ଭୁବନେଶ୍ୱର; କାନ୍ଦିଲେ ବିଜେଡି କାଉନସିଲର । ସାମ୍ବାଦିକ ସମ୍ମିଳନୀରେ ବିଜେଡି କାଉନସିଲର କାନ୍ଦିଥିବା ଦୃଶ୍ୟ ସାମ୍ନାକୁ ଆସିଛି । ନିଜ ଦଳର କାଉନସିଲର ନାଁରେ ଅଭିଯୋଗ ଆଣିଛନ୍ତି କାଉନସିଲର । ସୂଚନା ମୁତାବକ, ବାଲେଶ୍ୱର ପୌରପାଳିକା ୨୩ ନମ୍ବର ୱାର୍ଡର ବିଜେଡି କାଉନସିଲର ଶଶୀରେଖା ମହାନ୍ତି ଏଭଳି ଅଭିଯୋଗ ଆଣି କାନ୍ଦିଛନ୍ତି । ତେବେ ୨୨ ନମ୍ବର ୱାର୍ଡର କାଉନସିଲର ଦେବାଶିଷଙ୍କ ନାଁରେ ଦୁର୍ବ୍ୟବହାର ଅଭିଯୋଗ ଆଣି କାନ୍ଦି ପକାଇଥିଲେ ୨୩ ନମ୍ବର ୱାର୍ଡର ବିଜେଡି କାଉନସିଲର ଶଶୀରେଖା ମହାନ୍ତି । ଏନେଇ ଗତ ନଭେମ୍ବର ୧ ତାରିଖରେ ସହଦେବ ଖୁଣ୍ଟା ଥାନାର ଦ୍ବାରସ୍ଥ ହୋଇଥିଲେ। ହେଲେ ଏ ଯାଏଁ ପୁଲିସ୍ କାର୍ୟ୍ୟାନୁଷ୍ଠାନ ନେଉ ନଥିବାରୁ ଅସନ୍ତୋଷ ପ୍ରକାଶ କରି ବିଜେଡିର ଏକ ଗୋଷ୍ଠୀ ସାମ୍ବାଦିକ ସମ୍ମିଳନୀ କରିଛନ୍ତି । ପୂର୍ବତନ ବିଧାୟକ ସ୍ୱରୂପ ଦାସଙ୍କ ଗୋଷ୍ଠୀ ନେତୃତ୍ବରେ ୧୨ଜଣ କାଉନସିଲର ଯୋଗଦେବା ସହ ସାଂସଦ ରବୀନ୍ଦ୍ର ଜେନାଙ୍କ ଗୋଷ୍ଠୀର ଜଣେ କାଉନସିଲରଙ୍କ ବିରୋଧରେ ଦୁର୍ବ୍ୟବହାର ଅଭିଯୋଗ କରିଛନ୍ତି ।
