କେରଳରେ ୱାୟାନାଡ ଘଟଣାକୁ ଏକ ପ୍ରମୁଖ ପ୍ରାକୃତିକ ବିପର୍ୟ୍ୟୟ ବୋଲି ଘୋଷଣା କରିବାକୁ ଗୃହମନ୍ତ୍ରୀ ଅମିତ ଶାହା ନିଷ୍ପତ୍ତି ନେଇଛନ୍ତି। ତାଙ୍କ ପଦକ୍ଷେପକୁ ୱାୟାନାଡ ସାଂସଦ ତଥା କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଏହା ପୁନଃ ଥଇଥାନ କାର୍ୟ୍ୟକୁ ତ୍ୱରାନ୍ୱିତ କରିବ ଏବଂ ସହଜରେ ଅର୍ଥ ମଧ୍ୟ ବଣ୍ଟନ କରାଯିବ। ସେ କେନ୍ଦ୍ରର ନିଷ୍ପତ୍ତିକୁ ସଠିକ୍ ଦିଗରେ ପଦକ୍ଷେପ ବୋଲି କହିଛନ୍ତି। ସେ ଢ ପୋଷ୍ଟ ରେ ଲେଖିଛନ୍ତି ଯେ ୱାୟାନାଡ ଦୁଃଖଦ ଘଟଣାକୁ ଭୟଙ୍କର ପ୍ରକୃତିର ବିପର୍ୟ୍ୟୟ ବୋଲି ଘୋଷଣା କରିଥିବାରୁ ମୁଁ ଅମିତ ଶାହା ଜୀଙ୍କୁ କୃତଜ୍ଞତା ଜଣାଉଛି। ଏହା ନିଶ୍ଚିତ ଭାବରେ ସଠିକ୍ ଦିଗରେ ଏକ ପଦକ୍ଷେପ । ଯଦି ଆବଶ୍ୟକ ପାଣ୍ଠି ଯଥାଶୀଘ୍ର ଉପଲବ୍ଧ କରାଗଲେ ଆମେ ସମସ୍ତେ ଅତ୍ୟଧିକ କୃତଜ୍ଞ ଜ୍ଝ ଏହାପୂର୍ବରୁ କେନ୍ଦ୍ର କେରଳକୁ ସୂଚନା ଦେଇଥିଲା ଯେ ୱାୟାନାଡ ଜିଲ୍ଲାର ମେପ୍ପାଡି ଭୂସ୍ଖଳନ ଦୁର୍ଘଟଣାକୁ ଆନ୍ତଃମନ୍ତ୍ରୀସ୍ତରୀୟ କେନ୍ଦ୍ରୀୟ ଦଳ ବିପର୍ୟ୍ୟସ୍ତ ପ୍ରକୃତିର ବିପର୍ୟ୍ୟୟ ବୋଲି ଚିହ୍ନଟ କରିଛନ୍ତି। କେରଳ କଂଗ୍ରେସ ୟୁନିଟ୍ ଏହାର ଅଫିସିଆଲ୍ ସୋସିଆଲ୍ ମିଡିଆ ଆକାଉଣ୍ଟରେ ଏହି ସୂଚନା ଦେଇଛି। ଏଥିସହ ସେ କହିଛନ୍ତି ଯେ ୱାୟାନାଡ ସାଂସଦ ପ୍ରିୟଙ୍କା ଗାନ୍ଧୀ ଭଦ୍ରା ଏଥିପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଅନୁରୋଧ କରିଛନ୍ତି। ସେ ଏ ବାବଦରେ ଏକ ପ୍ରତିନିଧୀଙ୍କୁ ମଧ୍ୟ ଭେଟିଥିଲେ ଏବଂ ବର୍ତ୍ତମାନ ମୁଣ୍ଡାକ୍କାଇ-ଚୁରାମାଲା ଭୂସ୍ଖଳନକୁ ଏକ ଭୟଙ୍କର ପ୍ରାକୃତିକ ବିପର୍ୟ୍ୟୟ ବୋଲି କେନ୍ଦ୍ର ଚିହ୍ନଟ କରିଛି।
ସୂଚନାଯୋଗ୍ୟ ଯେ ଡିସେମ୍ବର ୨ ରେ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱରେ କେରଳ ସାଂସଦଙ୍କ ଏକ ପ୍ରତିନିଧି ଦଳ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିଥିଲେ। ଭୂସ୍ଖଳନ ପ୍ରଭାବିତ ୱାୟାନାଡ ପାଇଁ ତୁରନ୍ତ ରିଲିଫ ପାଇଁ ସେ ଆବେଦନ କରିଥିଲେ। ଏହା ପରେ ପ୍ରିୟଙ୍କା ଗାନ୍ଧୀ କହିଥିଲେ ଯେ ଆମେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କୁ ଉପସ୍ଥାପନା କରିଛୁ। ୱାୟାନାଡରେ ଭୂସ୍ଖଳନ ଦ୍ୱାରା ପ୍ରଭାବିତ ଲୋକମାନେ ସବୁକିଛି ହରାଇଛନ୍ତି। ଏଭଳି ପରିସ୍ଥିତିରେ ଯଦି କେନ୍ଦ୍ର ଏଥିରେ ହସ୍ତକ୍ଷେପ ନକରେ ତେବେ ସମଗ୍ର ଦେଶ ତଥା ବିଶେଷ କରି ପୀଡିତଙ୍କ ନିକଟକୁ ଏକ ଭୁଲ ବାର୍ତ୍ତା ପଠାଯିବ।
ଜୁଲାଇ ୩୦ ରେ, ୱାୟାନାଡରେ ଭୂସ୍ଖଳନ ହେତୁ ଭୟଙ୍କର ବିନାଶ ଘଟିଥିଲା। ମୁଣ୍ଡାକ୍କାଇ ଏବଂ ଚୁରାମାଲା ଅଞ୍ଚଳରେ ସର୍ବାଧିକ କ୍ଷୟକ୍ଷତି ହୋଇଛି। ସେହି ଦୁର୍ଘଟଣାରେ ୩୦୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା ଏବଂ ଶହ ଶହ ଘର ଓ କୋଠା ନଷ୍ଟ ହୋଇଯାଇଥିଲା।
