ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେ, ପାକିସ୍ତାନ ସେନା ମୁଖ୍ୟ ଜେନେରାଲ ସୟଦ ଅସୀମ ମୁନିର “ଦେଶ ଛାଡି ପଳାଇଛନ୍ତି” ବୋଲି ସୋସିଆଲ ମିଡିଆରେ ହ୍ୟାସଟ୍ୟାଗ୍ ଏବଂ ମିମର ବନ୍ୟା ସୃଷ୍ଟି କରିଛି। ରିପୋର୍ଟରେ ଦାବି କରାଯାଇଛି ଯେ ନୂଆଦିଲ୍ଲୀର କୂଟନୈତିକ ଆକ୍ରମଣ ପରେ ଜେନେରାଲ ମୁନିର ନିଖୋଜ ହୋଇଯାଇଛନ୍ତି। ସୋସିଆଲ ମିଡିଆରେ ଟ୍ରେଣ୍ଡ କରୁଛି #ମୁନିର_ମିସିଙ୍ଗ୍ । କୁହାଯାଉଛି ପାକିସ୍ତାନର ସେନାମୁଖ୍ୟ ତାଙ୍କ ପରିବାର ସହିତ ଦେଶ ଛାଡି ପଳାଇ ଯାଇଛନ୍ତି କିମ୍ବା ରାୱଲପିଣ୍ଡିର ଏକ ବଙ୍କରରେ ଲୁଚି ରହିଛନ୍ତି। ଅନଲାଇନରେ ମୁନିରଙ୍କ ଅବସ୍ଥିତି ବିଷୟରେ ଆଲୋଚନା ତୀବ୍ର ହେବା ହୋଇଛି। ପାକିସ୍ତାନ ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟ ଏପ୍ରିଲ ୨୬ ତାରିଖରେ ଏକ କାର୍ୟ୍ୟକ୍ରମରେ ଯୋଗ ଦେଇଥିବା ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ସହିତ ଜେନେରାଲ ମୁନିରଙ୍କ ଫଟୋ ପୋଷ୍ଟ କରି ପରିସ୍ଥିତି ସ୍ପଷ୍ଟ କରିଥିଲା। କିନ୍ତୁ ସୋସିଆଲ ମିଡିଆ ବ୍ୟବହାରକାରୀମାନେ ପୋଷ୍ଟର ସମୟ ଏବଂ ଏଥିରେ ତାରିଖର ସ୍ପଷ୍ଟ ଉଲ୍ଲେଖ ଉପରେ ପ୍ରଶ୍ନ ଉଠାଇଥିଲେ। ଜଣେ ବ୍ୟବହାରକାରୀ। ଏହାକୁ ସେନା ମୁଖ୍ୟଙ୍କ ଅନୁପସ୍ଥିତି ବିଷୟରେ ହେଉଥିବା କଳ୍ପନାଜଳ୍ପନାକୁ ଖଣ୍ଡନ କରିବା ପାଇଁ ପୋଷ୍ଟ କରାଯାଇଥିବା “ଏଆଇ-ଜେନେରେଟେଡ୍ ନକଲି ଇମେଜ୍” ବୋଲି ମଧ୍ୟ କହିଛନ୍ତି।
