ବିଷମ କଟକ/ରବିନ୍ଦ୍ର କୁମାର ସାହୁ: ରାୟଗଡ଼ା ଜିଲ୍ଲା ବିଷମ କଟକ ବନ ବିଭାଗ ତରଫରୁ ଆଜି ବିଷମ କଟକ ଏବଂ ଦୁର୍ଗୀ ବନଖଣ୍ଡ ଅଂଚଳରେ ଜଙ୍ଗଲ ନିଆଁ ନିବାରଣ ସଚେତନତା ନିମନ୍ତେ ଏକ ମଟର ସାଇକଲ ରାଲି ଅନୁଷ୍ଠିତ ହୋଇଛି । ବିଷମ କଟକ ବନ ପାଳ ହେମ ବେହେରାଙ୍କ ନେତୃତ୍ୱରେ ଆୟୋଜିତ ରାଲିରେ ମୁନିଗୁଡା ବନଖଣ୍ଡ ଅଧିକାରୀ ଅନିଲ କୁମାର ବାଲା ମୂଖ୍ୟ ଅତିଥି ଭାଯେ ଯୋଗ ଦେଇ ରାଲିର ଶୁଭାରମ୍ଭ କରିଛନ୍ତି । ମଟର ସାଇକଲ ରାଲି ବିଷମ କଟକ ରାୟଗଡା ରୋଡସ୍ଥିତ ପେଟ୍ରୋଲ ପମ୍ପ ଠାରୁ ବାହାରି କାଙ୍କୁବାଡି ଗ୍ରାମ ପଂଚାୟତର ବିଭିନ୍ନ ଗାଁ ଗାଁ କୁ ଯାଇ ଲୋକଙ୍କୁ ଜଙ୍ଗଲରେ ନିଆଁ ନଲଗାଇବାକୁ ସଚେତନ କରିଛନ୍ତି । ଚାଂଚଡାଗୁଡା ଗ୍ରାମ ପଂଚାୟତ ସାରି ମଟର ସାଇକଳ ରାଲି ହଜାରିଡାଙ୍ଗ,କୁମ୍ଭାରଧାମୁଣି ଏବଂ ଦୁର୍ଗୀ ପଂଚାୟତ ର ଜଙ୍ଗଲର ପାଖ ଗାଁ ମାନଙ୍କୁ ଯାଇ ଲୋକ ଙ୍କୁ ସଚେତନ କରିଛନ୍ତି । ମଟର ସାଇକଲ ରାଲିରେ କାଙ୍କୁବାଡି ସରପଂଚ ଦୟା କୁଲସିକା, ବନପାଳ ଗରି ପ୍ରଧାନୀ, ରଂଜିତ ଶ୍ରୀରାମ, ବନରଖି ପ୍ରଭାତ କୁମାର ବେହେରା,ଗିତାଞ୍ଜଳି ବଡଜେନା, ସୁମିତ୍ରା ସାହୁ,ସୁବାସ ଶବର, ଅରୁନ୍ଧତି ମୁଟିକା,ଗଜସାଥି ଏବଂ ଗ୍ରାମ ବାସୀ ମାନେ ଭାଗନେଇଥିଲେ ।
