ଟାଙ୍ଗୀ (ରାକେଶ ଜଗଦେବ) : ଗ୍ରୀଷ୍ମ ପୂର୍ବରୁ ଜଙ୍ଗଲରେ ଦେଖା ଦେଲାଣି ଜଳ ସହ ଖାଦ୍ୟ ର ଅଭାବ । ତେଣୁ ହାତୀ ସହ ଜଙ୍ଗଲ ଜନ୍ତୁ ହେଉଛନ୍ତି ଗାଁ ମୁହାଁ । ଫଳରେ ମୁହାଁ ମୁହିଁ ହେଉଛନ୍ତି ଜଙ୍ଗଲ ଜନ୍ତୁ ସହ ମଣିଷ । ଫଳରେ କେତେବେଳେ ଜଙ୍ଗଲୀ ଜନ୍ତୁ ଙ୍କ କବଳରେ ପଡି ଜୀବନ ହରାଉଛି ମଣିଷ ତ କେତେବେଳେ ମଣିଷ ର ଆକ୍ରୋଶ ର ଶିକାର ହୋଇ ଜଙ୍ଗଲି ଜନ୍ତୁ ଅକାଳରେ ମୃତ୍ୟୁବରଣ କରୁଛନ୍ତି । ହେଲେ ଆଜି ମଣିଷ ମାନେ ଦେଖାଇଛନ୍ତି ନିଜର ମାନବିକତା । ଏଭଳି ଚିତ୍ର ଦେଖିବାକୁ ମିକିଛି ଖୋର୍ଦ୍ଧା ବନ ଖଣ୍ଡ ରଣପୁର ରେଞ୍ଜ ନମ ଗାରିଆ ଗାଁ ରେ । ଖାଦ୍ୟ ଲୋଭରେ ଗୋଟିଏ ହରିଣ ନମ ଗାରିଆ ଗାଁ ଭିତରକୁ ଚାଲି ଆସିଥିଲା । ସକାଳ ହୋଇ ଯିବାରୁ ହରିଣ କୁ ଆକ୍ରମଣ କରିବାକୁ ଗାଁ କୁକୁର ପଲ ଏକାଠି ହୋଇ ଥିଲେ । ଫଳରେ ହରିଣଟି ଅନ୍ୟ ଉପାୟ ନ ପାଇ ଜଣେ ବ୍ୟକ୍ତିଙ୍କ ବାଡ଼ିରେ ପଶି ଯାଇଥିଲା । ହରିଣ କୁ ଦେଖି ଗାଁ ଲୋକେ ଏକାଠି ହୋଇ କୁକୁର କୁ ଘଉଡ଼ାଇବା ସହ ହରିଣ ଉଦ୍ଧାର କରି ଦଉଡି ରେ ବାନ୍ଧି ବନ ବିଭାଗକୁ ଖବର ଦେଇଥିଲେ । ହରିଣ ଗାଁରେ ଥିବା ଖବର ପାଇ ଶହ ଶହ ଲୋକ ଏକାଠି ହୋଇ ନିକଟକୁ ଦଉଡି ଆସି ହରିଣ ଦେଖିବା ପାଇଁ ଭିଡ ଜମାଇ ଥିଲେ । ଫଳରେ ହରିଣଟି ଭୟ ପାଇ ଦଉଡି ଛିଣ୍ଡାଇ ଜଙ୍ଗଲ ଭିତରକୁ ପଳାଇ ଯାଇଥିଲା । ତେଣୁ ସ୍ଥାନୀୟ ଲୋକେ ଜଙ୍ଗଲୀ ଜୀବ ଜନ୍ତୁଙ୍କ ସୁରକ୍ଷାକୁ ନିଶ୍ଚିତ କରିବା ପାଇଁ ରଣପୁର ବନ ବିଭାଗ ନିକଟରେ ଦାବି କରିଛନ୍ତି ।
