ପଟ୍ଟାମୁଣ୍ଡାଇ: ପଟ୍ଟାମୁଣ୍ଡାଇରେ ଘର ଭିତରେ ଯୁବତୀ ଜିଅନ୍ତା ଜଳିଯିବା ଘଟଣା । ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ASI ଶୈଳେନ୍ଦ୍ର ନାରାୟଣ ପଲେଇଙ୍କୁ ବଦଳି । ASIଙ୍କୁ ଜିଲ୍ଲା ପୋଲିସ ମୁଖ୍ୟାଳୟକୁ ବଦଳି କଲେ କେନ୍ଦ୍ରାପଡ଼ା ଏସ୍ପି । ଘଟଣାର ନିରପେକ୍ଷ ତଦନ୍ତ ପାଇଁ ବଦଳି କଲେ ଏସ୍ପି । କାଲି ପୋଲିସର ଅବହେଳାକୁ ଦାୟୀ କରିଥିଲେ ପୀଡ଼ିତାଙ୍କ ବାପା । ଝିଅର ଅଭିଯୋଗ ASI ରଖି ନ ଥିବା ଅଭିଯୋଗ କରିଥିଲ।
ଗତକାଲି କେନ୍ଦ୍ରାପଡା ଜିଲ୍ଲା ଗ୍ରାମାଞ୍ଚଳ ଥାନା କାଠିଆପଡ଼ା ଗାଁରେ ଜିଅନ୍ତା ଜଳିଯାଇଥିଲେ ଯୁବତୀ । ଯୁବତୀ ଜଣଙ୍କ ଯୁକ୍ତ ୩ ଶେଷ ବର୍ଷର ଛାତ୍ରୀ ଥିଲେ । କେହି ଜଣେ ଯୁବାତୀଙ୍କୁ ବ୍ଲାକ୍ମେଲିଂ କରୁଥିବାରୁ ସେ ଏପରି ପଦକ୍ଷେପ ନେଲେ ବୋଲି କହିଥିଲେ ଯୁବତୀଙ୍କ ବାପା । ଏଥିସହ ପଟ୍ଟାମୁଣ୍ଡାଇ ଥାନାର ଆଇଆଇସି ପଲେଇ ବାବୁଙ୍କ ନାଁରେ ସାଂଘାତିକ ଅଭିଯୋଗ ଆଣିଥିଲେ ଯୁବତୀଙ୍କ ବାପା । ମୃତ ଯୁବତୀଙ୍କ ବାପାଙ୍କ କହିବା ଅନୁସାରେ, ମୋ ଝିଅ ସହ ଜଣେ ପିଲାର ବ୍ରେକଅପ୍ ହୋଇଥିଲା। ହାରାସମେଣ୍ଟ୍ ହୋଇ ଝିଅ ସୁଇସାଇଡ୍ କରିଦେଲା । ମୁଁ ପୁଅର ନାମ ଜାଣି ନାହିଁ, ସେ ବାରମ୍ବାର ବ୍ଲାକ୍ମେଲ୍ କରୁଥିଲା । ସୋସିଆଲ ମିଡିଆରେ ଫଟୋ ଛାଡ଼ିବା ସହ କିରାସିନି ପକାଇ ମାରିଦେବାକୁ ଧମକ ଦେଉଥିଲା । ଏନେଇ ଗ୍ରାମାଞ୍ଚଳ ଥାନାରେ ୬ ମାସ ପର୍ବେ ଅଭିଯୋଗ କରିଥିଲୁ । ଲିଖିତ ଅଭିଯୋଗ କରିବାକୁ କହିଥିଲା ପୋଲିସ । ମାନସିକ ନିର୍ଯାତନା ଅସହ୍ୟ ହେବାରୁ ମୋ ଝିଅ ଜଳିଗଲା । ଅନ୍ୟପଟେ ମୃତ ଯୁବତୀଙ୍କ ବାପାଙ୍କ ଏତେବଡ ଅଭିଯୋଗ ପରେ ଖାମଖିଆଲି ଭାବେ ବୟାନ ଦେଇଛନ୍ତି ଆଇଆଇସି ପଲେଇ ବାବୁ । ମୁଁ ମିଡିଆରେ ବାଇଟ୍ ଦେବି ନାହିଁ । କେବେ ଅଭିଯୋଗ ଦେଇଥିଲେ କଣ ଦେଇଥିଲେ ମୁଁ ସେ ବିଷୟରେ କିଛି ଜାଣିନି ବୋଲି କହି ଗଣମାଧ୍ୟମରୁ ମୁହଁ ଫେରାଇ ନେଇଛନ୍ତି ପଲେଇ ବାବୁ ।