ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଝଟକା । ଜାମିନ ଅବଧି ବୃଦ୍ଧି ଆବେଦନ ଶୁଣାଣିକୁ ନା କରିଛନ୍ତି ସୁପ୍ରିମକୋର୍ଟ । ସ୍ୱାସ୍ଥ୍ୟଗତ ସମସ୍ୟା ଦେଖାଇ ୭ ଦିନ ଜାମିନ ବୃଦ୍ଧି କରିବାକୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆବେଦନ କରିଥିଲେ । ଏନେଇ ଆଜି ସୁପ୍ରିମକୋର୍ଟଙ୍କ ଅବକାଣକାଳୀନ ବେଞ୍ଚ ଆପ ସୁପ୍ରିମୋଙ୍କ ଆବେଦନକୁ ଶୁଣାଣି ପାଇଁ ମନା କରିଛନ୍ତି । ସର୍ବୋଚ୍ଚ ଅଦାଲତ କହିଛନ୍ତି, ଗତ ସପ୍ତାହ ଗଠିତ ହୋଇଥିବା ଅବକାଶ ଖଣ୍ଡପୀଠର ଜଣେ ସଦସ୍ୟ ତଥା ଜଷ୍ଟିସ ଦିପାଙ୍କର ଦତ୍ତା ବେଞ୍ଚରେ ଥିବା ବେଳେ କାହିଁକି ଆବେଦନ କରିନଥିଲେ । ଅରବିନ୍ଦ କେଜ୍ରିୱାଲଙ୍କ ଜାମିନ ଆବେଦନ ଯାଚିକାକୁ ଖଣ୍ଡପୀଠ ସିଜେଆଇ ଜଷ୍ଟିସ ଚନ୍ଦ୍ରଚୂଡଙ୍କ ନିକଟକୁ ପଠାଇଚନ୍ତି ।
ତେବେ ଜଷ୍ଟିସ ଜେ କେ ମାହେଶ୍ୱରୀ ଏବଂ ଜଷ୍ଟିସ କେ ଭି ବିଶ୍ୱନାଥନଙ୍କ ବେଞ୍ଚ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଜାମିନ ଆବେଦନକୁ ଖାରଜ କରିଛନ୍ତି । ଆପ ସୁପ୍ରିମୋଙ୍କ ପକ୍ଷରୁ ବରିଷ୍ଠ ଆଇନଜୀବୀ ଅଭିଷେକ ମନୁ ସିଂଘବୀ ତତ୍କାଳ ଶୁଣାଣି ପାଇଁ ଖଣ୍ଡପୀଠକୁ ଗୁହାରି କରିଥିଲେ । ଅଭିଷେକ ମନୁ ସିଂଘବୀ କହିଥିଲେ, ଦିଲ୍ଲୀ ମୁଖ୍ୟମନ୍ତ୍ରୀଙ୍କର ଅସ୍ପିଟାଲରେ କିଛି ସ୍ୱାସ୍ଥ୍ୟପରୀକ୍ଷା କରିଛି । ତେଣୁ ଜାମିନ ଅବଧିକୁ ୭ଦିନ ବୃଦ୍ଧି କରାଯାଉ । କେଜ୍ରିୱାଲଙ୍କ ମେଡିକାଲ ଟେଷ୍ଟ ପରେ ୯ ଜୁନରେ ତିହାର ଜେଲରେ ଆତ୍ମସମର୍ପଣ କରିବେ । ହେଲେ ଜାମିନ ଆବେଦନର ତତ୍କାଳ ଶୁଣାଣି କରିବାକୁ ମନା କରିଛନ୍ତି ଆବକାଶକାଳୀନ ଖଣ୍ଡପୀଠ ।