ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା , ଜଣେ ମୃତ, ଦୁଇ ଗୁରୁତର 

 (ଲକ୍ଷ୍ମୀପୁର) : ଲକ୍ଷ୍ମୀପୁର ବ୍ଲକ କାକିରିଗୁମା ଥାନା ଗୋଉଡଗୁଡା ନିକଟ କୁଟ୍ରା ଘାଟି ଉପରେ ଦୁଇଟି ମଟର ସାଇକଲ ମଧ୍ୟରେ ମୁହାଁମୁହିଁ ଧକ୍କା ।ଫଳରେ ଘଟଣା ସ୍ଥଳରେ ଜଣକର ମୃତ୍ୟୁ ହୋଇଥିବା ବେଳେ ଦୁଇଜଣ ଆହାତ ହୋଇଥିବା ଜଣା ପଡିଛି ।

ମୃତ ବ୍ୟକ୍ତିଙ୍କର ପରିଚୟ ମିଳି ନଥିବା ବେଳେ ତାଙ୍କ ଘର ପଞ୍ଚଡା ପଞ୍ଚାୟତର ଝୋଡିଖେନ୍ଦା ଗ୍ରାମ ଓ ଅନ୍ୟ ମଟର ସାଇକଲ ଚାଳକର ଘର କୁଟିଙ୍କା ପଞ୍ଚାୟତର ଢାମଣଗଣ୍ଡା ଗ୍ରାମ ବୋଲି ଜଣାପଡିଛି । ଖବର ପାଇ ଘଟଣା ସ୍ଥଳରେ କାକିରିଗୁମା ପୋଲିସ ପହଁଚି ଦୁଇଟି ମଟର ସାଇକଲ ଜବତ କରିଛି । ମୃତକଙ୍କ ପରିଚୟ ମିଳିନଥିବା ବେଳେ କାକିରିଗୁମା ଥାନାରେ କୌଣସି ଅଭିଯୋଗ ଆସିନଥିବାରୁ ମାମଲା ରୁଜୁ କରା ଯାଇ ନଥିବା ପୋଲିସ କହିଛି ।