(ଅଜିତ୍ ସାହୁ /ଜଳେଶ୍ୱର):ବାଲେଶ୍ଵର ଜିଲ୍ଲା ଜଳେଶ୍ୱର ଥାନା ଅଧୀନସ୍ଥ ପଞ୍ଚୁଘଣ୍ଟା ଗ୍ରାମରେ ଦୁଇଟି କାଠ ପୋଲ ଉଚ୍ଛେଦ କରିବାକୁ ଆସି ପ୍ରଶାସନ ହେଲା ହଟହଟା । ଜନସାଧାରଣଙ୍କ ବିରୋଧର ସମ୍ମୁଖୀନ ହୋଇ ପଛଘୁଞ୍ଚା ଦେଲା ପ୍ରଶାସନ। ବାଲେଶ୍ଵର ଜିଲ୍ଲା ଜଳେଶ୍ଵର ମ୍ୟୁନିସିପାଲଟି ଅନ୍ତର୍ଗତ ପଞ୍ଚୁ ଘଣ୍ଟା ଠାରେ ଦୀର୍ଘ ୮୦ ବର୍ଷରୁ ଉର୍ଦ୍ଧ୍ବ ହେବ ସୁବର୍ଣ୍ଣରେଖା ନଦୀ ଉପରେ ଫେରିଘାଟ ରହିଛି ।ଯାହା ଦ୍ବାରା ଜଳେଶ୍ଵର ରାଇବଣିଆ ଅଞ୍ଚଳର ଲୋକ ମାନେ ବେଶ ଉପକୃତ ହେବା ସହିତ ଖୁଵ କମ ସମୟରେ ଅଳ୍ପ ଖର୍ଚ୍ଚରେ ଯାଆଆସ କରିପାରନ୍ତି। ଚାଷୀଙ୍କ ଠାରୁ ଛାତ୍ର ଛାତ୍ରୀ, ପୋଲିସ, ଦମକଳ, ଆମ୍ବୁଲାନ୍ସ, ଏମିତି କି ପ୍ରଶାସନିକ ଗାଡି ମଧ୍ୟ ଯାଆ ଆସ କରିବାର ନଜିର ରହିଛି। ତେବେ ବିଗତ ତିରିଶ ବର୍ଷ ହେବ ନଦୀ ସୁଖୀ ଯାଉଥିବାରୁ ଡଙ୍ଗା ଚାଲି ନପାରିବାରୁ,ଉକ୍ତ ଘାଟ ଉପରେ ଅସ୍ଥାୟୀ କାଠ ପୋଲ ନିର୍ମାଣ କରି ଅଞ୍ଚଳ ବାସୀ ଆଶ କରୁଛନ୍ତି। ତେବେ ଅଭିଯୋଗ ପାଇ ଆଜି ପ୍ରଶାସନ ଉକ୍ତ ପୋଲକୁ ଉଚ୍ଛେଦ କରିବାକୁ ପହଞ୍ଚି ସ୍ଥାନୀୟ ଗ୍ରାମବାସୀଙ୍କ ବିରୋଧର ସମ୍ମୁଖୀନ ହୋଇଥିଲେ। ଗ୍ରାମବାସୀ ମାନେ ତହସିଲଦାରଙ୍କୁ ପୋଲ ଉପରକୁ ଯିବାକୁ ଦେଇ ନଥିଲେ । ଯଦି ପ୍ରଶାସନ ଲୋକ ମାନଙ୍କର ସମସ୍ୟାକୁ ଦୃଷ୍ଟି ନଦିଏ ତେବେ ପରିସ୍ଥିତି ଭୟଙ୍କର ହେବ ବୋଲି ଚେତାବନୀ ଦେଇଥିଲେ ।ଫଳରେ ପ୍ରଶାସନ ପଛଘୁଞ୍ଚା ଦେଇ ଫେରିବାକୁ ବାଧ୍ୟ ହୋଇଥିଲା । କାଠ ପୋଲ ଦ୍ୱାରା ସ୍ଥାନୀୟ ଲୋକେ ଉପକୃତ ହେଉଥିବା କହୁଥିବା ବେଳେ, ପ୍ରସାସନ ବେଆଇନ କହି ଉଚ୍ଛେଦ କରିବାକୁ ଅଣ୍ଟା ଭିଡ଼ିଛି। ତେବେ ଆଗାମୀ ଦିନରେ ପ୍ରଶାସନ କି ପଦକ୍ଷେପ ନେଉଛି ଦେଖିବାକୁ ବାକି ରହିଲା।
