(ରିପୋର୍ଟସ ଟୁଡ଼େ)ରାୟଗଡ଼ା: ରାୟଗଡ଼ା ଜିଲ୍ଲା ମୁନିଗୁଡ଼ା ସ୍ଥିତ ରେଳ ଫାଟକ ନିକଟରେ ଟ୍ରକ୍ ଚାପାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ତାଙ୍କ ନାଁ ବୈଷ୍ଣବ ନାଣକା। ତାଙ୍କ ଘର ବିଷମ କଟକ ଥାନା ଅନ୍ତର୍ଗତ ମର୍ଥଗୁଡ଼ାରେ।ଟ୍ରକଟି ରେଳ ଫାଟକ ପାର ହେଉଥିବା ବେଳେ ହଠାତ ଭାରସାମ୍ୟ ହରାଇ ପଛକୁ ଗଡ଼ି ଆସିଥିଲା। ସେହି ସମୟରେ ଟ୍ରକ ପଛରେ ବୈଷ୍ଣବ ଥିଲେ। ସେ ବାଇକରେ ଯାଉଥିଲେ। ଟ୍ରକଟି ଗଡ଼ି ଯାଇ ତାଙ୍କ ଉପରେ ଚଢ଼ି ଯାଇଥିଲା। ପୁଲିସ ଘଟଣାର ତଦନ୍ତ କରୁଛି।
