍ରମୋଦ ବେହେରାଙ୍କୁ ଗିରଫ କଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ପୋଲିସ୍ । ପୁରୁଷ ବନ୍ଧୁ ପ୍ରମୋଦ ବେହେରା ଗିରଫ ନେଇ କେନ୍ଦ୍ରାପଡ଼ା ଏସ୍ପିଙ୍କ ସୂଚନା । ମୃତ ଯୁବତୀଙ୍କ ଅଶ୍ଳୀଳ ଫଟୋ ପ୍ରମୋଦଙ୍କ ମୋବାଇଲରୁ ମିଳିଛି ବୋଲି ସୂଚନା ଦେଇଛନ୍ତି କେନ୍ଦ୍ରାପଡା ଏସ୍ପି । ଘଟଣାର କିଛି ସମୟ ପୂର୍ବରୁ ଯୁବତୀଙ୍କ ସହ କଥା ହୋଇଥିଲେ ପ୍ରମୋଦ । ଜୁଲାଇ ୧୭ରେ ଅଶ୍ଳୀଳ ଭିଡିଓ ଯୁବତୀଙ୍କ ବାପାଙ୍କ ପାଖକୁ ପଠାଇଥିଲେ । ଆଉ ୨ ଜଣଙ୍କ ମୋବାଇଲକୁ ମଧ୍ୟ ଭାଇରାଲ୍ ଉଦ୍ଦେଶ୍ୟରେ ପଠାଇଥିଲେ । କାଠିଆପଡ଼ାରେ ଲାଗିଥିବା ସିସିଟିଭିରୁ ଆଉ କିଛି ତଥ୍ୟ ହସ୍ତଗତ ହୋଇଛି । ମୃତ ଯୁବତୀଙ୍କ ବାପା ଘରୁ ଯିବା ଓ ଫେରିବାର ଦୃଶ୍ୟ ହସ୍ତଗତ ହୋଇଛି । ସେହିଦିନ ୧୧ଟା ୪୦ ବେଳେ ଗାଁ ଲୋକଙ୍କ ଧାଁ ଦୌଡ଼ ମଧ୍ୟ ସାମ୍ନାକୁ ଆସିଛି ବୋଲି କହିଛନ୍ତି କେନ୍ଦ୍ରାପଡା ଏସ୍ପି । ଅନ୍ୟପଟେ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଆଗରେ ଶତାଧିକ ଲୋକ ଧାରଣା ଦେଇଛନ୍ତି । କାଠିଆପଡ଼ା ପୀଡ଼ିତାଙ୍କ ପୁରୁଷ ବନ୍ଧୁ ପରିବାର ଲୋକ ଧାରଣା ଦେଇଛନ୍ତି । ପୁରୁଷ ବନ୍ଧୁ ପରିବାର ସହ ଶତାଧିକ ଲୋକେ ମଧ୍ୟ ଧାରଣା ଦେଇଛନ୍ତି । ସେପଟେ ଅଭିଯୁକ୍ତ ପ୍ରମୋଦ ବେହେରାଙ୍କ ବାପାଙ୍କ ଆତ୍ମାହୁତି ଧମକ । ପ୍ରତିଷେଧକ ବ୍ୟବସ୍ଥା ପାଇଁ ଅଗ୍ନିଶମ ବାହିନୀ ଗାଡ଼ି ମଧ୍ୟ ଥାନା ସମ୍ମୁଖରେ ପହଞ୍ଚିଛି । କିଛି ଅଘଟଣ ଏଡ଼ାଇବାକୁ ପୋଲିସ ଓ ଅଗ୍ନିଶମ ବାହିନୀ ସଜାଗ ରହିଥିବା ନେଇ ସୂଚନା ମିଳିଛି । ତେବେ ପୋଲିସ ପ୍ରମୋଦଙ୍କ ମୋବାଇଲରୁ ପାଖାପାଖି ୫୦ଟି ଅଶ୍ଳୀଳ ଭିଡିଓ ପାଇଛି । ପ୍ରମୋଦକୁ ପ୍ରଥମେ ଚେନ୍ନାଇରୁ ଅଟକ ରଖାଯାଇଥିଲା । ପରେ ଜେରା ପାଇଁ କେନ୍ଦ୍ରାପଡ଼ା ଅଣାଯାଇଥିଲା । ପ୍ରମୋଦଙ୍କ ବିରୁଦ୍ଧରେ ଭାରତୀୟ ନ୍ୟାୟ ସଂହିତା (ବିଏନଏସ)ର ଧାରା ୨୯୬ (ଅଶ୍ଳୀଳ କାର୍ଯ୍ୟ), ୭୫ (ଯୌନ ନିର୍ଯାତନା), ୭୮ (ପିଛା କରିବା) ଓ ୧୦୮ (ଆତ୍ମହତ୍ୟା ପାଇଁ ପ୍ରରୋଚନା) ଏବଂ ଆଇଟି ଆଇନର ଧାରା ୬୬-ଇ ଓ ୬୭-ଏ ଅନ୍ତର୍ଗତ ମାମଲା ରୁଜୁ ହୋଇଛି।