ନୂଆଦିଲ୍ଲୀ: ଘୋଷଣା ହେଲା ୭୧ ତମ ଜାତୀୟ ଚଳଚ୍ଚିତ୍ର ପୁରସ୍କାର । ଶ୍ରେଷ୍ଠ ଓଡ଼ିଆ ଫିଲ୍ମ ଭାବେ ବାଜିମାତ୍ କଲା ତରଙ୍ଗ ସିନେ ପ୍ରଡକସନ୍ସର ‘ପୁଷ୍କରା’ । ଶୁଭ୍ରାଂଶୁ ଦାଶଙ୍କ ନିର୍ଦ୍ଦେଶିତ ‘ପୁଷ୍କରା’ର ମୁଖ୍ୟ ଚରିତ୍ରରେ ଅଭିନୟ କରିଥିଲେ ଅଭିନେତା ସବ୍ୟସାଚୀ ମିଶ୍ର । ୨୦୨୧ ଓ ୨୦୨୨ ବର୍ଷ ପାଇଁ ଆୟୋଜିତ ହୋଇଥିବା ୬୯ତମ ଓ ୭୦ତମ ଜାତୀୟ ପୁରସ୍କାରରେ ଅନେକ ବଲିଉଡ ଓ ସାଉଥ ଫିଲ୍ମ ବ୍ୟତୀତ ଦୁଇଟି ଓଡ଼ିଆ ଫିଲ୍ମ ‘ପ୍ରତୀକ୍ଷା’ ଓ ‘ଦମନ’ ଜାତୀୟ ଫିଲ୍ମ ଆୱାର୍ଡ ପାଇଥିଲା । ଯାହା ଓଡ଼ିଶା ଓ ଓଲିଉଡ ଇଣ୍ଡଷ୍ଟ୍ରି ପାଇଁ ଗର୍ବ ଆଣିଥିଲା । ଏବେ ଏହି ଗୌରବକୁ ବଜାୟ ରଖିଛି ଫିଲ୍ମ ପୁଷ୍କରା । ଅନ୍ୟପଟେ ଶାହରୁଖ ଖାନ୍ ଓ ବିକ୍ରାନ୍ତ ମେସି ହୋଇଛନ୍ତି ଶ୍ରେଷ୍ଠ ଅଭିନେତା । ‘ଯବାନ’ ପାଇଁ ଶାହରୁଖ ଖାନ୍ ଏବଂ 12th ଫେଲ୍ ପାଇଁ ବିକ୍ରାନ୍ତ ମେସିଙ୍କୁ ଶ୍ରେଷ୍ଠ ଅଭିନେତା ହୋଇଛନ୍ତି । ସେହିପରି ବିଧୁ ବିନୋଦ ଚୋପ୍ରା ପ୍ରଯୋଜିତ IPS ମନୋଜ ଶର୍ମାଙ୍କ ସଂଘର୍ଷମୟ ଯାତ୍ରାକୁ ନେଇ ଫିଲ୍ମ 12th ଫେଲ୍’ ଶ୍ରେଷ୍ଠ ଫିଚର ଫିଲ୍ମ ଭାବେ ମନୋନୀତ । ସେହିପରି ‘ରକି ଔର ରାନୀ କି ପ୍ରେମ୍ କାହାନୀ’ ଶ୍ରେଷ୍ଠ ଲୋକପ୍ରିୟ ଫିଲ୍ମ । ସେପଟେ ‘ମିସେସ୍ ଚାଟାର୍ଜୀ VS ନରୱେ’ ଫିଲ୍ମ ପାଇଁ ଶ୍ରେଷ୍ଠ ଅଭିନେତ୍ରୀ ଭାବେ ମନୋନୀତ ହୋଇଛନ୍ତି ଅଭିନେତ୍ରୀ ରାଣୀ ମୁଖାର୍ଜୀ ।
- ଶ୍ରେଷ୍ଠ ଅଭିନେତ୍ରୀ – ରାଣୀ ମୁଖାର୍ଜୀ
- ଶ୍ରେଷ୍ଠ ଅଭିନେତା – ଶାହାରୁଖ ଖାନ, ବିକ୍ରାନ୍ତ ମାସେ
- ଶ୍ରେଷ୍ଠ ହିନ୍ଦୀ ସିନେମା-କଟହଲ୍
- ଶ୍ରେଷ୍ଠ ଫିଚର୍ ଫିଲ୍ମ-12th ଫେଲ୍
- ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର – ପୁଷ୍କରା
- ଶ୍ରେଷ୍ଠ ତାଇ ଫେକ ଫିଲ୍ମ – ପାଏ ଟାଙ୍ଗ୍
- ଶ୍ରେଷ୍ଠ ଗାରୋ ଚଳଚ୍ଚିତ୍ର – ରିମଡୋଗିଟାଙ୍ଗା
- ଶ୍ରେଷ୍ଠ ତେଲୁଗୁ ଚଳଚ୍ଚିତ୍ର – ଭାଗବନ୍ତ କେସରୀ
- ଶ୍ରେଷ୍ଠ ତାମିଲ ଫିଲ୍ମ – ପାର୍କିଂ
- ଶ୍ରେଷ୍ଠ ପଞ୍ଜାବୀ ଚଳଚ୍ଚିତ୍ର – ଗୋଡେ ଗୋଡେ ଚା
- ଶ୍ରେଷ୍ଠ ମରାଠୀ – ଶ୍ୟାମଚି ଆଇ
- ଶ୍ରେଷ୍ଠ କନ୍ନଡ ଫିଲ୍ମ – କଣ୍ଡିଲୁ
- ଶ୍ରେଷ୍ଠ ବେଙ୍ଗଲି ଫିଲ୍ମ- ଡିପ୍ ଫ୍ରିଜ୍